HAAPIIRAA 33
Ta te Faatereraa arii a te Atua e faatupu
Ua haamata aˈena te Faatereraa arii a te Atua i te faatere mai. Fatata roa oia i te rave i te mau tauiraa rahi i te fenua nei. E hiˈo mai tatou i te tahi mau mea maitatai ta oe e nehenehe e ite i raro aˈe i te faatereraa a te Faatereraa arii.
1. E nafea te Faatereraa arii a te Atua e hopoi mai ai i te hau e te parau-tia i te fenua nei?
E haamou Iesu, te Arii o te Faatereraa arii a te Atua i te feia ino e te mau faatereraa atoa i te tamaˈi Aramagedo. (Apokalupo 16:14, 16) I reira te parau tohu Bibilia i muri nei e tupu roa ˈi: “Tau taime â, e aita faahou te feia ino.” (Salamo 37:10) E faaohipa Iesu i te Faatereraa arii ia papu ia ˈna e e itehia te hau e te parau-tia i te mau vahi atoa.—A taio i te Isaia 11:4.
2. Mai te aha te huru oraraa ia faatupuhia te hinaaro o te Atua i te fenua nei?
I raro aˈe i te faatereraa a te Faatereraa arii a te Atua, “e fatu te feia parau-tia i te fenua, e e parahi ratou i nia iho e a muri noa ˈtu.” (Salamo 37:29) A feruri na i te hoê ao mea maitai te feia atoa, mea here te taata atoa ia Iehova e mea here te tahi i te tahi! Aita te taata e maˈi faahou, e e ora te taata atoa e a muri noa ˈtu.
3. Eaha ta te Faatereraa arii a te Atua e faatupu i muri aˈe a haamou ai oia i te feia ino?
Ia oti te taata i te haamouhia, e faatere Iesu ei Arii 1 000 matahiti. I tera roaraa matahiti, e tauturu oia e ta ˈna na 144 000 o te faatere e o ˈna, i te taata i te fenua nei ia riro mai ratou ei taata tia roa. Ia hope na 1 000 matahiti, e riro ai te fenua taatoa ei paradaiso nehenehe mau, e e oaoa te taata atoa no to ratou auraroraa i ta Iehova mau ture. E horoa Iesu i te faatereraa i to ˈna Metua ra, ia Iehova. Mai tei ore i itehia aˈenei, e “moˈa to [Iehova] iˈoa.” (Mataio 6:9, 10) Ua haapapu te reira e e Atua faatere maitai o Iehova o te haapeapea ra no to ˈna mau taata. E haamou Iehova ia Satani e ta ˈna mau demoni e te feia o tei maiti i te orure hau i ta Iehova mana faatere. (Apokalupo 20:7-10) E hopoi mai te Faatereraa arii a te Atua i te hoê oraraa tia roa e a muri noa ˈtu.
A FAAHOHONU ATU Â
A hiˈo no te aha e nehenehe tatou e tiaturi e e faaohipa te Atua i ta ˈna Faatereraa arii no te faatupu roa i ta te Bibilia i fafau no to tatou a muri aˈe.
4. E faaore te Faatereraa arii a te Atua i te mau faatereraa arii a te taata
E “faatere . . . te taata i te taata no to ˈna iho ati.” (Koheleta 8:9) Maoti ta ˈna Faatereraa arii, e faaore Iehova i teie parau-tia ore.
A taio i te Daniela 2:44 e te Tesalonia 2, 1:6-8, e a aparau i teie mau uiraa:
-
Eaha ta Iehova e ta ta ˈna Tamaiti ra o Iesu e rave no te mau faatereraa a te taata e te feia o tei turu ia ratou?
-
Mai ta oe i haapii no nia ia Iehova e ia Iesu, eaha te haapapu ra ia oe e mea afaro e mea tia ta raua ohipa?
5. O Iesu te Arii maitai roa ˈˈe
Ei Arii o te Faatereraa arii a te Atua, e tauturu Iesu i te feia i te fenua nei ma te mau ravea e rave rau. A pata i te VIDEO o te faaite ra e te hinaaro ra Iesu e tauturu i te taata e ua horoa te Atua ia ˈna ra te mana no te rave i te reira.
Te faaite ra te mau mea ta Iesu i rave a haere mai ai oia i te fenua nei, i ta te Faatereraa arii a te Atua e faatupu. Eaha te mau haamaitairaa i ǒ nei ta oe e tiai ru nei i te ite? A taio i te mau irava o te tauturu ia tatou ia ite hau atu â no nia i teie mau haamaitairaa.
|
I TE FENUA NEI, UA . . . |
MAI TE RAˈI MAI, E . . . |
|---|---|
|
|
|
|
|
|
|
|
6. E hopoi mai te Faatereraa arii a te Atua i te hoê a muri aˈe faahiahia mau
E faatupu te Faatereraa arii i te opuaraa matamua a Iehova no te taata. E ora ratou e a muri noa ˈtu i roto i te paradaiso i te fenua nei. A pata i te VIDEO no te ite e nafea Iehova e faaohipa ˈi i ta ˈna Tamaiti ra o Iesu no te faatupu i ta ˈna opuaraa.
A taio i te Salamo 145:16, e a aparau i teie uiraa:
-
Eaha to oe huru ia ite oe e e haamâha Iehova i “te hinaaro o te mau mea ora atoa”?
TE MANAˈO O VETAHI: “Ia ohipa amui tatou, e nehenehe tatou e faatitiaifaro i te mau fifi na te ao nei.”
-
Eaha te mau fifi ta te Faatereraa arii a te Atua e faatitiaifaro o ta te mau faatereraa a te taata i ore i faatitiaifaro?
HAAPOTORAA
E faatupu te Faatereraa arii a te Atua i ta te Atua e hinaaro ia ravehia. Oia hoi o te faariroraa ïa i te fenua taatoa ei paradaiso tei î i te taata maitai o te haamori ia Iehova e a muri noa ˈtu.
Haamanaˈoraa
-
E nafea te Faatereraa arii a te Atua e haamoˈa ˈi i to Iehova iˈoa?
-
No te aha tatou e tiaturi ai e e faatupu roa te Faatereraa arii a te Atua i ta te Bibilia i fafau?
-
I roto i te mau mea atoa ta te Faatereraa arii e faatupu, eaha ta oe e tiai ru nei i te ite?
HIˈOPOA
A hiˈo eaha Aramagedo.
A taio no nia i tei tupu i te roaraa e i muri aˈe i na 1 000 matahiti a faatere ai Iesu ei Arii.
“Eaha te tupu i te Mahana Haavaraa?” (Te Pare Tiairaa 1 no Atopa 2012)
A hiˈo e nafea te mau utuafare e nehenehe ai e feruri amui maite ai no nia i te mau haamaitairaa no a muri aˈe ta te Faatereraa arii e hopoi mai.
I roto i te tumu parau “E rave rahi uiraa i roto i to ˈu feruriraa,” a haapii mea nafea te hoê taata poritita orure hau i te iteraa i te mau ravea ta ˈna i imi noa na.
“Ua taui te Bibilia i to ˈu oraraa” (Tumu parau o Te Pare Tiairaa)
E au atoa outou . . .
UIRAA A TE TAATA
Eaha te ravehia i te hoê haapiiraa Bibilia pûpûhia na te mau Ite no Iehova?
Maoti teie aparauraa Bibilia tamoni ore pûpûhia na te mau Ite no Iehova, nehenehe outou e faaohipa i ta outou iho Bibilia. A titau atoa mai i to outou utuafare aore ra hoa.
