LECCIÓN 33
Diospa Reino ¿imara ruranga?
Diospa Reino ña mandaunmi. Ñallami cai allpama ali causaira apamunga. Cai lecciombi Diospa Reino ima pactachingaraushcara ricushun, can tucui shunguhua cushihua caita chapana ushangui.
1. ¿Imara ruranga Diospa Reino cai allpai ganaslla, ali dirichu causanas tiachu?
Armagedón guerrai, Rey apu Jesús manali runaunara runa gobiernogunaras tucuchinga (Apocalipsis 16:14, 16). Chi timpui, Bibliai rimashca tucui pactarishca anga: “Ansalla timpu pishin, manali runauna ña mana tiangahua” (Salmo 37:10). Jesús mandaushcai ganaslla ali dirichu causana intiru allpai tiachu ruranga (leai Isaías 11:4).
2. ¿Imasnara causai anga cai allpai Diospa munai pactarijpi?
Diospa Reino mandanai “alira rurajcuna cai allpara apinunga, chibi huiñai causaira charinunga” (Salmo 37:29). Iyari, tucui ali runauna Jehová Diosta llaquinunga, paigunapuras llaquinununga. ¿Manzhu sumaj causai anga? Mana pis unguringachu, tucui runauna huiñaigama causanunga.
3. ¿Imara Diospa Reino pactachinga manali runaunara tucuchishca huasha?
Manalira rurajcunara tucuchishca huasha, Jesús Rey cuinta 1.000 huata mandangami. Chi timpui, Jesús paita yanapaj 144.000 mandajcunandi runaunara yanapanunga ucha illaj tucungaj. Huaranga huata tucurinai, cai allpa shu sumaj paraíso anga, chibi yapa cushi aj runaunalla causanunga Jehová mandashca leygunara casushcamanda. Chi huasha Jesús mandanara paihua Yaya Jehovama tigrachinga. Mana ima huras cuinta Jehová shuti ahuayachishca anga (Mateo 6:9, 10). Tucuiguna yachanunga Jehová ali mandaj paihua llactara cuiraj ajta. Chi huasha Jehová Dios Satanasta supaigunaras tucuchinga shinallara maicambas Diospa mandanahua cuntra tucujta tucuchinga (Apocalipsis 20:7-10). Diospa Reino sumaj rurashcauna huiñaigama duranga.
MAS YACHAI
Bibliai tucui ima rimashca Diospa Reino pactachingami. ¿Imarasha shina ninchi? Caita ricushun.
4. Diospa Reino runa gobiernogunara tucuchinga
“Runaga shu runara llaquichingahua mandaun” (Eclesiastés 8:9). Jehová Dios paihua Reinohua cai llaquichishcaunara alichinga.
Leaichi Daniel 2:44; 2 Tesalonicenses 1:6-8, huasha catij tapuigunamanda rimaichi:
-
Cai allpai tiaj gobiernogunara paigunara yanapajcunaras ¿imara Jehová paihua Churi Jesushua pariju ruranunga?
-
Jehovamanda Jesusmandas ali ricsina ¿imasnara paiguna rurangaraushcara ali ashcara quirichu canda yanapan?
5. Jesús mas ali Rey an
Jesús Diospa Reinoi Rey ashcamanda runaunara yanapanga. Pai runaunara yanapana munai charishcara shinallara chita pactachingaj Dios paita ushaira cushcaras yachangahua cai VIDEORA ricuichi.
Jesús cai allpai ashcai rurashcauna ricuchinmi Diospa Reinoi ima rurangaraushcara. Cai catij bendiciongunamanda ¿maicanda ña pactarichu munangui? Tucui textogunai leaichi cai pactarina shimiuna tiashcara.
|
JESÚS CAI ALLPAI ASHCAI... |
JESÚS AHUA PACHAMANDA... |
|---|---|
|
|
|
|
|
|
|
|
6. Diospa Reinomanda sumaj causaira charishun
Cai Reino tucui Jehová munashcara pactachingami. Casna ali gustu sumaj causaira runaunara cunga Jehová callarinamanda munashca shina. Runauna huiñai huiñaigama causanunga cai sumaj paraíso allpai. Cai VIDEORA ricuichi yachangaj Jehová imasna paihua Churi Jesusta utilizan paihua munaira pactachingahua.
Leaichi Salmo 145:16, huasha catij tapuimanda rimaichi:
-
¿Imasnara can sintingui Jehová “tucui causajcunaj munaira” cungaraujta yachasha?
RUNAUNA CASNA NINUJPI: “Tucuiguna parijumanda ursarisha cai mundui tiaj problemagunara alichingaraunchi”.
-
¿Maican problemagunara runa gobiernoguna mana tucuchina ushashcara Diospa Reino tucuchingaraun?
IMARA YACHASHCANGUI
Diospa Reino tucui Dios munashcara pactachingami. Cai allpara shu paraíso ruranga, chibi ali runaunalla Jehová Diosta huiñai huiñaigama aduranunga.
Iyaringaj
-
¿Imara ruranga Diospa Reino Jehová shutira ahuayachingaj?
-
¿Imarasha yachanchi Diospa Reino tucui Biblia rimashcaunara pactachingaraushcara?
-
Diospa Reino tucui gustuunara rurangaraushcamanda ¿maicanda ña pactarichu munangui?
RICUNGUI
Armagedón ima ashcara yachai.
Yachai ima tucunara Jesús huaranga huatauna mandanai shinallara cai huatauna tucurishca huasha ima tucungaraushcaras.
“¿Imara tucunga Dios taripana punzhai?” (La Atalaya, 1 de septiembre de 2012)
Ricui imasna ailluuna iyarina ushanun Diospa Reino ñalla bendicionguna apamungaraushcara.
“Ashca tapuigunara charicani” nishca cuintashcai leai imasna shu político runa pai tapuiguna cutipashcara tupaca.
“Biblia paiguna causaira turcachica” (La Atalaya, 1 de enero de 2012)
Cai temagunaras leana munanguichari
TAPUIGUNA
Jehovahuaj testigoguna Bibliamanda yachachinchi
Jehovahuaj testigogunahua gratis Bibliamanda yachashcai can munashca Bibliara utilizana ushangui. Astaumbas munasha camba ailluunara amigogunaras cumbirana ushangui canhua yachangaj.
