33. KAPITEL
Waut daut Kjennichrikj doonen woat
Gott sien Kjennichrikj rejieet aul un boolt woat daut hia oppe Ieed välet endren. Well wie nu seenen, to waut wie ons freien kjennen, wan daut Kjennichrikj ieescht woat äwa de Welt rejieren.
1. Woo woat daut Kjennichrikj Fräd un Jerajchtichkjeit enne Welt brinjen?
Jesus, de Kjennich von Gott sien Kjennichrikj, woat en dän Kjrich von Harmagedon de schlajchte Menschen un Rejierungen venichten (Openboarunk 16:14, 16). Dan woat daut Vespräakjen ut de Schreft sikj gaunz erfelt haben, waut sajcht: “Daut woat nich mea lang dieren, dan woaren de gottloose nich mea sennen” (Psalm 37:10). Derch daut Kjennichrikj woat Jesus doano seenen, daut et oppe Ieed frädlich un jerajcht toojeit (läs Jesaja 11:4).
2. Woo woat daut oppe Welt sennen, wan Gott sien Wellen jedonen woat?
Gott sien Kjennichrikj woat doafäa sorjen, daut “de jerajchte . . . daut Launt oawen un eewich doabennen bliewen” (Psalm 37:29). Denkj mol han: aule oppe Ieed woaren goodet doonen, Jehova leewen un uk sikj unjarenaunda! Kjeena woat krank woaren un aule woaren eewich läwen.
3. Waut woat Gott sien Kjennichrikj doonen, wan de schlajchte ieescht venicht sent?
Wan de schlajchte ieescht venicht sent, dan woat Jesus aus Kjennich met 144000 toop fa dusent Joa rejieren toom de Menschen oppe Ieed halpen, von de Sind frie to woaren. Opp Enj von dee Tiet woat de gaunze Welt een schmocket Paradies sennen, wua aule woaren schaftich sennen, wiels dee Jehova siene Jesazen jehorchen. Dan woat Jesus sienen Voda daut Kjennichrikj trigjäwen un Jehova sien Nomen woat heilich jehoolen woaren, noch väl dolla aus ea (Matäus 6:9-10). Dan woat et gaunz dietlich sennen, daut Jehova een gooda Harscha es, waut om de Menschen bekjemmat es. Gott woat dan dän Soton un de beese Jeista venichten un uk aul dee, waut sikj jäajen siene Rejierunk stalen (Openboarunk 20:7-10). Aul daut goode, waut Gott sien Kjennichrikj volbrinjen woat, woat eewich bliewen.
DOLLA UNJASTONEN
See, wuarom wie ons doaropp veloten kjennen, daut Gott derch daut Kjennichrikj aul daut erfellen woat, waut de Schreft fa lota vesprakjt.
4. Gott sien Kjennichrikj woat met de Menschen äare Rejierunk een Enj moaken
Wan een Mensch “äwa dän aundren rejieet”, dan jeft et doaderch Schoden (Liera 8:9). Derch sien Kjennichrikj woat Jehova dän Schoden wada gootmoaken, waut de Rejierungen aunjerecht haben.
Läst Daniel 2:44 un 2. Tessalonicha 1:6-8 un dan got toop dise Froagen derch:
-
Waut woaren Jehova un sien Sän met de Rejierungen doonen un met deejanje, waut dee unjastetten?
-
Woo halpt die daut, waut du äwa Jehova un Jesus jelieet hast, die secha to sennen, daut dee woaren rajcht haundlen?
5. Jesus es de basta Kjennich
Aus Kjennich von Gott sien Kjennichrikj woat Jesus de Menschen enne Welt opp veschiedne Wäaj halpen. Kjikjt daut VIDEO toom seenen, daut Jesus aul bewäsen haft, daut hee de Menschen halpen well un daut Gott am de Krauft doatoo jejäft haft.
Derch daut, waut Jesus deed, aus hee hia oppe Ieed wia, wees hee, waut daut Kjennichrikj doonen woat. To woone von dise Säajnungen, waut hia aunjejäft sent, freist du die aul sea? Läst de Bibelvarzhen, waut bie de Säajnungen aunjejäft sent toom mea doaräwa lieren.
|
AUS JESUS OPPE IEED WIA, . . . |
VOM HIMMEL WOAT JESUS . . . |
|---|---|
|
|
|
|
|
|
|
|
6. Gott sien Kjennichrikj woat eene sea scheene Tiet brinjen
Daut Kjennichrikj woat de Menschen daut scheene Läwen jäwen, waut Jehova aul emma fa dee wull. Dee woaren fa emma en een Paradies oppe Ieed läwen. Kjikjt daut VIDEO toom seenen, woo Jehova derch sienen Sän Jesus sienen Wellen erfellen woat.
Läst Psalm 37:4 un dan got toop dise Froag derch:
-
Jehova “woat die jäwen, waut dien Hoat sikj wenscht”. Woo denkjst du doaräwa?
WAUT EENJE SAJEN: “Wan wie ons bloos aula wudden toopstonen, dan kunn wie de Trubbels enne Welt fiksen.”
-
Waut woat Gott sien Kjennichrikj fiksen, waut de Menschen äare Rejierunk nich kaun?
KAPITEL TOOPJEFOT
Gott sien Kjennichrikj woat daut utfieren, waut Gott well. Daut woat de gaunze Welt to een Paradies moaken, wua bloos goode Menschen woaren sennen, waut Jehova fa emma deenen.
Waut hast du jelieet?
-
Woo woat Gott sien Kjennichrikj Jehova sienen Nomen heiljen?
-
Wuarom kjenn wie daut jleewen, daut Gott sien Kjennichrikj daut erfellen woat, waut de Schreft vesprakjt?
-
To waut freist du die besonda von daut, waut daut Kjennichrikj doonen woat?
MEA NOSIEEKJEN
See, waut Harmagedon es.
Läs, waut en Jesus sien dusentjoaschet Rikj un no daut passieren woat.
“Waut woat aum Jerechtsdach passieren?” (De Woaktorm, 1. Septamba 2012)
Kjikj mol, woo eene Famielje kaun toop äwa daut Paradies nodenkjen.
Läs dän Artikjel “Ekj haud äwa väl Sachen Twiewel” un see, woo een Maun, waut jäajen de Politikj wia, daut funk, wua hee no socht.
“De Schreft haft äa Läwen veendat” (De Woaktorm, 1. Jaunewoa 2012)
Veleicht jleichst du uk dit
WAUT FOAKEN JEFROACHT WOAT
Woo es een Bibelstudium met Jehova siene Zeijen?
Wan Jehova siene Zeijen emsonst met die de Bibel studieren, dan kaust du soone Bibel brucken, aus du west. Doa kaun diene gaunze Famielje met bie sennen un uk Frind, wan du dee enloden west.
