E Amperetsia le Devleski gata amperetsil. Ande tsirha vriama si te parhuvel bare prame pe Phuv. Aida dikhas uni andal lashe prame kai si te kerel kacha amperetsia ai kai tu shai azhukeres ilesa.

1. So si te kerel e Amperetsia le Devleski te aven pale pe Phuv e pacha ai so si vorta?

Ando Armagedon, o Jesus sar Amperato anda e Amperetsia le Devleski si te mundarel le bilashen ai suako amperetsia (Sicharimos [Apokalipsis] 16:14, 16). Ande godola giesa, si te kerdiol chacho so shinavel e Biblia kana phenel ke ande tsirha vriama le manush bilashe chi mai si te aven (Salmo 37:10). Mashkar kacha amperetsia, o Jesus si te anel pacha ai so si vorta pe sa e Phuv (chito Isaías 11:4).

2. Sar si te avel o traio kana kerdiola e voia le Devleski pe Phuv?

Tela e Amperetsia le Devleski “e phuv si te avel dini le manushenge kai si vorta ai von si te train siempre pe late” (Salmo 37:29). Gindi tu sar si te avel o traio kana sa le manush avena lashe, kamena ka o Jehova ai kamenape iek avresa! Nas te avel shukar? Khonik chi si te nasuavol ai sa le manush si te train pe sa e vriama.

3. So si te kerel e Amperetsia le Devleski polme te mundarel le bilashen?

Polme te ankalavel le bilashen, o Jesus si te avel Amperato pe 1.000 borsh. Ande godia vriama, o Jesus ai le 144.000 kai si te amperetsin lesa si te azhutin kal manush te aven skepime anda o bezej ai te na avel len khanchi nasul. Kana getola godia vriama, e Phuv si te kerdiol iek shukar paraiso, iek rig pherdo veselia kai le manush pakiana o mui katar o Jehova. Vorta kotse, o Jesus si te del les pale e amperetsia peske Dades, o Jehova. Ai o anau le Devlesko si te avel suntsome mai but de sar akana (Mate 6:9, 10). Si te dikhiol mishto ke o Jehova si iek lasho amperato ai ke lel sama katar pesko foro. Polme o Jehova si te mundarel ka o Satanas ai ka leske angeluria chorhe, ai fersavo manush kai alosarela te na thol partia ka leski amperetsia (Sicharimos [Apokalipsis] 20:7-10). Le lashe prame kai anela e Amperetsia le Devleski chi getona, si te aven pe sa e vriama.

 TE MAI SIKIOS

4. E Amperetsia le Devleski si te ankalavel le amperetsii le manushenge

E Biblia phenel ke “o manush thodias avre manushes tela pesko vast” ai gadia andias “peske chorhumos” (Eclesiastés 8:9). Pala godo, o Jehova mashkar peski Amperetsia si te ankalavel sa so nai vorta.

Chiton Daniel 2:44 ai 2 Tesalonicenses 1:6-8 [NWT], ai den duma pa:

• So si te keren o Jehova ai o Jesus godolentsa kai amperetsin ai godolentsa kai thon lenge partia?

• Pa so sikilian pa o Jehova ai o Jesus, sostar zhanes chachimasa ke so si te keren si vorta?

5. O Jesus si o Amperato mai malado

Sar Amperato o Jesus si te kerel but prame pala o mishtimos le manushengo kai traina pe Phuv. Dikhen o VIDEO te len sama sar o Jesus sikadias ke kamel ilesa te azhutil le manushen ai ke o Del dias les e zor te kerel godola prame.

Le prame kai kerdias o Jesus kana sas pe Phuv sikaven so si te kerel e Amperetsia. Save prame kai dikhion polme kames ilesa te dikhes ande fuga? Chiton sa le texturia kai sikaven so shinavel e Biblia.

6. E Amperetsia le Devleski anela amenge shukar giesa mai angle

 SO DIKHLIAM

O Del mashkar peski Amperetsia si te kerel chachi peski voia. Si te kerel te avel e Phuv iek paraiso ai te beshen lashe manush pe late te luvudin ka o Jehova pe sa e vriama.

So sas te mothos?

• So si te kerel e Amperetsia le Devleski te suntsol o anau katar o Jehova?

• Sostar zhanas chachimasa ke mashkar e Amperetsia le Devleski si te kerdiol chacho so shinavel e Biblia?

• Anda sa le prame kai si te kerel e Amperetsia, savi anda lende kames te dikhes fuga?