CHIIYO 33
Nzibuyoochita Bwaami bwaLeza
Bwaami bwaLeza bulikweendelezya. Lino-lino buzoochincha zintu zili munyika. Atubone zimwi zintu zibotu ziyoochitwa aaBwaami bwaLeza.
1. Bwaami bwaLeza buyoochitaanzi kuti aanyika kube luumuno abululami?
Jesu, Mwaami waBwaami bwaLeza uyoonyonyoona bantu babi amfulumende zyabantu munkondo yaArmagedoni. (Ciyubunuzyo 16:14, 16) Muchiindi eecho chisyomezyo chili muBbayibbele chakuti: “Kusyeede kaindi kaniini buyo, ibantu babi tabakabi limbi pe” chiyoozuzikizigwa. (Intembauzyo 37:10) Jesu uyoobelesya Bwaami bwaLeza kuti aanyika kube luumuno abululami.—Isaya 11:4.
2. Buumi buyooba biyeni chiindi kwaakuchitwa kuyanda kwaLeza aanyika?
Kwaakweendelezya Bwaami bwaLeza, “Balulami bayookona nyika, alimwi bayookkala alinjiyo lyoonse mane kukabe kutamani.” (Intembauzyo 37:29) Libone kulikupona munyika ilaabantu baluleme alubo boonse kabayanda Jehova abeenzinyina. Kakutachikwe muntu uuchiswa alubo boonse kabapona kukabe kutamani.
3. Bwaami bwaLeza buyoochitaanzi bantu babi baakunyonyoonwa?
Bantu babi baakunyonyoonwa, Jesu uzooyendelezya kali Mwaami kwaminyaka iili 1 000. Muchiindi eecho, Jesu abali 144 000 bayoopa kuti bantu balaanyika bamaninine akuti babe aamibili iitakwe chibi. Kumamanino achiindi eecho, nyika iyooba paradayizi, iilaabantu babotelwa alubo baswiilila milawu yaJehova. Kuzwa waawo, Jesu uyoobweedezya bweendelezi kuli Wisi, Jehova. Zyaakuchitika eezi, ‘zina lyaJehova liyoosalazigwa.’ (Matayo 6:9, 10) Ziyootondeezya aantanganana kuti Jehova Mweendelezi uulikabotu. Kuzwa waawo, Jehova uyoonyonyoona Saatani, madimoni aakwe abantu boonse bakazyania abweendelezi bwaJehova. (Ciyubunuzyo 20:7-10) Zintu zibotu zitazoochitwe aaBwaami bwaLeza zinooliwo mane kukabe kutamani.
YIYA ZYIINGI
Bona kuti nkamboonzi nitulaachoonzyo chakuti Jehova uyoobelesya Bwaami bwakwe kuti akazuzikizye zisyomezyo zyoonse zili muBbayibbele.
4. Bwaami bwaLeza buyoonyonyoona mfulumlende zyabantu
“Muntu nayendelezya muntunyina munzila iimuletela mapenzi.” (Mukambausi 8:9) Jehova uyoobelesya Bwaami bwakwe kuti akape kuti munyika kube bululami.
Bala Daniele 2:44 a 2 Batesalonika 1:6-8, mpawo musandule mibuzyo iitobela:
-
Jehova aMwaanaakwe Jesu bayoozichitaanzi mfulumende zyabantu kuswaanizya abantu balikubbazu lyamfulumende eezyo?
-
Nzwaayiya atala aJehova aJesu zitondeezya biyeni kuti nzibayoochita zinooluleme?
5. Jesu Mweendelezi uulikabotu
Mbukunga Jesu Mwaami waBwaami bwaLeza, uzoochita zintu zyiingi zitakagwasye bantu mbatanooyendelezye aanyika. Mweebele KAVIDIYO kuti mubone zintu nzyaakachita Jesu zitondeezya kuti ulaachiyandisyo amanguzu aakugwasya bantu.
Naakali aanyika, Jesu wakatondeezya zintu zizoochitwa aaBwaami bwaLeza. Aakati kazilongezyo zilaansi aawa, nchiichili nchulangilila aameso aasalala kuzoobona kachilikuzuzikizigwa? Bala mavesi aabikkidwe aayendelana aazilongezyo eezyo.
|
NAAKALI AANYIKA, JESU . . . |
KALI KUJULU, JESU . . . |
|---|---|
|
|
|
|
|
|
|
|
6. Bwaami bwaLeza buzoopa kuti tuzoopone buumi bubotu kunembo
Bwaami bwaLeza buzoozuzikizya makanze ngaakalaawo Jehova kuzwa chiindi atala abantu. Bantu bazoopona kukabe kutamani muparadayizi aanyika. Mweebele KAVIDIYO kuti ubone Jehova mbalikubelesya Mwanaakwe, Jesu kuti azuzikizye makanze aakwe.
Bala Intembauzyo 145:16, mpawo musandule mubuzyo uutobela:
-
Kuziba kuti Jehova uzookkutya “cilenge coonse cipona kwiinda mukucipa ncociyanda” kupa kuti umvwe biyeni?
BAMWI BAAMBA KUTI: “Kuti toonse twabelekelaamwi, tulakonzya kwaamaninsya mapenzi aali munyika.”
-
Ngaali mapenzi aatazoomaninsigwe aaBwaami bwaLeza aatakonzyi kumaninsigwa aamfulumende zyabantu?
CHIFWIINSYO
Bwaami bwaLeza buzoochita zintu ziyandwa aaLeza. Buyoochincha nyika yoonse kuti ikabe paradayizi alubo munooli bantu banookomba Jehova luzutu.
Mibuzyo Yakwiindulula
-
Bwaami bwaLeza buyoolisalazya biyeni zina lyaJehova?
-
Nkamboonzi nitulaachoonzyo chakuti Bwaami bwaLeza buyoozuzikizya zisyomezyo zili muBbayibbele?
-
Nziizili zintu nzulangilila aameso aasalala kuti zizoozuzikizigwe aaBwaami bwaLeza?
YANDUULISISYA
Bona kuti niinzi chitegwa Armagedoni.
“Nkondo yaArmagedoni Niinzi?” (Chiiyo chijanika aaIntaneti)
Bona zintu zitazoochitike mubweendelezi bwaJesu bwaminyaka Iili 1 000.
“Niinzi Chitazoochitike Mubuzuba Bwalubeta?” (Ngaziyakulinda, September 1, 2012)
Bona zintu zitazoochitwe aaBwaami bwaLeza nzibakonzya kuyeeyesesya bamumpuli.
Muchiiyo chitii, “Ndakali Aamibuzyo Myiingi Yakali Kundikataazya,” ulabona kuti umwi mwaalumi wakabbide mulizyapolitikisi wakazijana biyeni nsandulo zyamibuzyo yakali kumukataazya.
“Bbayibbele Lilakonzya Kubachincha Bantu” (Ngaziyakulinda, January 1, 2012)
