WEKELO 33
Akambo wa Onkfumi yonghonangha
Onkfumi wɔ Ndjambe wombowanga ndɔndjɛ. Lako ilá, wongoyakala etshikitano lanɛ lá looko. Tokolenda akambo amɔtshi wa wɔlɔ w’okokɛ nkongela l’oloko lukuluku l’ɛlɔndjɛlɔ kɛ Onkfumi.
1. Wopo wɔkɔnge Onkfumi wɔ Ndjambe yongoyakala vu la sii lanɛ lá looko?
Lá mbandji kɛ Armagɛdɔ, Yeso Nkfumi k’Onkfumi wɔ Ndjambe angoyaka anto wa nyɛtshi ankfumɔ la angotshita enkfumi wɛ wana w’anto enkfumɔ. (Ndjiso 16:14, 16) Lá winá wɔkɔ, daka djelá Bible djɛnɛ ngokotshama: ‘Ambotshikala ngo winá daambi, ko anto wɔ nyɛtshi wapangoyala lonkina.’ (Yeembo 37:10) Mpeyi l’Onkfumi wɔ Ndjambe, Yeso angila vu la sii lanɛ lá looko.—Wala Izaya 11:4.
2. Lowiko yongoyala ngete mo winá wɔ ɛkɔpa kɛ Ndjambe yongonanghema lá looko?
L’ɛlɔndjɛlɔ k’Onkfumi wɔ Ndjambe, ‘anto wa wɔlɔ wangokita looko, edjinge wangintasɛka l’eteyi lotshinda lotshinda.’ (Yeembo 37:29) Kokanela djɛ wɛ olowika l’andja w’anto ankfumɔ walekɔ sii, wakɔpa Yehova edjinge wakɔpana l’anteyi kɛwɔ! Lako onto wongotata olando la tongowikaka lotshinda lotshinda.
3. Kɛkɔnge kengonangha Onkfumi wɔ Ndjambe m’ɔkɔngɔ wɔ nyɔyi k’anto wa nyɛtshi?
M’ɔkɔngɔ wɔ nyɔyi k’anto wa nyɛtshi, Yeso angɔlɔndjɛ etengo Nkfumi l’ilá k’ɛnɔnyi 1 000. Lá winá wɔsɔ, Yeso l’anto 144 000 wangɔlɔndjɛ́ esanga lande wangokotshɛ́ anto wa lanɛ lá looko djɛ ndjalá djɔ. L’ekomo k’ɛnɔnyi kinunu, looko longoyala paradiso kɛ wɔlɔ efula edjinge anto wangoyala l’osasa ladjikɛnde walɛmɛyɛ ɛlɛmbɛ wɛ Yehova. L’ekomo, Yeso angokawoyɛ Onkfumi te Papa kendɛ, Yehova. Ko ‘djiina djɛ Yehova ngoyala ekina’ lá lɛdji lɔ yotayalaká kaanga lofu. (Mateo 6:9, 10) Nkambo djɛsɔ ngɛnyɛ ente Yehova alekɔ Ndɔndji kɛ wɔlɔ kewa nama anto wande. L’ekomo, Yehova angoyaka Satana, ɛdjɛngɛ, edjinge anto ankfumɔ wananyɛ lowandji lɔnde. (Ndjiso 20:7-10) Lowiko lɔ djɔ lɔ Onkfumi wɔ Ndjambe yongoyakala longotshikala lotshinda lotshinda.
TSHIMOLA
Lenda ladjikɛnge okokaso ndjawola ente Ndjambe angokamba l’Onkfumi wɔnde djɛ nkotshɛ prɔfɛsi inkfumɔ yelá Bible yelendana l’etsho w’eyaye.
4. Onkfumi wɔ Ndjambe wongimɛ enkfumi wɛ wana w’anto
‘Onto ndjapamelaka winande onto ngo djɛ ndɔwɛnyɛ ndjolo.’ (Losanghanyɛ 8:9) Mpeyi m’Onkfumi wɔnde, Yehova angimɛ akambo ankfumɔ wa ntshamba djɛ sii.
Wala Danyɛlɛ 2:44 edjinge 2 Tesalɔnikɛ 1:6-8, ko kadjimola lá weepó wɛnɛ:
-
Yehova nya Yeso yongonangha nge la enkfumi wɛ wana w’anto edjinge l’anto ankfumɔ waasuka?
-
Lá nkilika akambo wa ngombeka me Yehova la Yeso, ladjikɛnge awolɛ ente akambo w’onanghawɔ walekɔ sii edjinge wɔlɔ?
5. Yeso alekɔ Nkfumi kɛ wɔlɔ efula
Etengo oyɛnde Nkfumi k’Onkfumi wɔ Ndjambe, Yeso angonanghela anto wa lanɛ lá looko akambo wa wɔlɔ efula. Lenda VIDEO djɛ nyɛna wopo wɔ Yeso ndɛnyɛ ante nde alekɔ la mposɛ kɛ nkotshɛ́ anto edjinge Ndjambe ndeke l’ɔpɛyisá wolo wɔ nangha nkambo djɛsɔ.
Akambo wa Yeso ndananghe lanɛ lá looko yayale ngo iwongo mfumba y’akambo wa Onkfumi wɔ Ndjambe nyonghonangha. Lá ɛtshɔkɔ wiyowalaki lanɛ, wɛkɔnge w’okombolɛ nyɛna ekotshamelo kɛwɔ? Wala avɛrse wanɛ watokotshɛ́ djɛ ndjewa wayi walendana l’ɛtshɔkɔ wɛsɔ.
|
LÁ LOOKO, YESO AYALAKI . . . |
M’OLONGO, YESO ANGOYALA . . . |
|---|---|
|
|
|
|
|
|
|
|
6. Mpeyi l’Onkfumi wɔ Ndjambe, tongowa etsho w’eyaye wɛ wɔlɔ
Onkfumi wɔngɔpɛyɛ anto lowiko lɔ wɔlɔ lɔ Yehova ɔkɔpande iwɔ ndjalá la lɔkɔ. Anto wangowika lotshinda lotshinda lá paradiso kɛ lanɛ lá looko. Lenda VIDEO djɛ nyɛna wopo wɔ Yehova okambande la Wɔnande, Yeso djɛ nkotshɛ tokanyi tɔnde.
Wala Yeembo 145:16, ko kadjimola lá woopó wɔnɛ:
-
Wopo wɔkɔnge w’oyawokɛ má ndjewa ente Yehova angokotshɛ ‘mposɛ yɛ ekete k’enkfumɔ kewika’?
ANTO AMƆTSHI NTEPELAKA AMBƆ: “Ntsha iso nkamba esanga, tongokoka nshiyɛ ekakasano welá andja wanɛ.”
-
Ekakasano wɛkɔnge wɛ Onkfumi wɔ Ndjambe yongoshiyɛ wɛ ewandji wɛ wana w’anto yopakoke nshiyɛ?
LÁ YOPASƐ
Onkfumi wɔ Ndjambe wongokotshɛ okoma wɔnde. Wongokadjimola looko lɔnɛ paradiso, edjena kengolola l’anto wa wɔlɔ wangolumɛka Yehova lotshinda lotshinda.
Mvungo
-
Wopo wɔkɔnge Onkfumi wɔ Ndjambe yongila djiina djɛ Yehova ekina?
-
Ladjikɛnge okokaso ndjawola ente Onkfumi wɔ Ndjambe wongokotshɛ prɔfɛsi yelá Bible?
-
L’anteyi k’akambo ankfumɔ wa Onkfumi wɔ Ndjambe yongoshiyɛ, akambo wakɔnge w’okongɛ l’oloko lukuluku?
TOKANYI TONKINA
Hona djɛ ndjewa etawɔ Armagɛdɔ nge.
Shishima akambo wanghonanghemá lá ɛlɔndjɛlɔ k’ɛnɔnyi 1 000 wɛ Yeso, la l’ekomo k’ɛlɔndjɛlɔ kɛkɔ.
“Kɛkɔnge kenghonanghemá lá lofu lɔ ndombo?” (Etange k’Olami, Ngɔndɔ kɛ djuwa 1, 2012 lá Otetela)
Lenda wopo w’okoka ase nkfumbo ntɔnɔla esanga lá wopo wɔ ɛtshɔkɔ wengoyakala Onkfumi l’andja wa bango.
La djamba djɛ lowiko: “Weepó efula wentshimbɛka yimba,” lenda wopo w’owisá ɔntɔmbɔki ɔmɔtshi w’ose pɔlitikɛ nsakiso lá weepó wɛnde.
“Bible ntshikitanyɛka mbiko” (Etange k’Olami, Ngɔndɔ kɛ ntondo 1, 2012 lá Falase)
