DILONGIESHA 33
Bufumu bu’Efile Mukulu abukakitshi kinyi?
Bufumu bu’Efile Mukulu mbupue kubanga kumunana. Binobino abushintula mianda i bungi pa nsenga. Tutale ingi mianda i buwa yodia kukulupila mu kumunana kua Bufumu bu’Efile Mukulu Mukulu.
1. Bufumu bu’Efile Mukulu abukalusha butaale na kululama pa nsenga naminyi?
Yesu Mfumu a Bufumu bu’Efile Mukulu, akabutula bantu boso be bubi na mbulamatadi ya bantu ku ngoshi ya Harmagedone. (Kibafumbwilwe 16:14, 16) Mu yaya nsaa, uno mulailo wa mu Bible wa’shi: “Kapindji n’aka taakwikala mubi dimo” aukalombana. (Misambo 37:10) Ku bukuashi bua Bufumu bu’Efile Mukulu, Yesu akatulu butaale na kululama pa nsenga.—Badika Yeeshaya 11:4.
2. Nshalelo akekala naminyi pa nsenga mu Bufumu bu’Efile Mukulu?
Mu Bufumu bu’Efile Mukulu, ‘balulame abakapiana nsenga, beemushale looso.’ (Misambo 37:29) Nangushena’shi we mushale pa nsenga pe bantu boso mbalulame na mbafule Yehowa na bantu nabo! Takui muntu e na maladi, boso be na muwa wa loso.
3. Bufumu bu’Efile Mukulu abukakitshi kinyi kunyima kua kubutula bantu babi?
Kunyima kua kubutula bantu be bubi, Yesu akamunana munda mua bipua 1 000. Mu kiakia kipungo, aye na bantu 144 000 bakakunkusha nabo, abakakuasha bantu bua kuikala bapuidikie na bashi na miluisho. Ku nfudilo kua kiakia kipungo, nsenga aikaluka mpaladiso e buwa, iule na bantu be na muloo autukila mu kukokiela miiya y’Efile Mukulu. Kunyima, Yesu akaluisha Nshaye Yehowa bufumu. “Eshina [dya Yehowa adikende] tumbo” biabishekele dingi kashaa. (Mateo 6:9, 10) Abikashinkamisha’shi Yehowa nyi Mukunkushi e buwa apasukilaa bantu baye. Yehowa akabutula Satana na ba demo baye na boso abakatombokiela bukunkushi Buaye. (Kibafumbwilwe 20:7-10) Bufumu bu’Efile Mukulu abukafuisha nshalelo mupuidikie bua loso.
TUKIMBUULE BOSO
Tutale buakinyi tui kukumina’shi Efile Mukulu akafubisha Bufumu buaye bua kulombasha matemuki oso a mu Bible atale mafuku e kumpala.
4. Bufumu bu’Efile Mukulu abukakasha mbulamatadi ya bantu
“Muntu amunu muntu naaye bwa kumumwesha malwa.” (Mulungudi 8:9, NWT) Bino abilesha’shi mu buno Bufumu, Yehowa akakasha kukutua kua kululama.
Badika Ndanyele 2:44 na 2 Bena-Tesalonika 1:6-8, akupu nuisambile ino nkonko ailondo:
-
Yehowa na muana’aye Yesu, abakakitshi kinyi na mbulamatadi ya bantu na boso bakuete kuibakuatshishena?
-
Biodi mulongie pabitale Yehowa na Yesu, abikushinkamisha naminyi’shi abakakitshi mianda na kululama?
5. Yesu nyi Mfumu e buwa
Bu biadi Mfumu a Bufumu bu’Efile Mukulu, Yesu akakuasha bantu be pa nsenga mu mishindo i bungi. Tala VIDEO bua kumona’shi Yesu akumina kukuasha bantu, na’shi Yehowa mumupe bukome bua kuibikita.
Pabadi pa nsenga, Yesu balesheshe mianda yabakakitshi kui Bufumu bu’Efile Mukulu. Ku ino miabi yabadi batemune pano, ngikunyi yokumina nkamona? Badika bifundue abilesha kulombana kua ino miabi.
|
YESU PABADI PA NSENGA . . . |
KUKATUKILA MUIYILU, YESU . . . |
|---|---|
|
|
|
|
|
|
|
|
6. Bufumu bu’Efile Mukulu abukekasha mafuku aafiki e buwa
Bufumu bu’Efile Mukulu abukalombasha mpango ya Yehowa ya ku kibangile bua bantu. Abakashala bua loso pa nsenga mu mpaladiso. Tala VIDEO bua kumona Yehowa biafubisha Muan’aye bua kulombasha mpango Yaye.
Badika Misambo 145:16, akupu nuisambile luno lukonko alulondo:
-
Opusha naminyi pa kuuka’shi Yehowa ‘akekutshisha bipangua bi na muwa byoso’?
BANGI ABAMBA’SHI: “Su tuafuba boso mu buumune, tui kupudisha mianda i pa nsenga.”
-
Bufumu bu’Efile Mukulu abukapu mianda kinyi yabashi bobeshe kui mbulamatadi ya bantu?
MU KIKOSO
Bufumu bu’Efile Mukulu abukalombasha mpango yaye. Abukalula nsenga ifikie mpaladiso, muule bantu be buwa abalanguila Yehowa bua loso.
Kuambuula
-
Bufumu bu’Efile Mukulu abukatumbisha eshina dia Yehowa naminyi?
-
Buakinyi atukumina’shi Bufumu bu’Efile Mukulu abukalombasha matemuki oso a mu Bible?
-
Mianda kinyi ayikalombasha Bufumu yokumina nkamona?
TALUULA DINGI
Tala akipatula Harmagedone.
Tala mianda ayikakitshika ku nfudilo kua bipua 1 000 bia kumunana kua Yesu.
“Nkinyi akikakitshika muifuku dia kiimu?” (Kitenta kya Mulami, 1/9/2012)
Tala bilombene bena kifuko kunangushena pamune pabitale miabi aikafiki mu Bufumu bu’Efile Mukulu.
Tala bibadi ungi ntomboshi muina politike mupete kibadi akimbi mu muisambo awamba’shi: “Nadi nakalakashua na mianda i bungi.”
“Bible kwete kushintula bantu” (Kitenta kya Mulami, 1/1/2012)
Tala dingi
NKONKO YABAKAMBAA KWELA
Kulonga kwa Bible akukitshikaa naminyi?
Tala myaluulo ya nkonko itale programe etu a kulonga kwa Bible.
