LONGO DIA 33
Ndaga Ufumu wa Nzambi Mbawutshita
Ufumu wa Nzambi wana hinyina gale. Gualeha ndo mbawusombegesa ndaga jiavula ha mavu. Tutadile ndaga jiabonga jinyi mbawumona mu uhinyinyi wa Ufumu wa Nzambi.
1. Luholo lutshi Ufumu wa Nzambi mbawuvutula guhuima nu gubonga ha mavu?
Yesu, Fumu ya Ufumu wa Nzambi mbawushiya athu abola, nu baguvernema mu ita ya Alemagedona. (Gumonesa 16:14, 16) Mu tangua diene, profesi eyi ya Biblia mbayitagenesewa diago: ‘Guasala hazonda, athu abola mbaakhadigo luko.’ (Ngimbo 37:10) Mu njila ya Ufumu wa Nzambi, Yesu mbawuhaga guhuima nu gubonga ha mavu agasue.—Tanga Yeshaya 11:4.
2. Lujingu mbalukhala gikuatshi tangua gutshigina gua Nzambi mbagukalegewa ha mavu?
Tangua Ufumu wa Nzambi mbawuhinyina mavu, “athu abonga mbaahingana mavu, nu mbaakhala hene ivo nu ivo.” (Ngimbo 37:29) Tangiza gale egi athu agasue mudi mujinga nawo ha mavu adi athu abonga, ana zumba Yehowa nu athu ako! Gushigo nu muthu mbawukata, athu agasue mbaakhala nu monyo ivo nu ivo.
3. Itshi Ufumu wa Nzambi mbawutshita gungima dia gushiya athu abola?
Gungima dia gushiya athu abola, Yesu mbawuhinyina gifua Fumu ivo 1 000. Mu tangua diene, muene nu athu 144 000 anyi mbaahinyina n’enji mbaakuatesa athu a ha mavu ha gubua athu atagana. Gu suga ya ivo 1 000 mavu mbaabua phaladiso imoshi yabonga, athu agasue mbaakhala nu gusuanguluga handaga mbaakhala mutumagela mikhuala ya Yehowa. Gungima, Yesu mbawuvutula Ufumu gudi Yehowa. Mu tangua diene, ‘jina [dia Yehowa] mbadinemesewa.’ (Matayo 6:9, 10) Mbayimonesa diago egi Yehowa udi Fumu wabonga munu wana gudisagesa mukunda nu athu enji. Gungima Yehowa mbawushiya Satana, nu bademo, nu athu agasue ana lumbugila utuameji wenji. (Gumonesa 20:7-10) Ndaga jiabonga mbajibata Ufumu wa Nzambi mbajisala mayilago.
TUKAMBE GUJIYA NDAGA JIAVULA
Tala mukunda natshi tuajiya gusha mutshima egi Nzambi mbawutagenesa mafelela a Biblia atadila masugu adi muza mu njila ya Ufumu wenji.
4. Ufumu wa Nzambi mbawusugisa baguvernema a athu
‘Muthu wana hinyina muthu na muko ha gumumonesa lamba.’ (Mulongeshi 8:9) Yehowa mbawusugisa ndaga eji jiabola mu njila ya Ufumu wenji.
Tanga Danyele 2:44 nu 2 Tesalonike 1:6-8, gungima zuelelenu mihu eyi:
-
Itshi Yehowa nu Yesu mbaatshita baguvernema a athu nu athu anyi ana guahana mago?
-
Luholo lutshi ndaga walonguga jiatadila Yehowa nu Yesu jidi gugutshiginyisa egi ndaga mbaatshita mbajikhala jiatagana?
5. Yesu udi Fumu wabonga
Luholo Yesu udi Fumu ya Ufumu wa Nzambi, mbawutshita ndaga jiabonga mukunda nu athu a ha mavu. Tala VIDEO ha gumona luholo Yesu wamonesele egi udi nu nzala ya gukuatesa athu nu udi nji nu ngolo jia Nzambi.
Hakhalele Yesu ha mavu, wamonesele ndaga jinyi Ufumu wa Nzambi mbawukalagala. Mukatshi dia ndaga jiabonga jiatangewa haha, ndaga itshi wana nengena ha gumona gutagenesewa guenji? Tanga verse jiahagewa ha gutukuatesa ha gulonguga ndaga jiavula jiatadila gubonga guene.
|
NDAGA JAKALEGELE YESU HA MAVU |
NDAGA MBAJIKALAGALA YESU HADI MUENE MU DILU |
|---|---|
|
|
|
|
|
|
|
|
6. Ufumu wa Nzambi mbawutshita ndaga jiabonga mu masugu adi muza
Ufumu wa Nzambi mbawuhana athu lujingu luabonga lunu Yehowa wakhalele mutshigina sendese mualeha egi athu akhale nalo. Athu mbaakhala nu monyo ivo nu ivo mu phaladiso ha mavu. Tala VIDEO ha gumona ndaga Yehowa udi mutshita mu njila ya mun’enji Yesu ha gutagenesa felela dienji.
Tanga Ngimbo 145:16, gungima zuelelenu muhu owu:
-
Luholo lutshi udi gudivua tangua wajiya egi Yehowa ‘mbawutagenesa nzala jia ima yagasue idi nu monyo’?
ATHU AKO ANA ZUELA EGI: “Gula mukut’etu agasue tuadivua, tuajiya gumanesela malamba agasue ha mavu.”
-
Malamba atshi Ufumu wa Nzambi mbawukatula anyi baguvernema ajiyilego gumanesela nga hazonda?
NDAGA WALONGUGA
Ufumu wa Nzambi mbawutagenesa felela dienji. Mbawubuisa mavu agasue phaladiso, athu agasue mbaakhala hene mbaakhala athu abonga nu mbaakhala mukombelela Yehowa mayilago.
Mihu ya Guvutugila
-
Luholo lutshi Ufumu wa Nzambi mbawunemesa jina dia Yehowa?
-
Mukunda natshi tudi mutshigina egi Ufumu wa Nzambi mbawutagenesa mafelela adi mu Biblia?
-
Mukatshi dia ndaga jiabonga mbajitshita Ufumu wa Nzambi, ndaga itshi udi munengena ha gumona?
NDAGA JIKO JIA NDANDO
Tanga longo edi ha gujiya gula Alemagedona adi mukotelesa itshi.
“Qu’est-ce que la bataille d’Armaguédon?” (Longo edi didi mu jw.org)
Tanga ndaga mbajibua mu sungi ya uhinyinyi wa Yesu wa ivo 1 000 nu gu suga ya ivo yene.
Tala luholo enya fami ajiya gutangiza hamoshi gubonga mbaaheta mu phaladiso.
Tanga longo didi muzuela egi: “J’étais tourmenté par de nombreuses questions,” ha gumona luholo muenya politike mumoshi wahetele mvutu jia ndaga jiakhalele mukamba muene.
“La Bible transforme des vies” (Inzo Yaleha ya Mutaledi ya 1 Janvier 2012 ya français)
