LECȚIA 33
So va cherela o Regato le Devlesco
O Regato le Devlesco rail acana ando cerii. Pa țâra timpo, vo va anela bare paruimata pi phuv. Ande cadai lecția va avela te dichas chichiva miștimata cai va avena tela o raimos le Regatosco.
1. Sar va anela o Regato le Devlesco i pacea hai o ortomos pi phuv?
O Isus, cai si o Rege le Regatosco le Devlesco, va chosela pa i phuv co Armaghedono, sea le manușen nasul hai sea le guvernea. (Revelația 16:14, 16) Atunci va pherela-pe cu sea i șucar promisiunea cai cherel-la i Biblia: „Încă țâra timpo hai codola nasul ci va mai avena”. (Psalmo 37:10) Prin o Regato, o Isus va cherela ca i pacea hai o ortomos te pheren i phuv. (Citisaren Isaia 11:4.)
2. Sar va avela i viața cana i voința le Devleschi va cherela-pe pi phuv?
Tela o raimos le Regatosco le Devlesco, „codola orta va moștenina i phuv hai va traina pe late anda sea o timpo”. (Psalmo 37:29) Beș hai gândisar-tu sar va avela te trais ande iech lumea cai sea le manușa sile lașe hai orta, iubin le Iehovas hai iubin-pe iech averes. Chonic ci va mai avela nasfalo hai le manușa va traina anda sea o timpo.
3. So va cherela o Regato le Devlesco pala so va chosela pa i phuv codolen nasul?
Pala so va chosela pa i phuv codolen nasul, o Isus va raila sar Rege 1 000 bărșa. Ande codo timpo, vo hai le 144 000 manușa cai va raina ande iech than leia, va ajutina le manușen te arăsăn perfecți. Pala so va nachena le 1 000 bărșa, sea i phuv va avela iech șucar paradiso hai sea le manușa va avena fericime, anda codoia că va încărena le legi le Iehovasche. Pala codoia, o Isus va dela o Regato parpale pesche Dadesche, o Iehova. Atunci, ‘o anav le Devlesco va avela sfințome’ mai but sar oricana. (Matei 6:9, 10) Savore va jianena că o Iehova si iech lașio Conducătorii cai dichel cuci codolen cai așunen lestar. O Iehova va mudarela le Benghes, le demonen hai vi codolen cai alosaren te așen contra Lesche raimasche. (Revelația 20:7-10) Sea o traio zurales șucar cai va cherela-les o Regato le Devlesco anda amende, va așela anda sea o timpo.
HACHIAR MAI MIȘTO
Va avela te hachiares sostar daștil te avel-ame pachiamos că, prin pesco Regato, o Del va pherela sea le promisiuni anda save del duma i Biblia.
4. O Regato le Devlesco va șiola șăro ca o raimos le manușengo
„Iech manuș rail opral aver manuș ande lesco hasarimos.” (Eclesiasto 8:9) Prin pesco Regato, o Iehova va cherela te na mai avel cado baro neciacimos.
Citisaren Daniel 2:44 hai 2 Tesaloniceni 1:6-8 hai pala codoia den duma:
-
So va cherela o Iehova hai lesco Șiav, o Isus, codolența cai rain pi phuv hai le manușența cai sile de lenghi partea?
-
Acana că jianes sar si o Iehova hai o Isus, sostar pachias zurales că von va cherena so si ciaces orta?
5. O Isus si o mai lașio Rege
Sar Rege le Regatosco le Devlesco, o Isus va cherela but șucar buchia anda le manușa pa i phuv. Dichen o MATERIALO VIDEO cai avel, caște hachiaren sar sicadea deja o Isus că camel te ajutil le manușen hai că o Del dea-les o zuralimos te cherel cadai buchi.
Le buchia cai cărdea-le o Isus cana sas pi phuv sicade so va cherela o Regato le Devlesco pe sea i phuv. Save anda le miștimata sicade mai dur ajucăres-le o mai but? Citisaren le versetea cai aven caște dichen chichiva anda cadal miștimata.
|
CANA SAS PI PHUV, O ISUS . . . |
ANDA O CERII, O ISUS . . . |
|---|---|
|
|
|
|
|
|
|
|
6. O Regato le Devlesco va anela amenghe iech șucar viitorii
Prin o Regato, o Iehova va dela le manușenghe i șucar viața cai camlea-la anda lende catar o începuto. Von va traina anda sea o timpo ando Paradiso pi phuv. Dichen o MATERIALO VIDEO caște hachiaren sar va pherela o Iehova prin pesco Șiav, o Isus, so camlea catar o începuto.
Citisaren Psalmo 145:16 hai pala codoia den duma:
-
Sar zuriarel-tu te jianes că o Iehova ‘va dela codolenghe jiuvinde sea so camel lengo ilo’?
UNII MANUȘA PHENEN: „Dacă savore das amari zor, vi amen le manușa, daisaras te cheras te na mai avel chanci nasul andi lumea”.
-
So buchia nasul va chosela pa i phuv o Regato le Devlesco, cai le guvernea le manușenghe ci daștin te chosen-le niciechdata?
SO SICHILEAM
O Regato le Devlesco va cherela sea so camel o Del. Va cherela i phuv iech paradiso pherdo manușa cai va anena închinarea le Iehovasche anda sea o timpo.
So dichleam
-
Sar va sfințola o Regato le Devlesco o anav le Iehovasco?
-
Sostar daisaras te pachias că o Regato le Devlesco va pherela le promisiuni la Bibliache?
-
Savi buchi cai va anela-la o Regato, ajucăres anda sea o ilo?
RODE MAI BUT
Va avela te hachiares so si o Armaghedono.
Va dicheia sar va avela cana o Isus va raila ande le 1 000 bărșa hai pala codoia.
„Sar va avela ando Ghies la Crisaco?” (O Turno de veghe, 1 septembria 2012)
Va avela te hachiares sar daștin codola andai familia te dichen-pe ande iech than ando Paradiso.
Anda o articolo „Sas-ma but pușimata cai ci denas-ma pacea”, va avela te diches sar arachlea răspunsuri ca lesche pușimata iech manuș cai marelas-pe contra i politica.
„I Biblia paruvel i viața le manușenghi” (O Turno de veghe, 1 ianuaria 2012)
Poate că fal-tu
PUȘIMATA ȘIUTINE BUTIVAR
So si o studio biblico le Martorența le Iehovasche?
Ande cado studio biblico gratuime le Martorența le Iehovasche, daștis te folosis orisavi Biblia cames. Daștis te achares ca o studio sea chi familia sau oricas cames.
