XIDONDZRO 33
I Yini Leswi Mfumu Wa Xikwembu Nkulukumba Wu Taka Swi Yentxa
Mfumu wa Xikwembu Nkulukumba wa fuma tilweni. Ku nga li khale wu ta yentxa ku txintxa lani misaveni. A hi voneni yin’wana ya mintxhumu ya ku xonga leyi taka yentxiwa hi Mfumu lowo.
1. Xana Mfumu wa Xikwembu Nkulukumba wu ta yentxisa kuyini akuva wu buyisa ku zrula lani misaveni?
Yesu, Hosi ya Mfumu wa Xikwembu Nkulukumba, a ta helisa vhanu lava yentxaka mintxhumu ya ku biha ni mimfumu ya vhanu, ka yimpi ya Armagedon. (Apfuletelo 16:14, 16) Loko leswo swi yentxeka, ku ta va na ku hetiseka xidumbiso lexi kumekaka ka Bibeleni, lexi liki: ‘Ku sala nkamanyana lwemfani, a ta va a nge he kone.’ (Amapsalma 37:10) Hi ku tizrisa Mfumu wa Xikwembu Nkulukumba, Yesu a ta buyisa ku zrula ni wululami a misaveni hinkwayu.—Dondzra Ezaya 11:4.
2. Xana byi ta va hi ndlela yini wutomi byezru loko a ku zrandzra ka Xikwembu Nkulukumba ku yentxeka lani misaveni?
Tiyanakanye na u hanya ka misava leyi vhanu hinkwavu va nga vanene, nakone hinkwavu va zrandzra” ka Yehovha va tlhela va zrandzranana! Swi ta va hi ndlela leyo ka Mfumu wa Xikwembu Nkulukumba, hikusa, ‘lava ku lulama va ta da pfindla dzra misava, va ta yaka ku yone hi la ku nga helikiki’. (Amapsalma 37:29) Ku nge he vi na mhunu lweyi a taka vabya, nakone hinkwavu va ta hanya hi lani ku nga helikiki.
3. I yini leswi Mfumu wa Xikwembu Nkulukumba wu taka swi yentxa ntsrhaku ka loko wu helise vhanu lava yentxaka mintxhumu ya ku biha?
Ntsrhaku ka loko ku helisiwe lava yentxaka mintxhumu ya ku biha, Yesu a ta fuma misava ku dzringana 1.000 wa malembe. Hi nkama wolowo, yene ni lava 144.000 va taka fuma na yene, va ta pfuna vhanu lani misaveni akuva va va lava hetisekiki. A ku heleni ka 1.000 wa malembe, a misava hinkwayu yi ta va mbangu wa ku xonga, nakone vhanu hinkwavu va ta va lava nyonxiki hikusa va ta hanya na va yingiseta milawu ya Xikwembu Nkulukumba. Kutani Yesu a ta tlhelisela wuhosi ka Papayi wake Yehovha. A vito dzra Yehovha dzri ta “xwengisiwa” ku tlula a ku sunguleni. (Matewu 6:9, 10) Swi ta va livaleni leswaku Yehovha i Hosi leyi zron’wekaka hi vhanu. Yehovha a ta helisa Sathana, mademona ni hinkwavu lava hlawulaka ku lwisana ni Mfumu wake. (Apfuletelo 20:7-10) Mfumu wa Xikwembu Nkulukumba wu ta yentxa leswaku a wutomi byi va lebyi hetisekiki hi matlhelo hinkwawu nakone leswo swi ta va swa hi lani ku nga heliki.
KELISISA
Ha yini hi fanela ku dumba leswaku Xikwembu Nkulukumba a ta tizrisa a Mfumu wake akuva a hetisisa swidumbiso swake hinkwaswu leswi nga Bibeleni a nkameni lowu taka?
4. Mfumu wa Xikwembu Nkulukumba wu ta helisa mimfumu ya vhanu
A Bibele dzri li: ‘Mhunu a fuma mun’wana ku mu yentxa swa ku biha.’ (Eklesiasta 8:9) Yehovha a ta tizrisa Mfumu wake akuva a helisa wubihi byolebyo hinkwabyu.
Dondzrani Daniel 2:44 ni 2 Ba-le-Thesalonika 1:6-8, mi gama mi bulisana hi swivutiso leswi landzrelaka:
-
I yini leswi Yehovha na Yesu va ta ka swi yentxa hi mimfumu leyi ya vhanu ni lava va yi seketelaka?
-
Loko u pimisa mayelana ni leswi Yehovha na Yesu va swi yentxiki, ha yini u nga dumbaka leswaku ku yavanyisa kwavu ku ta va loko ka kunene?
5. Yesu i Hosi leyi fanelekaka
Swanga Hosi ya Mfumu wa Xikwembu Nkulukumba, Yesu a ta yentxa mintxhumu yinyingi ya yinene akuva a pfuna vhanu a misaveni. Vonani VHIDIYU akuva mi vona ndlela leyi Yesu a swi djulaka ku tizrisa ntamu lowu a wu kumiki ka Xikwembu Nkulukumba ha yone a akuva a pfuna vhanu.
Leswi Yesu a swi yentxiki na a li lani misaveni, i xikombiso xa leswi a taka swi yentxa swanga Hosi ya Mfumu wa Xikwembu Nkulukumba. Ka swidumbiso leswi nga la ni hansi, he swini leswi u navelaka akuva swi hetiseka? Dondzrani tindzrimana leti khanelaka ngopfu hi swidumbiso leswi.
|
NA A LI LANI MISAVENI YESU A . . . |
KU SUKELA MATILWENI YESU A TA . . . |
|---|---|
|
|
|
|
|
|
|
|
6. Mfumu wa Xikwembu Nkulukumba wu ta tisa wumundzruku lebyi nyonxisaka
Mfumu wa Xikwembu Nkulukumba wu ta nyika vhanu wutomi lebyi nyonxisaka, lebyi Yehovha a byi navelelaka vhanu minkama hinkwayu. Vhanu va ta hanya hi lani ku nga helikiki a paradeyisini kola misaveni. Vonani VHIDIYU akuva mi vona ndlela leyi Yehovha a taka yentxa ku zrandzra kwake lani misaveni hi ku tizrisa Yesu.
Dondzrani Amapsalma 145:16, mi gama mi bulisana hi xivutiso lexi landzrelaka:
-
U titwisa kuyini hi ku tiva leswaku Yehovha a ta ‘xuzrisa ku navela ka mintxhumu lemi hanyaka hinkwayu’?
VAN’WE VA LI: “Loko mun’wana ni mun’wana o swi kota ku yentxa xa kukazri, hi nga swi kota ku lulamisa swikazratu swa misava.”
-
He swini swikazratu leswi Mfumu wa Xikwembu Nkulukumba wu taka swi lulamisa, leswi mimfumu ya vhanu yi nga swi kotikiki?
NKATSRAKANYU
Mfumu wa Xikwembu Nkulukumba wu ta yentxa hinkwaswu leswi yene a swi djulaka. Wu ta ndzruluta misava hinkwayu yi va paradeyisi, leyi taliki hi vhanu lava taka gandzrela Yehovha.
Mpfuxeto
-
Xana a Mfumu wa Xikwembu Nkulukumba wu ta dzri xwengisisa kuyini a vito dzra Yehovha?
-
Ha yini hi fanela ku kholwa leswaku a Mfumu wa Xikwembu Nkulukumba wu ta hetisisa swidumbiso hinkwaswu leswi nga Bibeleni?
-
Ka hinkwaswu swa ku xonga leswi Mfumu wu swi dumbisaka, he swini leswi u navelaka ku swi vona na swi yentxeka?
HANDZRISISA
Twana leswaku Armagedoni i yini.
Vona leswi taka yentxeka ka 1.000 wa malembe ya Mfumu wa Yesu. Tlhela u dondzra leswi taka yentxeka ntsrhaku ka nkama wolowo.
“Ku Ta Yentxeka Yini Hi Siku Dzra Ku Yavanyisa?” (Xihondzro Xa Ku Zrindzra, 1 ka Setembru wa 2012)
Vona ndlela leyi mindangu yi taka titwisa xiswone a paradeyisini.
Ka nhlokomhaka leyi liki “A Ni Ni Swivutiso Swinyingi”, vona ndlela leyi mun’we wa mupfukeli wa politika a kumiki nhlamulo ya leswi a a swi djula.
“Bibele Dzri Txintxa Wutomi Bya Vhanu” (Xihondzro Xa Ku Zrindzra, 1 ka Janeru wa 2012)
