PEꞌLA 33

¿Dxus Gobiernoyuꞌ kĩh yũukx?

TAKH

Ãçxhte Dxus Gobierno jxkaahn yãꞌj ũsna. Dxus Gobierno wala zxiçxkwesa vxituna, ¿txãayuꞌ kĩhkx? Theguka.

1. ¿Dxus Gobiernoyuꞌ kĩh yũukx naa kiwete nasa ew fxiꞌzekhan?

Armagedonte Dxus Gobiernoyuꞌ nasa gobiernoꞌs vxiteꞌ ewmeesaweꞌsxtxiꞌs jxuka pebayaꞌwaꞌjna (Apocalipsis 16:14-16). Txãa eente Dxus weꞌweniꞌ jxukate kxtey yuuna: “Wala txeçxhmee pejxna nasa ewmeesa pçuuwaꞌj” (Salmo 37:10). Dxus Gobiernojũ Jesusyuꞌ naa kiwete ewmeesaꞌs jxuka pebana. Nasa ew yũusaçxaa weçxan fxiꞌzeyaꞌ ewuutxna naa kiwete (lẽeywe Isaías 11:4).

2. Dxus naa kiwete jxkaahn ũste, ¿ĩtxi fxiꞌzewa maa ewki?

Naa kiwete Dxus Gobierno jxkaahn ũste nasa ewsa “ĩtxi fxiꞌzeyã bakaçxtewa” (Salmo 37:29). Yaatxika ĩtxi fxiꞌzewaꞌjaꞌ maꞌw zxiçxkwe yũukx, nasa jxukaysa yaꞌwẽdxna fxiꞌzete, ¡meh ewna! Kim yuhwa ãçaꞌmeeyã bakaçxtewa ĩtxi fxiꞌzeyã.

3. Dxus Gobierno naa kiwete ewmeesatxiꞌs pebaçxayuꞌ, ¿kĩh yũukx?

Nasa ewmeesaweꞌsxaꞌ yaꞌpebate, Jesusyuꞌ 144.000 nasaweꞌsx yakh naa kiwete jxkaahn ũsuna. Jesusyuꞌ mil anxu jxkaahana. Jesús yakh 144.000 jxkaajxaꞌ puꞌçxhiyã, txãa eente nasayuꞌ jxuka ate yũutxna. Jesús mil anxu jxkaahni pçuute, naa kiweyuꞌ seenaꞌ zxiçxkwe yũuna. Txãa kiweteyuꞌ nasa Dxusna nwẽeseꞌjsa yũuçxa fxiꞌzeyã. Txajuꞌ Jesusyuꞌ txãa jxkaahniꞌs txãjx neyaꞌs kaasxwẽduꞌjuna. Dxus yaaseyuꞌ ate yũuna bakaçxtewa (Mateo 6:9, 10). Txãꞌw yũuçxa Jeuwayuꞌ kweꞌsxtxiꞌs kaajiyuꞌjuna txãjx peeykãaniꞌs, txãayuꞌ ewne jxkaaha. Jeuwayuꞌ jxuka naa weꞌwniꞌsa kxtey yuute. Eçxthẽꞌjaꞌs vxiteꞌ txãjx demonioweꞌsxtxiꞌs Jeuwayuꞌ pebana, txaꞌwẽy nasa nwẽeseꞌjsameetxwa jxuka pebana (Apocalipsis 20:7-10). Txãa Dxus jxkaahni zxiçxkwe vxiteꞌ bakaçxtewa zxiçxkweçxa ũsuna.

WEJXKWEÇXA PIYAN UꞌJWEKA

Dxusyuꞌ txãjx weꞌwniꞌsas kxtey yuuna, ¿maꞌw jiyukxthaꞌw? Theguka.

4. Dxus Gobiernoyuꞌ nasa gobiernoꞌs pebana

“Piçthẽꞌj jxkaahçxa vxite piçthẽꞌjweꞌsxtxiꞌs wala kaanxusuꞌjuneꞌ” (Eclesiastés 8:9). Naa kiwete ewmeesa ũsni jxuka pheuꞌjuna.

Lẽeywe Daniel 2:44 vxiteꞌ 2 Tesalonicenses 1:6-8, txajuꞌ naa paapẽynisatxis paswe:

¿Jeuwa vxiteꞌ Jesusaꞌ nasa gobiernoꞌs kĩh yũutxki, txaꞌwẽy txãjx puꞌçxhsatxi?
Jeuwa vxiteꞌ Jesusyuꞌ kweꞌsx jĩi ew txhitxh, ¿idxyuꞌ maꞌw jiyuguigk?

5. Jesús jxkaahni meh ewsana

Jesús naa kiwete jxkaahn ũsteyuꞌ, nasa kĩh yũuwatewa jxuka puꞌçxhina. Txãa VIDEUꞌS thegwe Jesusyuꞌ nasaweꞌsxtxiꞌs wala puçxhyaꞌ wẽdxine, açyu Jeuwayuꞌ çxhãçxhasaꞌs peesune nasaweꞌsxtxiꞌs puꞌçxhkhan.

VIDEU: Jesusaꞌ jxkaahçxa naa thẽysas pheuꞌjya ãjana (1:13)

Jesús naa kiwete ũsçxa kaajiyuꞌjk kĩh yũuyãwatewa. ¿Dxus weꞌwniꞌs jiyuçxa kĩh khwẽꞌytkhaꞌw ũythasuꞌ? Naa versiculotxiꞌs jxuka meen lẽeywe, Dxus weꞌwnis wejxkwe jiyu wẽeçxa.

JESUSAꞌ NAA KIWETE...	JESUSAꞌ CIELUJŨ...
seenaꞌ nus wejxyaꞌ paꞌjtewa kyujuꞌjne (Markos 4:36-41).	naa kiwete suwuuniꞌs pheuꞌjuna (Isaías 35:1, 2).
nasa wala kũjsatx puuçneꞌ (Mateo 14:17-21).	naa kiwete wẽjeniꞌs pebana (Salmo 72:16).
nasa kũjsatx yuꞌçeꞌjne (Lukas 18:35-43).	ãçaꞌniꞌs pebana (Isaías 33:24).
maii nasayuꞌ uunijũ kiꞌ ĩtxi yũuneꞌta (Lukas 8:49-55).	uuniꞌs pebana (Apocalipsis 21:3, 4).

6. Dxus Gobernaĩte wala zxiçxkwe fxiꞌzenaꞌw

Dxus jxkaahçxa, nyaafxtey nasatxiꞌs maꞌwne zxiçxkwe ĩtxi fxiꞌze jxthãasu, txaꞌwẽy jxuka kxtey yuuna. Nasaweꞌsxaꞌ naa kiwete zxiçxkwe ĩtxi fxiꞌzeyã bakaçxtewa. Txãa VIDEUꞌS thegwe Jeuwa txãjx nçxiꞌkaꞌs maꞌw kik iijxũu txãjx weꞌwniꞌs kxtey yuukhan.