CHILAYIJO 33
Zuchatiwa NoBushe
Bushe bwaMwali bumutonga. Kwabapelyo kuti buchinche zunu penyika. Ngatiboneni zumwe zunu zubhodo zuchootiwa noBushe bwaMwali.
1. Bushe bwaMwali buchata chini kuti penyika pebenolunyalalo nobululami?
Jesu saShe woBushe bwaMwali uchoopalaja banhu babi nejihulumende jabo pehondo yeAmagedoni. (Zwakatondejelwa 16:14, 16) Nonshaji yoyo kuchoozhajikijika chibimbiswa chimomuBhayibhili chinoti: “Kwasala unshaji unshomanana kuti babi besibeyipo.” (Lwimbo 37:10) Jesu uchashingisa Bushe bubwe kuti kube nolunyalalo nobululami penyika.—Balani Izaya 11:4.
2. Bupenyu bunobeli chini kana kuda kwaMwali kungotanga kutiwa penyika?
Bushe bwaMwali bungotanga kutonga, “bakalulama banoogala penyika akale banoogala nokusinopela.” (Lwimbo 37:29) Zubone ulimunyika inabanhu balolulama akale banoda Jehova nabamwe! Akuna uchoolwala akale unhu wose unoolalama nokusinopela.
3. Bushe bwaMwali buchootani mushule mokupalajwa kwabanhu babi?
Banhu babi bangopalajwa, Jesu uchootonga saShe kwamakole ali 1 000. Ponshaji yoyo iye nabali 144 000 bachabhancha banhu kuti beswike pokupelelela besichina chibi. Kana makole 1 000 apela inyika yose ichaba ipaladayisi imbodo izhele nabanhu banoshanta banobebhanchwa nokuwhilila milawu yaJehova. Nokudalo Jesu uchabwiliza butongi kuna Dade babe, Jehova. Izina lyaJehova “lichoocheneswa” munzila isanu yatikana. (Mateu 6:9, 10) Zunobabhudila pachena kuti Jehova ndiye untongi mbodo unobabayilila banhu baanotonga. Jehova uchoopalaja Satani namadimoni awe naabo banopandukila butongi bubwe. (Zwakatondejelwa 20:7-10) Zunu zwose zubhodo zuchoobuzwa noBushe bwaMwali zuchoogala nokusinopela.
FUNDA ZUNJI
Bona kuti neni tidimbwa kuti Mwali unooshingisa Bushe bubwe kuti ezhajikije zwaakabimbisa muBhayibhili nozwelyamangwana.
4. Bushe bwaMwali buchapalaja jihulumende jose jabanhu
“Unhu angotonga umwe unhu unonkubaja.” (Mbaunuli 8:9) Eshingisa Bushe bubwe Jehova uchoopeja kusolulama kose yoku.
Balani Daniyeli 2:44 na2 BaTesalonika 1:6-8, akale kwejisani nemibhuzo yeyi:
-
Jehova noMwananhulumyana uwe, bachootani kujihulumende naabo bakokulutibi lwajo?
-
Zwawafunda nozwaJehova naJesu zunokubhancha chini kuti ubone kuti zwabachoota zunobakalulama?
5. Jesu untongi umbodo
SaShe woBushe bwaMwali, Jesu uchootila banhu baachatonga zunu zunji zubhodo. Yebani iVIDIYO tibone kuti Jesu unachido chokubhancha banhu akale kuti wakapiwa isimba lyadeni naMwali.
Echipenyika Jesu wakatilabija nozozunu zwalootiwa noBushe bwaMwali. Pamakombolelo alokwalwa pasi yopa ndaapi awulolingilila kobona ezhajikijika? Balani makwalo apo pamakombolelo awashaluja.
|
ECHIPENYIKA JESU . . . |
ELIKUDENGA JESU . . . |
|---|---|
|
|
|
|
|
|
|
|
6. Bushe bwaMwali buchata kuti tibe nelyamangwana ibhodo
Bushe buchata kuti chinangwa chaJehova nabanhu chizhajikijike. Bachagala mupaladayisi penyika nokusinopela. Yebani iVIDIYO tibone zumutiwa naJehova kuti ezhajikije chinangwa chiche eshingisa Mwananhulumyana uwe.
Balani Lwimbo 145:16, akale kwejisani nombuzo yoyu:
-
Kunota kuti uwhe chini kuziba kuti Jehova “uchaguncha zudo zozunu zwose zupenyu”?
BAMWE BANOTI: “Tingoshingila pamwempela tichakwanisa kupeja bukukutu bose bumomunyika.”
-
Bukukutu bupi buchapejwa noBushe bwaMwali bumukonwa kupejwa nejihulumende jabanhu?
INI ZWAWAFUNDA
Bushe bwaMwali buchazhajikija chinangwa chiche. Buchachincha inyika yose kuti ibe phaladayisi izhele nabanhu babhodo bachoonamata Jehova nokusinopela.
Kubwilulula
-
Bushe bwaMwali buchoochenesa chini izina lyaJehova?
-
Ini zunota kuti tidimbwe kuti Bushe bwaMwali buchoozhajikija zubimbiswa zumomuBhayibhili?
-
Ndizupi zuchatiwa noBushe zwawulolingilila kobona zuzhajikijika?
PAMIJA PANA ZWAWAWANA
Iwha kuti ini chinowi Amagedoni.
Tokoloja zuchootikana mumakole 1 000 okutonga kwaJesu akale pachapela makole yaya.
“Kuyini Okuzakwenzakala Ngosuku Lokwahlulela?” (INqabayokulinda, September 1, 2012)
Bona kuti jimhuli jingayeyesesa chini nozwamakombolelo achabuzwa noBushe bwaMwali.
Bala inyaya inoti “Ndakabeli Nemibhuzo Minji Yakabendishupa,” uwhe nozomwe unhulume wakabepandukila ihulumende kuti wakoziba inzila yaloopejwa nayo bukukutu bwakabebona.
“IBhayibhili Liyamtshintsha Umuntu” (INqabayokulinda, January 1, 2012)
