Fa mitondra an-dagnitse agne i Fanjakàn’Andrianagnaharey. Tsy ho ela, le hanjaka amy ty tane toy iaby reke sady hagnova ty tane toy ho paradisa. Andao tika handineke ty raha hatao i Fanjakàn’Andrianagnaharey an-tane etoy.

1. Ino ty hatao i Fanjakàn’Andrianagnaharey mba hampisy fiadanagne naho rare’e an-tane etoy?

Hampibaibay o ndaty raty fagnahio naho hamoagne o fitondran’olombelogneo ty Jesosy Mpanjaka amy i aly Hara-magedonay. (Apokalypsy 16:14, 16) Amy izay, le ho tanterake ty fampitamà ty Baiboly toy: “Fa kedekedeke avao ty sisa le tsy hisy sasa ty ndaty raty fagnahy.” (Salamo 37:10) Hampiasa i Fanjakàn’Andrianagnaharey ty Jesosy mba hampisy fiadanagne naho rare’e an-tane etoy.​—Vakio ty Isaia 11:4.

2. Hanao akore ty fiaignantika naho fa atao an-tane etoy ty zoton’arofon’Andrianagnahare?

Naho fa mitondra ty tane toy i Fanjakàn’Andrianagnaharey, le ‘ze ndaty maregne ro handova aze, sady ho velogne nainai’e etoy.’ (Salamo 37:29) Eretsereto heike moa zay! Soa fagnahy naho tea i Jehovah sady mifankatea iaby ty ndaty an-tane etoy! Tsy hisy ndaty marare sady hiaigne nainai’e ze kila o ndaty.

3. Ino ty hatao i Fanjakàn’Andrianagnaharey naho fa boake mampibaibay ty ndaty raty fagnahy?

Hanjaka agnate ty 1 000 taogne ty Jesosy naho fa boake mampibaibay o ndaty raty fagnahio. Agnate o fotoagne iohoe, le hanao raha ty Jesosy naho i 144 000 hiarake manjaka ama’e rey mba hagnampeagne o ndatio ho voririke indraike. Amy ty fara o 1 000 taogne iohoe, le ho paradisa ty tane toy iaby sady ho sambatse ze kila o ndaty satria magnorike ty lalà i Jehovah. Naho fa avy eo, le hahere i Jesosy amy i Jehovah Rae’e i Fanjakagney. Amy ze fotoagne zay, le ‘hohamasinegne i tahina i Jehovah-y.’ (Matio 6:9, 10) Ho voaporofo ka tie tena mahay mitondra ty Jehovah sady mikarakara ty vahoa’e. Hamono i Satana naho i demonia’e rey vaho ze ndaty manohetse ty Fitondrà’e ty Jehovah afara izay. (Apokalypsy 20:7-10) Hitohy nainai’e i raha soa iaby hatao i Fanjakàn’Andrianagnahareỳ.

 ANDAO HANDINEKE TY PITSOPITSO’E

4. Hofoagna i Fanjakàn’Andrianagnaharey o fitondran’olombelogneo

‘Nifehefehe ty ila’e o ndatio le nagnoho-doza tama’e.’ (Mpitoriteny 8:9) Hampiasa i Fanjakà’ey ty Jehovah mba hamoagnagne ze tsy rare’e zay.

Vakio ty Daniela 2:44 naho ty 2 Tesalonianina 1:6-8, sady iharò midineke ty fagnonteneagne retoa:

• Hatao i Jehovah naho i Jesosy akore o fitondran’olombelogneo naho ze mpanohagne aze?

• Inogne amy ty raha nianara’o miomba i Jehovah naho i Jesosy ty mahavy azo matoky fa hanao ty rare’e iareo?

5. Mpanjaka tena soa ty Jesosy

Tena hikarakara naho hagnomey ze raha ilae ty vahoa’e ty Jesosy Mpanjaka. Alefaso i VIDEO oy mba hahatreava’o tie tena magniry hagnampe o ndatio ty Jesosy sady nimean’Andrianagnahare fahefagne hanao izay reke.

Naseho i Jesosy tamy i raha natao’e tan-tane etoy rey ty raha hatao i Fanjakàn’Andrianagnaharey. Ty aia amy ty fitahiagne retoa ty tena fa tsy ligne’o ty hiavia’e? Vakio ty andinin-teny retoa mba hahatreava’o izay.

6. Hinday Hoavy Fanjaka i Fanjakàn’Andrianagnaharey

 FAMINTIGNAGNE

Ho vitae i Fanjakàn’Andrianagnaharey ze raha nampitamae i Jehovah. Hagnova ty tane toy iaby ho paradisa o Fanjakagne iohoe. Ndaty soa fagnahy iaby ty hiaigne etoy tie amy izay sady hanompo i Jehovah nainai’e iareo.

Fameregnagne

• Ino ty hatao i Fanjakàn’Andrianagnaharey mba hagnamasinagne ty tahina i Jehovah?

• Nagnino tika ro matoky fa hagnatanterake ty raha ampitamae ty Baiboly i Fanjakàn’Andrianagnaharey?

• Inogne amy ze raha hatao i Fanjakàn’Andrianagnaharey ty tena fa tsy ligne’o?