Irreinoj Dios goberna̱rojtoʼya. Áchisan poliwi iga kiye̱ʼtalis miak tejté̱ nigaj pan Ta̱jli. Matikitakan sekin tejté̱ yej kichi̱was iní̱n gobiernoj.

1. ¿Té kichi̱was Irreinoj Dios iga maono paz wan justicia nigaj pan Ta̱jli?

Jesús —el Rey de Irreinoj Dios—kipolos los gobiernos wan la gente yej kichi̱waj yej aye̱kti (Apocalipsis 16:14, 16). Pan inó̱n tiempoj, iní̱n promesa yawi mochi̱wati: «Poliwi áchisan tiempoj, wan yej kichi̱waj yej aye̱kti yawij poliwitij» (Salmo 37:10). Iga iní̱n gobiernoj, Jesús kichi̱was iga maono paz wan justicia nigaj pan Ta̱jli (xiktajto̱lti Isaías 11:4).

2. ¿Kén ya̱ti la vida kua̱ mamochi̱wa yej Dios kineki iga tejeme̱n?

Pan Irreinoj Dios, «yej kichi̱waj yej ye̱kti yawij mocha̱nti̱tij pan Ta̱jli wan ompa onoskej iga nochipa» (Salmo 37:29). ¡Xitajla̱miki ken ya̱ti la vida kua̱ nochi la gente makichi̱wakan yej ye̱kti, makinekikan Jehová wan nochimej mamonekikan! Ni-ágaj moenfermaros wan nochimej onoskej iga nochipa, ¿Te̱yo̱lpaktiá matikchi̱xtokan iní̱n?

3. ¿Te̱ kichi̱was Irreinoj Dios kua̱ makipolo yej kichi̱waj yej aye̱kti?

Kua̱ kipolos yej kichi̱waj yej aye̱kti, Jesús ya̱ti Rey por 1.000 años. Pan inó̱n tiempoj, Jesús wan los 144.000 yej íwan goberna̱roskej, kipale̱wiskej la gente iga mamoma̱kixtikan del pecado wan maya̱kan perfectos. Kua̱ tamis inó̱n periodo, Ta̱jli mochi̱was se̱ paraíso, ka̱n la gente yo̱lpa̱kis iga kichi̱was yej Jehová kijtowa. De ompa Jesús kimakas sej el gobiernoj Itaj, Jehová. Wan ito̱ka̱ Dios kiweyimatiltis (Mateo 6:9, 10). Wan nochi kimatiskej iga Jehová se̱ ye̱kti gobernante wan kima̱nawiá ia̱ltepe̱ʼ. De ompa Jehová kipolos Tsitsimiʼ wan idemo̱niojmej, wan nochimej yej akitajto̱lkakiskej (Apocalipsis 20:7-10). Nochi yej kichi̱was Irreinoj Dios ya̱ti iga nochipa.

 MATIMOMACHTI̱KAN MA̱J DE INÍ̱N TEMA

4. Irreinoj Dios kipolos los gobiernos humanos

«Ta̱gaʼ kigoberna̱rowa ta̱gaʼ iga makichi̱wa yej aye̱kti» (Eclesiastés 8:9). Iga Irreinoj, Jehová kipolos nochi tejté̱ yej aye̱kti yej kichijtokej los gobiernos.

Xiktajto̱ltikan Daniel 2:44 wan 2 Tesalonicenses 1:6-8, wan xitajto̱kan de iní̱n:

• Jehová wan Jesús, ¿te̱ kichi̱wiliskej los gobiernos wan no̱ yej kitokaj?

• Iga yej timomachtijya de Jehová wan Jesús, ¿kén mitspale̱wiá iní̱n iga xi-ono seguro iga yej yawij kichi̱watij ya̱ti ye̱kti?

5. Jesús yej ma̱j ye̱kti Rey

Ken Rey de Irreinoj Dios, Jesús kichi̱was miak tejté̱ yej ye̱kti iga nochi la gente. Xikitakan el VIDEO iga xikejla̱mikikan kén kine̱xtij Jesús iga kineki makipale̱wi la gente wan iga Dios kimaʼ el poder iga makichi̱wa.

Nochi yej Jesús kichij kua̱ onoya pan Ta̱jli kine̱xtiá yej kichi̱was Irreinoj Dios. De nochi las promesas yej nigaj tikitaj, ¿katiapa ma̱j tiknékiya mamochi̱wa? Xiktajto̱ltikan nochi los textos ka̱n mone̱xtiá iní̱n promesas.

6. Iga Irreinoj Dios tiawij tiye̱ʼonotij

 TE̱ TIMOMACHTIJ

Jehová iga Irreinoj kichi̱was nochi yej yéj kinekiá. Kichi̱was monsajta̱jli ka̱n onoskej personas yej kichi̱waskej yej ye̱kti yej ki-adoraroskej Jehová iga nochipa.

Matikejla̱mikikan te̱ timomachtijkej

• ¿Té̱ kichi̱was Irreinoj Dios iga makichi̱paktili ito̱ka̱ Jehová?

• ¿Kén tikmatij iga Irreinoj Dios kichi̱was yej la Biblia kijtowa?

• De nochi yej kichi̱was Irreinoj Dios, ¿katiapa yej ma̱j tikneki mamochi̱wa?