AISISIAET NA 33
Nuebuni Ajakanut Naka Edeke Aitodolikin
Ipugai kwape kwana Ajakanut Naka Edeke. Katipet, eyauni ajakanut ngin aijulanakineta nuepolok toma akwap. Esisiata ber oni ice kotoma oboro luejok lueyauni Ajakanut Naka Edeke toma akwap.
1. Epone ani eyangaunia Ajakanut Naka Edeke ainapakin ka etube loejok toma akwap?
Ebuni Yesu, Ekabaka loka Ajakanut Naka Edeke amudiar apuganisinei keda itunga luarokok kotoma ojie loka Arumagedon. (Apukokinio 16:14, 16) Kapak kangin, itodolikinos cut nuedwarit Ebaibuli ebe: “Naarai kapak naedit, emameun ikaronon.” (Isabulin 37:10) Kitwasamai Ajakanutuke, ebuni Yesu ayaun ainapakin keda etube loejok akwapin kere.—Kosiom Isaia 11:4.
2. Epone ani ejaunor aijar arai iswamao akote naka Edeke kotoma akwap?
Naipuga Ajakanut naka Edeke, “irumete ikadolitok akwap, ebusete kotoma ikar kere.” (Isabulin 37:29) Koomoom ber ijo aijar kotoma akwap naeraatar itunga kere luedolito, lueminanara, ido kominasi Yawe! Komamei bobo yenedekakin ido kojari nginitunganan ikar kere.
3. Anyoika bo nuitodolikini Ajakanut Naka Edeke akaulo naamudiar itunga luarokok?
Edaun amudiar itunga lukarokok, ebuni Yesu aipuga kwape Ekabaka adaun ikar 1,000. Kapak kangin, epote Yesu ka itunga 144,000 luipugaete kanges aingarakin itunga kotoma akwap araun luedolito. Akaulo naka ikar 1,000, itaraunio akwap kere eparadais, naileleba itunga luiyalamasi ido kiswamaete akote naka Yawe. Akaulo kangun, inyakakini Yesu Ajakanut neejai Yawe, Papake. Adepar nelem sek, ‘italaun’ do ekiror loka Yawe ikar kere. (Matayo 6:9, 10) Eraun do ngin aitogogongooret ebe erai Yawe epugan loejok loepodokinit iketunga. Ebuni Yawe amudiar Satan, ajokin, ka ngul kere luaseutu ainger Apuganike. (Apukokinio 20:7-10) Arerengusio nueyauni Ajakanut Naka Edeke eraasi nuka ikar kere.
KISISIAU NUIPU
Kisisiau kanuinyo ipedoria oni aiyuun ebe ebuni Edeke aitodolikin aisumuneta kere nuka Ebaibuli nukoingaren.
4. Ebuni Ajakanut Naka Edeke amudiar apuganisinei nuka itunga
Eyait “etunganan ediopet loce aiswamakin nges aronis.” (Ekalimonokinan 8:9) Kitwasamai Ajakanutuke, ebuni Yawe aitanang aronis na.
Kosiom Daniel 2:44 keda 2 Isesalonikan 1:6-8, kosodete aimor aingiseta nuta:
-
Anyoika bo nuebeit Yawe ka Yesu aiswamakin apuganisinei nuka itunga ka egangitokokec?
-
Epone ani itogogongitotor nuisisiau ijo nuikamunitos Yawe keda Yesu ebe nuepote kesi aswam eraasi nuejok ido nuedolito?
5. Erai Yesu Ekabaka loejok kakere
Kwape Ekabaka loka Ajakanut Naka Edeke ebuni Yesu aingarakin itunga kotoma akwap koponesio luegelegela. Koboliak EBIDIO kanu aanyun nuadau Yesu aswam nuitodunitos ebe ekoto ngesi aitwasam apedor naeinakinit Yawe nges aingarakinia itunga.
Naajaar Yesu toma akwap, abu ngesi kiswama iboro luebuni Ajakanut Naka Edeke aitodolikin. Anu bo arerengusio nuiwadikatai kane nuikoto jo itodolikinos? Kosiom ikokoron lueupanara keda arerengusio ngun.
|
NAAJAAR YESU TOMA AKWAP ABU . . . |
KOJAI TOMA AKUJ EBUNI YESU . . . |
|---|---|
|
|
|
|
|
|
|
|
6. Eyauni Ajakanut Naka Edeke arerengusio nuipu
Ebuni Ajakanut aitodolikin alosikinet naka Yawe kanuka itunga. Epote itunga aijar ikar kere koparadais kakwap. Koboliak EBIDIO koany epone loitwasama Yawe Okokuke Yesu aitodolikinia akelosikinet.
Kosiom Isabulin 145:16, kosodete aimor aingiset nata:
-
Epone ani ipupio jo kanu aijen ebe ebuni Yawe aisimonikin “eimiel loka nginibore kere yenikajaran”?
EBAKASI ICETUNGA EBE: “Kiswama oni kebumakina, ipedori oni aitemokin atiokisio nuejaasi toma akwap.”
-
Anu bo atiokisio nuamen apuganisinei nuka itunga alemar nuebuni Ajakanut Naka Edeke alemar?
NUIDAU AISISIAUN
Ebuni Ajakanut Naka Edeke aitodolikin akelosikinet. Itarauni akwap paradais naileleba itunga luejokuka luijaanakinete Yawe ikar kere.
Ainyogoor
-
Epone ani italaunia Ajakanut Naka Edeke ekiror loka Yawe?
-
Kanuinyo iyuunitor oni ebe epedori Ajakanut Naka Edeke aitodolikin aisumuneta nuka Ebaibuli?
-
Kotoma oboro kere lueyauni Ajakanut, ani bo kanoinoi ikoto ijo kitodolikin?
ISISIAU BOBO NUTA
Kisisiau apolou naka Arumagedon.
Kojenu nuepote atakanun kotoma apugan naka Yesu nakikar 1,000 keda kangeset naka apuganike.
“Anyoika bo Nuiswamaunos Kapaaran Naka Etube?” (Watchtower, Elap Loikanyetaongon 1, 2012)
Koany epone loepedoriata ikalia aomoom nuikamunitos ajaut nepepe koParadais.
Kaisisiaet naebala ebe “Etapasaete Eong Aingiseta Nuipu,” kisisiau epone loabu etepegan apugan kodumunia abongonokineta nuka akeingiseta.
“Ijulakini Ebaibuli Itunga” (Watchtower, ELap Losodit 1, 2012)
