CIIYO 33
Ncobuyoozuzikizya Bwami
Bwami bwa Leza bwakatalika kale kulela. Lino-lino buyoocinca zintu kutegwa buumi munyika bukabote kapati. Atulange-lange zintu zimwi zibotu nzyotukonzya kulangila mubweendelezi bwa Bwami oobu.
1. Mbuti Bwami bwa Leza mbobuyooleta luumuno alimwi abululami anyika?
Jesu, Mwami wa Bwami bwa Leza, uyoobanyonyoona bantu babyaabi alimwi amfwulumende lyankondo ya Amagedoni. (Ciyubunuzyo 16:14, 16) Aciindi eeco, cisyomezyo camu Bbaibbele eeci citobela ciyoozuzikizyigwa cakumaninina: “Kusyeede kaindi kaniini buyo, ibantu babi tabakabi limbi pe.” (Intembauzyo 37:10) Kwiinda mu Bwami, Jesu uyoobona masimpe kuti kuli luumuno alimwi abululami munyika yoonse mbwiizulwa.—Amubale Isaya 11:4.
2. Ino buumi bunooli buti ciindi kuyanda kwa Leza kwaakucitwa anyika?
Mubweendelezi bwa Bwami bwa Leza, “balulami bayookona nyika, alimwi bayookkala alinjiyo lyoonse mane kukabe kutamani.” (Intembauzyo 37:29) Amweezeezye buyo kupona munyika mwalo bantu boonse mobanooluleme, ibamuyanda Jehova alimwi akuyandana! Kunyina uuyoociswa alimwi bantu boonse bayoopona kukabe kutamani.
3. Ncinzi Bwami bwa Leza ncobuyoozuzikizya ciindi bantu babi baakunyonyoonwa?
Bantu babi baakunyonyoonwa, Jesu uyoolela kali Mwami kwamyaka iili 1,000. Kuciindi eeco, walo alimwi aba 144,000 mbayoolela limwi bayoogwasya bantu ibanooli anyika kuti balondoke. Kumamanino aamyaka eeyo, nyika inooli paradaiso yeebeka, iizwide bantu bakkomene ibatobela buyo milawo ya Jehova. Mpoonya Jesu uyoopilusya bweendelezi kuli Bausyi, nkokuti Jehova. Kwiinda lyoonse, ‘zina lya Jehova liyoosalazyigwa.’ (Matayo 6:9, 10) Aciindi eeco, boonse bayoosinizya kuti Jehova Mweendelezi mubotu uubabikkila maano balelwa bakwe. Mpoonya Jehova uyoomunyonyoona Saatani, madaimona alimwi abaabo boonse ibayoosala kuzangila bweendelezi bwakwe. (Ciyubunuzyo 20:7-10) Bukkale bulondokede ibuyooletwa a Bwami bwa Leza buyoozumanana mane kukabe kutamani.
AMWIIYE ZINJI
Amubone kaambo ncotukonzya kusyoma kuti Leza uyoobelesya Bwami kuzuzikizya zisyomezyo zyoonse zyamu Bbaibbele zyakumbele.
4. Bwami bwa Leza buyoomanizya bweendelezi bwabantu
‘Muntu weendelezya muntunyina munzila iimuletela mapenzi.’ (Mukambausi 8:9) Kwiinda mu Bwami bwakwe, Jehova uyookumanizya kutalulama ooku.
Amubale Daniele 2:44 alimwi a 2 Batesalonika 1:6-8, akubandika mibuzyo eeyi:
-
Ncinzi Jehova a Mwanaakwe Jesu ncobayoocita kumfwulumende zyabantu akuli baabo bazigwasyilizya?
-
Mbuti nzyomwaiya kujatikizya Jehova a Jesu mbozimupa kusyoma kuti bayoocita zintu munzila yabululami alimwi akutasalulula?
5. Jesu Mwami mubotu kapati
Mbwaanga Mwami wa Bwami bwa Leza, Jesu uyoobacitila zintu zinji zibotu balelwa bakwe anyika. Atweebelele VIDIYO kutegwa tubone Jesu mbwaakatondezya kale kuti ulayandisya alimwi wakapegwa nguzu a Leza zyakugwasya bantu.
Naakali anyika, Jesu wakatondezya kale nzyobuyoozuzikizya Bwami. Nzilongezyo nzi akati kazyeezyi zyaambidwe waawa nzyomuyandisya kuyoobona? Amubale magwalo aabikkidwe aamba zilongezyo eezyo.
|
NAAKALI ANYIKA, JESU . . . |
KALI KUJULU, JESU . . . |
|---|---|
|
|
|
|
|
|
|
|
6. Bwami bwa Leza buyooleta buumi bubotu kumbele
Bwami buyakwaazuzikizya cakumaninina makanze aa Jehova aakumatalikilo kujatikizya bantu. Bayoopona kukabe kutamani muparadaiso anyika. Atweebelele VIDIYO akubona Jehova mbwali mukubeleka kwiinda mu Mwanaakwe Jesu kutegwa azuzikizye makanze aakwe.
Amubale Intembauzyo 145:16, akubandika mubuzyo ooyu:
-
Mbuti mbomulimvwa kuzyiba kuti Jehova ‘uyookkutya cilenge coonse cipona kwiinda mukucipa ncociyanda’?
BAMWI BAAMBA KUTI: “Ikuti toonse twabelekela antoomwe, tulakonzya kwaamanizya mapenzi aali munyika.”
-
Mapenzi nzi ngobuyoomanizya Bwami bwa Leza alo mfwulumende zyabantu ngozitakonzyi kumana?
MUBUFWAAFWI
Bwami bwa Leza buyakwaazuzikizya makanze aambubo. Buyoosandula nyika kuba paradaiso iizwide bantu babotu ibanookomba buyo Jehova mane kukabe kutamani.
Ncinzi Ncomwaiya?
-
Mbuti Bwami bwa Leza mbobuyoolisalazya zina lya Jehova?
-
Nkaambo nzi ncotukonzya kusyoma kuti Bwami bwa Leza buyoozizuzikizya zisyomezyo zyamu Bbaibbele?
-
Nzintu nzi nzyobuyoozuzikizya Bwami nzyomulangila kapati?
AMUZYIBE ZINJI
Amubone ncoyaamba Amagedoni.
Amulange-lange zintu ziyoocitika lyabulelo bwa Jesu bwamyaka iili 1,000 alimwi akumamanino aambubo.
“Ino Ncinzi Ciyakucitika Mubuzuba Bwalubeta?” (Ngazi Yamulindizi, October 1, 2012)
Amubone mikwasyi mboikonzya kweezyeezya kuba antoomwe mu Paradaiso.
Mucibalo cakuti “Ndakajisi Mibuzyo Minji Kapati Yalo Iyakali Kundikatazya,” amubone sikuzangila mfwulumende mbwaakajana bwiinguzi kumibuzyo iyakali kumukatazya.
“Ibbaibbele Lilakonzya Kubacinca Bantu” (Ngazi Yamulindizi, January 1, 2012)
Andiza Inga Mwaakkomanina Ayaaya
MIBUZYO IIVWULA KUBUZYIGWA
Ino Ndwiiyo Nzi Lwamu Bbaibbele Ndobapa Bakamboni ba Jehova?
Mulakonzya kubelesya Bbaibbele lili lyoonse nomwiiya mupulogilamu iitabbadelelwi ya Bakamboni ba Jehova. Amwaanguluke kutamba bamukwasyi wanu boonse naa balongwe.
