Лэ Дэвлэско Царство ужэ правий. Ӥто во парувэла вся пэ ԥув. Уӷан, со стерэла кадэва Царство и саво лашимос кадэлэстар тутэ авэла.

1. Сар через лэ Дэвлэско Царство пэ ԥув авэла мирно и справедливо?

Андэ война Армагеддоно о Иисусо сар Царё андэ лэ Дэвлэско Царство улэла лэ манушэндирэ правительства и лэ найлашэ манушэн (Откровение 16:14, 16). Тоди авэла кадя, сар сас пистромэ андо Псалом 37:10: «Инке найбут, и найлашэ манушэс будэр на авэла». Через о Царство о Иисусо стерэла, кай пэ вся и ԥув авэла мирно и справедливо. (Адиносар Исаия 11:4.)

2. Сави авэла жызня, кала пэ ԥув авэла кадя, сар камэл о Дэл?

Кала правия лэ Дэвлэско Царство, тоди «кодэлэнди, ко кандэн лэ Дэвлэс, ашэлапэ и ԥув и вонэ жувэна пэр латэ вечно» (Псалом 37:29). Прецтавь пэсти и люма, кай нико на насвавэл, и всаворэ мануша жувэн вечно. Котэ кати ек о лашо миро, и всаворэ вонэ любин лэ Иеговас и полэн ек еқэс!

3. Со стерэла лэ Дэвлэско Царство, сар улэла лэ найлашэ манушэн?

Посли кода, сар о Иисусо улэла лэ найлашэ манушэн, во авэла Царёса инке тысяча лет. Андэ кадэя время во и 144 000, савэ правина лэса, поможына лэ манушэнди тэ ашэн совершэни, када кай тэ на авэн бэзэхэстирэ. И при концэ андэ кадэя жэ время, пэ ԥув авэла шукарно раё, кай жувэла о бахтало народо, саво кандэл лэ Дэвлэс. Посли када о Иисусо рия и власть пэстирэ Дадэсти, лэ Иеговасти, и всаворэ додиқэна, кай лэско алав свынто (Матфея 6:9, 10). Тоди во умарэла лэ Сатанас, лэ бэнгэн и кодэлэн, ко жала против лэстэ (Откровение 20:7—10). Лэ Дэвлэско Царство стерэла вся важ и ԥув, кай пэр латэ тэ авэл лащи жызня, пэ вся и время! И вся када сыкавэла, кай о Иегова лашо правителё и диқэл пала пэстирэ тварении.

 УӶАНАМ МАЙ БУТ

4. Лэ Дэвлэско Царство улэла всаворэ правительства, савэ кай и мануша

Андэ Библия запистромэ, кай кала о мануш хулаий пэ авэр мануш, када на анэн лашимос (Экклезиаст 8:9). Через пэско Царство о Иегова рия лэ манушэнди вся, со вонэ хасардэ, и стерэла, кай вся тэ авэл справедливо.

Адиносарам Даниил 2:44 и 2 Фессалоникийцам 1:6—8 и подам дума пала вопросоря, савэ май тэлэ.

• Со о Иегова и лэско Шаво о Иисусо стерэна кодэлэнца, ко правин, и ко лэн подритярэн?

• Сар кода, кай ту ужэ ӷанэс пала Иегова и пала Иисусо, поможый тути тэ патяс, кай вонэ лэна тэ правин справедливо?

5. О Иисусо со май лашо правителё

О Иисусо, царё андэ лэ Дэвлэско Царство, во лэла тэ поможый лэ народости андэ вся. Диқам о ВИДЕО и уӷанам, кай о Иисусо фартэ камэл тэ поможый лэ манушэнди и лэстэ исин пэ када зор.

Кала о Иисусо сас пэ ԥув, во терэлас чудеса. Када сыкавэл, со во лэла тэ терэл, кала ашэла Царёса андэ лэ Дэвлэско Царство. Со ту аштярэс май фартэ анда кода, со ԥэнэнпэ май тэлэ? Адиносарам всаворэ стихоря, савэ катэ исин.

6. И мануша авэна бахталэ, важ кода кай лэла тэ правий лэ Дэвлэско Царство

 ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай лэ Дэвлэско Царство стерэла кода, со загиндосардя о Дэл. И кала во лэла тэ правий, вся и ԥув ашэла раё, кай жувэна ек и лашэ мануша, савэ тэлёна лэ Иеговасти вся и вечность.

Сар ту гиндос?

• Сар через лэ Дэвлэско Царство и мануша додиқэна, кай лэ Иеговаско алав свынто?

• Савэ стихоря анда Библия доԥэнэн, кай лэ Дэвлэско Царство стерэла вся, пала со о Дэл дя алав?

• Со ту аштярэс май фартэ анда кода, со обещяет о Дэл?