TIMIRTTE 33
Xoossaa Kawotettay Ay Oottanee?
Xoossaa Kawotettay haariiddi deˈees. Mata wode I saˈan keehi loˈˈobata oottana. Neeni Kawotettaa haaruwan demmanawu laamotiyo loˈˈobatuppe amaridaageeta ane beˈoos.
1. Xoossaa Kawotettay saˈan sarotettaynne suure pirdday deˈanaadan ay oottanee?
Xoossaa Kawotettaa Kawoy Yesuusi iita asatanne kawotettata Armmageedoona olan xayssana. (Ajjuutaa 16:14, 16) Geeshsha Maxaafay, “Iitaa oottiyaageeti guutta wodiyaappe guyyiyan de7okkona” giidoogee he wode muleera polettana. (Mazamure 37:10) Yesuusi Kawotettaa baggaara kumetta saˈan sarotettaynne suure pirdday deˈanaadan oottana.—Isiyaasa 11:4 nabbaba.
2. Xoossaa shenee saˈan haniyo wode deˈoy ay mala gidanee?
Xoossaa Kawotettay hariyo wode, “Xilloti biittaa laattananne yan merinau de7ana.” (Mazamure 37:29) Asay ubbay Yihoowakka haratakka siiqiya xillo gidiyo wode ay mala deˈo deˈanaakko qoppa! Ooninne sahettenna, qassi asay ubbay merinawu deˈana.
3. Xoossaa Kawotettay iita asati xayi simmin ay oottanee?
Iita asati xayi simmin, Kawoy Yesuusi 1,000 layttawu haarana. He wode, inne aara haariya 144,000ti saˈan deˈiya asay wottiyoobi baynnaagaa gidanaadan maaddana. SHaˈu layttaa wurssettan, kumetta saˈay loˈˈiya gannate gidana, qassi asay ubbay Yihoowa higgiyawu azazettiyo gishshawu ufayttana. He wode Yesuusi Kawotettaa ba Aawaa Yihoowawu sheedhdhana. Yihoowa “sunttai” awudeegaappenne aaruwan ‘anjjettana’ woy geeyana. (Maatiyoosa 6:9, 10) Yihooway bawu haarettiyaageetussi qoppiya loˈˈo Kawo gidiyoogee he wode qonccana. Hegaappe simmin Yihooway Seexaanaa, daydanttatanne Ayyo haarettenna oonakka xayssana. (Ajjuutaa 20:7-10) Xoossaa Kawotettay ehiido wottiyoobi baynna hanotay merinawu deˈana.
LOYTTA AKEEKA
Sinttanaabaa Geeshsha Maxaafay nuussi yootiyo ubbabaa Xoossay ba Kawotettaa baggaara polanaagaa nuuni ammanettana danddayiyoy aybissakko akeeka.
4. Xoossaa Kawotettay asaa kawotettata xayssana
‘Asi ba haariyo maatan hara asa qohiis.’ (Eranchchaa 8:9) Yihooway ba Kawotettaa baggaara he naaquwaa xayssana.
Daaneela 2:44nne 2 Tasalonqqe 1:6-8 nabbabite; yaatidi ha oyshata tobbite:
-
Yihoowaynne A Naˈay Yesuusi kawotettatanne etawu exatiya asata waatanee?
-
Neeni Yihoowabaanne Yesuusabaa tamaaridobay eti suurebaa oottanaagaa ne ammanettanaadan oottiyoy aybissee?
5. Yesuusi ooppenne loˈˈo Kawo
Xoossaa Kawotettaa Kawoy Yesuusi saˈan deˈiya asaa maaddiya darobaa oottana. Yesuusi asaa maaddanawu koyiyoogaanne Xoossay ayyo wolqqaa immidoogaa waati bessidaakko akeekanawu BIIDUWAA beˈite.
Yesuusi saˈan deˈiyo wode oottidobay he Kawotettay oottanabaa bessees. Kaallidi deˈiyaageetuppe neeni keehi laamotan naagiyo anjjoti awugeetee? He anjjotubaa nuuni loytti akeekana mala maaddanawu xaafettida xiqiseta nabbabite.
|
YESUUSI SAˈAN DEˈIYO WODE . . . |
YESUUSI SALUWAN UTTIDI . . . |
|---|---|
|
|
|
|
|
|
|
|
6. Xoossaa Kawotettay sinttappe ufayssiyaabaa oottana
Asay deˈanaadan Yihooway koyiyo ufayssiya deˈuwaa he Kawotettay immana. Eti gannate saˈan merinawu deˈana. Yihooway ba Naˈaa Yesuusa baggaara ba halchchuwaa waati poliyaakko akeekanawu BIIDUWAA beˈite.
Mazamure 145:16 nabbabite; yaatidi ha oyshaa tobbite:
-
Yihooway “paxa de7iyaageeta ubbaa amuwaa [aliyoogaa]” eriyoogee neeni waananaadan oottii?
ISSI ISSI ASAY HAGAADAN GEES: “Nuuni ubbay issippetettan oottikko alamiyaa metuwaa qaarana danddayoos.”
-
Asaa kawotettay xayssana danddayennaba gidikkonne, Xoossaa Kawotettay xayssana metoti awugeetee?
AY AKEEKADII?
Xoossaa Kawotettay Xoossay koyiyoobaa oottana. He Kawotettay kumetta saˈaa merinawu Yihoowawu goynniya loˈˈo asay deˈiyo gannate oottana.
Zaaretuwaa
-
Xoossaa Kawotettay Yihoowa sunttaa waati geeshshanee?
-
Geeshsha Maxaafay hanana giidobaa Xoossaa Kawotettay polanaagaa nuuni ammanana danddayiyoy aybissee?
-
Xoossaa Kawotettay oottana loˈˈobaa ubbaappe neeni beˈanawu keehi koyiyoogee awugee?
PILGGA
Armmageedooni aybakko shaakka era.
Yesuusi 1,000 layttawu haariyo wodenne he wodee wurosaara aybi hananaakko nabbaba.
“Pirddaa Gallassi Aybi Hananee?” (Wochchiyo Keelaa, Xiqimita 1, 2012)
So asay gannatiyan issippe deˈana wodiyaa waatidi wotti dentti qoppana danddayiyaakko akeeka.
Kawotettaa bolli makkalida issi bitanee I koyidobaa waati demmidaakko, “Daro Oyshatun Unˈˈettaas” giya huuphe yohuwan beˈa.
“Geeshsha Maxaafay Asay Laamettanaadan Oottees” (Wochchiyo Keelaa huuphe yohuwaa)
Hageeta Beˈadii?
ASAY DAROTOO OYCHIYO OYSHATA
Yihoowa Markkati Geeshsha Maxaafaa Xannaˈissiyoy Ayba Ogiyaanee?
Yihoowa Markkati miishsha qanxxissennan xannaˈissiyo prograamiyan, Geeshsha Maxaafaa birshshettaa awugaakka goˈettana danddayaasa. Ne so asa ubbaynne ne laggetikka nenaara xannaˈanaadan shoobbana danddayaasa.
