LEKCIJA 33
So ka kerel e Devleskoro Carstvo?
E Devleskoro Carstvo više vladinela. Panda hari, ov ka kerel bare promene ki Phuv. Te dikha nesave šukar bukja so ka kerel e Devleskoro Carstvo.
1. Sar e Devleskoro Carstvo ka anel mir hem pravda ki Phuv?
O Isus, sar cari ko e Devleskoro Carstvo, ka uništinel e lošna manušen hem e vladen ki vojna so vikinela pe Armagedon (Otkrovenie 16:14, 16). Tegani ka ispolninel pe akava vetuvanje tari Biblija: „Panda hari, o lošno nane te ovel više“ (Psalm 37:10). Preku e Devleskoro Carstvo, o Isus ka kerel te ovel mir hem pravda ki celi Phuv. (Čitin Isaija 11:4.)
2. Savo ka ovel o životo ki Phuv keda sarine ka keren e Devleskiri volja?
Keda e Devleskoro Carstvo ka vladinel „o pravedna manuša ka nasledinen i phuv hem ka živinen večno ki late“ (Psalm 37:29). Zamislin tuke te živine ko sveto kote so sarine tane pravedna hem mangena e Jehova hem jekh jekhe! Nikoj nane te ovel nasvalo hem sarine ka živinen večno.
3. So ka kerel e Devleskoro Carstvo otkeda o lošna manuša ka oven uništime?
Otkeda o lošna manuša ka oven uništime, o Isus ka vladinel sar Cari 1.000 berša. Ko adava vreme, ov hem o 144.000 so ka vladinen zaedno lea, ka pomožinen e manušenge te oven sovršena. Ko krajo taro adava periodi i Phuv ka ovel raj hem sa o manuša ka oven bahtale adaleske so šunena e Jehovaskere zakonija. Tegani o Isus ka iranel o Carstvo ple Dadeske e Jehovaske. Sar nikogaš angleder, ka „slavinel pe [e Jehovaskoro] anav“ (Matej 6:9, 10). Tegani ka ovel jasno kaj o Jehova tano šukar Vladeteli kova so grižinela pe bašo ple sluge. Palo adava, o Jehova ka uništinel e Satana, e demonen hem sa okolen so buninena pe protiv leskoro vladibe (Otkrovenie 20:7-10). Sa o šukar bukja so ka kerel e Devleskoro Carstvo ka ačhoven zasekogaš.
DOZNAJN POVIŠE
Dikh soske šaj te ova sigurna kaj o Devel preku plo Carstvo ka ispolninel sa o vetuvanja soj pišime ki Biblija.
4. E Devleskoro Carstvo ka čhivel krajo e manušikane vladenge
„O manuš vladinela upro manuš ki leskiri šteta“ (Propovednik 8:9). Preku plo Carstvo, o Jehova ka popravinel sa i šteta so kergje o manuša ple vladibaja.
Čitin Daniel 2:44 hem 2. Solunjanite 1:6-8, a palo adava keren lafi bašo akala pučiba:
-
So ka kerel o Jehova hem o Isus e manušikane vladenge hem okolenge so poddržinena len?
-
Sar adava so dži akana sikliljan bašo Jehova hem o Isus uverinela tut kaj sa adava so ka keren ka ovel pravedno?
5. O Isus tano o najšukar Cari
Sar Cari ko e Devleskoro Carstvo, o Isus ka pomožinel e manušenge ki Phuv ko razna načinija. Dikh o VIDEOKLIPI te šaj te dikhe kaj o Isus mangela te pomožinel e manušenge hem kaj o Jehova dengja le i mokj te kerel adava.
O bukja so kergja o Isus džikote sine ki Phuv, sikavena so ka kerel e Devleskoro Carstvo. Kola bereketija soj tane dende potele adžikerea posebno te ispolninen pe? Čitin o stihija kola so kerena lafi bašo adala bereketija.
|
DŽIKOTE SINE KI PHUV, O ISUS... |
TARO NEBO, O ISUS... |
|---|---|
|
|
|
|
|
|
|
|
6. E Devleskoro Carstvo ka anel jekh but šuži idnina
O Carstvo ka del e manušenge o but šužo životo kova so o Jehova taro početok manglja lenge. Ola ka živinen večno ko raj ki Phuv. Dikh o VIDEOKLIPI te šaj te dikhe sar o Jehova koristinela ple Čhave, e Isuse, te šaj te ispolninel pli namera.
Čitin Psalm 145:16, a palo adava keren lafi bašo akava pučibe:
-
Sar osetinea tut bašo adava so džanea kaj o Jehova ka del „sa e manušenge hem e životnenge adava so mangena“?
NESAVE ŠAJ VAKERENA: „O sveto ka ovel pošukar ako sa o manuša hem o vlade trudinena pe zaedno te rešinen o problemija“.
-
Kola problemija so našti te rešinen o manušikane vlade ka rešinel e Devleskoro Carstvo?
SO SIKLILEM
Preku plo Carstvo o Devel ka kerel adava so mangela. Keda o Carstvo ka vladinel, celi Phuv ka ovel raj hem ki late ka živinen samo šukar manuša kola so zasekogaš ka obožavinen e Jehova.
Sar ka odgovorine?
-
Sar e Devleskoro Carstvo ka slavinel e Jehovaskoro anav?
-
Soske šaj te verujna kaj e Devleskoro Carstvo ka ispolninel o vetuvanja tari Biblija?
-
Koja buti mangea najviše te kerel e Devleskoro Carstvo?
ISTRAŽIN
Doznajn soj tani i vojna Armagedon.
Čitin so ka ovel džikote o Isus ka vladinel 1.000 berša hem so ka ovel palo adava.
„Što kje se sluči vo Sudniot den?“ (Stražarska kula taro 1 septemvri 2012)
Dikh sar šaj sar familija te razmislinen bašo raj.
Ko iskustvo e naslovea „Me mačea mnogu prašanja“, čitin sar jekh političko buntovniko halilo koj ka rešinel amare problemija.
„Biblijata menuva životi“ (Stražarska kula taro 1 januari 2012)
Šaj isto ka interesinel tut
NAJČESTA PUČIBA
Sar izgledinela o biblisko kursi so nudinena e Jehovaskere svedokija?
Džikote ikerela pe o besplatno biblisko kursi, šaj te koristine bilo kova prevod tari Biblija. Ko kursi šaj te kanine nekas tari tli familija ili nesave amale.
