ISIFUNDO 33
Okuzokwenziwa MBuso KaZimu
UmBuso kaZimu sewuyabusa. Kungasikade uzokwenza amatjhuguluko amakhulu ephasini. Akhesicoce ngezinye izinto ezihle esingaqala phambili kizo nasekubusa umBuso kaZimu.
1. UmBuso kaZimu uzokuletha njani ukuthula nobulungiswa ephasini?
UJesu iKosi yomBuso kaZimu, uzokutjhabalalisa abantu abakhohlakeleko naborhulumende ngepi ye-Arimagedoni. (IsAmbulo 16:14, 16) Ngesikhatheso, kuzokuzaliseka isithembiso esiseBhayibhelini esithi: “Sekusele kancani ukuthi abakhohlakeleko bangasaba khona.” (IRhubo 37:10) UJesu uzokusebenzisa umBuso ukuqinisekisa bona iphasi loke linokuthula nobulungiswa.—Funda u-Isaya 11:4.
2. Ipilo izokuba njani nakwenziwa intando kaZimu ephasini?
Nakubusa umBuso kaZimu, “abalungileko bazokufumana iphasi njengelifa begodu bazokuhlala kilo ngokungapheliko.” (IRhubo 37:29) Akhuzicabange uphila ephasini elinabantu abalungileko, abathanda uJehova nabathandanako! Akunamuntu ozokugula begodu woke umuntu uzokuphila ngokungapheliko.
3. UmBuso kaZimu uzokwenzani ngemva kokuthi kutjhatjalaliswe abantu abakhohlakeleko?
Ngemva kokuthi abakhohlakeleko batjhatjalalisiwe, uJesu uzokubusa njengeKosi iminyaka eyi-1 000. Ngesikhatheso, yena nabazii-144 000 abayokubusa naye, bazokusiza abantu ephasini bona bangasabi nesono. Nakuphela isikhatheso, iphasi lizokuba yipharadesi elihle elizele abantu abathabileko abazuza ngokulalela umthetho kaJehova. Ngemva kwalokho uJesu uzokubuyisela umbuso kuBabakhe, uJehova. ‘Igama [lakaJehova] lizokucwengiswa.’ (Matewu 6:9, 10) Kuzabe sekubonakele bona uJehova Mbusi olungileko onendaba nabantu bakhe. UJehova uzokubhubhisa uSathana, amadimoni nabanye abakhetha ukuvukela umbuswakhe. (IsAmbulo 20:7-10) Izinto ezihle ezilethwe mBuso kaZimu zizokuhlala unomphela.
FUNDA NGOKUNGENELELEKO
Tjheja bona kubayini siqiniseka ukuthi uJehova uzokusebenzisa umBuso ukuzalisa zoke iinthembiso eziseBhayibhelini zengomuso lethu.
4. UmBuso KaZimu uzokuqeda boke aborhulumende babantu
“Ngesikhathi umuntu abusa omunye kwaba kulimala kwakhe.” (UMtjhumayeli 8:9) UJehova uzokusebenzisa umBuswakhe ukulungisa umonakalo obangelwe kungabi nobulungiswa.
Funda uDanyela 2:44 neyesi-2 kwebeThesalonika 1:6-8, bese nicoca ngemibuzo le:
-
UJehova nendodanakhe uJesu, bazokwenzani ngaborhulumende babantu nalabo ababalandelako?
-
Lokho okufundileko ngoJehova noJesu kukuqinisekisa njani bona izenzo zabo zizokuba ngezilungileko nezinobulungiswa?
5. UJesu yiKosi ephuma phambili
NjengeKosi yomBuso kaZimu, uJesu uzokusiza abantu ephasini ngeendlela ezinengi. Dlala IVIDIYO ubone ukuthi uJesu utjengise njani bona unesifiso namandla awaphiwe nguZimu wokusiza abantu.
Izinto uJesu azenza nakasephasini zisibonelo salokho umBuso ozokwenza. Ngiziphi iimbusiso ezitlolwe la oqale phambili ukuzibona? Funda imitlolo ekhambisana neembusiswezo.
|
NAKASEPHASINI, UJESU . . . |
NAKASEZULWINI, UJESU . . . |
|---|---|
|
|
|
|
|
|
|
|
6. UmBuso kaZimu uzokuletha ingomuso elihle
UmBuso uzokunikela abantu ipilo ehle uJehova ebekasolo abafunela yona. Bazokuphila ngokungapheliko ephasini eliyipharadesi. Dlala IVIDIYO ubone ukuthi uJehova uyisebenzisa njani iNdodanakhe, uJesu bona afezekise ihloswakhe.
Funda iRhubo 145:16, bese nicoca ngombuzo lo:
-
Kukwenza uzizwe njani ukwazi bona uJehova uzokwanelisa “iimfiso zakho koke okuphilako”?
ABANYE ABANTU BATHI: “Nange singasebenza soke, singakghona ukurarulula imiraro yephasi.”
-
Ngimiphi imiraro ezokuqedwa mBuso kaZimu aborhulumende babantu engekhe bakghone ukuyiqeda?
ISIRHUNYEZO
UmBuso kaZimu uzokwenza lokho uZimu afuna ukuthi ukwenze. Uzokwenza iphasi lizale ngabantu abalungileko abazokulotjha uJehova ngokungapheliko.
Buyekeza
-
UmBuso kaZimu uzolicwengisa njani igama lakaJehova?
-
Kubayini siqiniseka ukuthi umBuso kaZimu uzokuzalisa iinthembiso zeBhayibheli?
-
Ezintweni ezizokwenziwa mBuso kaZimu ngiyiphi oqale phambili ukuyibona?
HLOLA OKUNGENZASI
Fumana bona iyini i-Arimagedoni.
“Iyini Ipi Ye-Arimagedoni?” (Isihloko esiku-jw.org)
Tjheja okuzokwenzeka hlangana nokubusa kwakaJesu kweminyaka eyi-1 000 nekupheleni kwayo.
“Yini Ezokwenzeka NgeLanga LokwaHlulela?” (IsiThala, Septemba 1, 2012)
Qala indlela imindeni engazindla ngayo ndawonye ngeembusiso ezizako zomBuso.
Okhunye Ongakuthabela
OKUBUZWAKO
Siyini Isifundo SeBhayibheli?
Fumana iimpendulo zemibuzo emalungana nehlelo lethu lesifundo seBhayibheli.
