33-ТӤ УРОК
Мар кароз Инмарлэн Эксэйлыкез
Инмарлэн Эксэйлыкез кивалтэ ини. Ӝоген со музъем вылысь улонэз быдэсак воштоз. Ойдолэ тодомы, мар кароз Инмарлэн Эксэйлыкез но кыӵе со тӥледлы пайда ваёз.
1. Кызьы Инмарлэн Эксэйлыкез музъем вылэ тупаса но шонерлыко улон ваёз?
Армагеддон ожын Иисус, Инмарлэн Эксэйлыказ Эксэй, лек адямиосты быдтоз но адямиослэн кивалтэмзылы пум поноз (Усьтӥськон 16:14, 16). Соку быдэсак быдэсмоз Библиысь таӵе кылсётон: «Кема ик ӧвӧл ни — сьӧлыклэсь кышкасьтэм уз кыльы ни» (Псалтирь 36:10). Инмарлэн Эксэйлыкез пыр Иисус быдэс музъем вылэ тупаса но шонерлыко улон ваёз. (Лыдӟе Исаиялэсь 11:4.)
2. Кыӵе улон луоз, куке музъем вылын Инмарлэн эрикез быдэсмоз?
Куке музъем вылын Инмарлэн Эксэйлыкез кивалтыны кутскоз, «шонер улӥсьёс музъем басьтозы но со вылын пумтэм вапумъёс улозы» (Псалтирь 36:29). Малпалэ гинэ, кыӵе улон луоз, куке музъем вылын умой, ӟеч сямо адямиос гинэ улозы, кудъёсыз Иеговаез но ог-огзэс яратозы! Нокин но уз висьы ни, адямиос пумтэм вапумъёс ӵоже улозы.
3. Мар кароз Инмарлэн Эксэйлыкез, куке лек адямиос быдтэмын луозы?
Лек адямиосты быдтэмез бере Иисус сюрс ар ӵоже кивалтоз на. Со вакытэ со но 144 000 соин ӵош кивалтӥсьёс юрттозы адямиослы сьӧлыклэсь мозмытскыны. Иисуслэн сюрс ар ӵоже кивалтэмезлэн пумаз музъем сяськаяськись садлы пӧрмоз. Соку музъем вылын зэмос рай луоз. Адямиос шудоесь луозы, малы ке шуоно Иеговалэсь кылзӥськыса улозы. Соку Иисус кивалтэмысь дугдоз но, кивалтыны кутскоз солэн Атаез, Иегова. Иеговалэн нимыз данъямын луоз (Матфей 6:9, 10). Ваньмыз со возьматоз, Иегова умой кивалтӥсь шуыса, кудӥз аслаз кылдытэмъёсыз сярысь сюлмаське. Собере Иегова быдтоз Шайтанэз, периосты но ваньзэс, кинъёс соос пала кариськозы (Усьтӥськон 20:7—10). Инмарлэн Эксэйлыкез музъем вылэ туж умой улон ваёз, кудӥз ноку но уз быры!
МУРГЕС ЭСКЕРЕ
Тодэ, малы ми оскыны быгатӥськомы, Инмар аслаз Эксэйлыкез пыр Библиысь вань кылсётонъёссэ быдэстоз шуыса.
4. Инмарлэн Эксэйлыкез адямиослэн кивалтэмзылы пум поноз
Библиын верамын: «Адями адямиен кузёяське но солы изъян вайыса кельтэ» (Екклесиаст 8:9). Аслаз Эксэйлыкез пыр Иегова адямиослы ваем изъянэз тупатоз но музъем вылэ шонерлыко улон ваёз.
Лыдӟе Данииллэсь 2:44 но 2 Фессалоникаослы 1:6—8 но та юанъёслы валэктонъёс сётэ:
-
Мар карозы Иегова но солэн Пиез, Иисус, кивалтӥсьёсын но соослы дурбасьтӥсьёсын?
-
Кызьы Иегова но Иисус сярысь тодэмды оскытэ тӥледыз, соос ваньзэ шонер лэсьтозы шуыса?
5. Иисус — самой умой кивалтӥсь
Иисус, Инмарлэн Эксэйлыказ Эксэй, адямиослы трос умойзэ лэсьтоз. Учке ВИДЕОРОЛИКЕЗ. Отысь тӥ тододы, Иисуслэн адямиослы юрттыны мылкыдыз но, кужымез но вань шуыса.
Музъем вылын паймымон ужъёс лэсьтыса, Иисус возьматӥз, мар со кароз, куке Инмарлэн Эксэйлыказ Эксэй луоз. Улӥын гожтэм бакель каронъёс пӧлысь мае тӥ тужгес но возьмаськоды? Лыдӟе ваньзэ Библиысь сётэм кылбуръёсты.
|
МУЗЪЕМ ВЫЛЫН ИИСУС: |
ИНМЫСЕН ИИСУС: |
|---|---|
|
|
|
|
|
|
|
|
6. Инмарлэн Эксэйлыкез адямиослы шудо улон ваёз
Инмарлэн Эксэйлыкез адямиослы сыӵе улон ваёз, кыӵезэ Инмарлэн кутсконаз ик сётэмез потэ вал. Адямиос рай музъем вылын пумтэм вапумъёс ӵоже улозы. Учке ВИДЕОРОЛИКЕЗ но тодэ, кызьы Иегова, Иисуслэн юрттэменыз, аслэсьтыз вань малпанъёссэ быдэстоз.
Лыдӟе Псалтирез 144:16 но та юанлы валэктон сётэ:
-
Кыӵе тӥляд шӧдонъёсты кылдо, Иегова сярысь таӵе кылъёсты лыдӟыса: «Вань улэп макеосты, ваньзэс тыр кариськод»?
КИН КЕ НО ВЕРАНЫ БЫГАТОЗ: «Адямиос ваньзы огкылысь кариськизы ке, музъем вылысь вань шуг-секытъёсты быдтыны быгатозы».
-
Кыӵе шуг-секытъёсты адямиос ноку но быдтыны уз быгатэ? Малы соосты Инмарлэн Эксэйлыкез гинэ быдтыны быгатоз?
ТОДЭ ВАЁН
Инмарлэн Эксэйлыкез Инмарлэсь эриксэ быдэстоз. Быдэс музъем рай луоз. Отын умой адямиос гинэ улозы, кудъёсыз Иеговалы пумтэм вапумъёс ӵоже йыбыртъялозы.
Мае тон тодӥд?
-
Кызьы Инмарлэн Эксэйлыкез Иеговалэсь нимзэ данъялоз?
-
Малы ми оскыны быгатӥськомы, Инмарлэн Эксэйлыкез Инмарлэсь вань кылсётонъёссэ быдэстоз шуыса?
-
Библиын гожтэм кыӵе кылсётонлэсь быдэсмемзэ тӥ тужгес но возьмаськоды?
ТРОСГЕС ТОДЭ
Тодэ, мар со сыӵе Армагеддон.
Тодэ, мар луоз, Иисус сюрс ар ӵоже кивалтыку но со бере ик.
«Кыӵе луоз Суд нунал?» («Возьмаськон башня», 2012-тӥ ар, 1-тӥ куарусён)
Учке, кызьы бадӟымъёс но нылпиос син азязы пуктыны быгато, кызьы соос вуоно рай музъем вылын уло.
«Мынам трос юанъёсы вал» статьяысь тӥ тододы, кызьы воштӥськиз одӥг пиосмурт Библиез лыдӟыны кутскемез бере.
«Библия улонэз воштэ» («Возьмаськон башня», 2012-тӥ ар, 1-тӥ толшор)
