ღორონთიშ სამეფო ზეცას უკვე მართველენს დო მალას მთელ დედამიწას ირფელს უჯგუშობაშა დოთირანს. მორთ გუვარჩუათ მუსხირენ კურთხევა, მუდგას ღორონთიშ სამეფოშ მართველობა მომღანა.

1. მუჭო დამყარენს ღორონთიშ სამეფო მშვიდობას დო სამართლიანობას დედამიწას?

იესო, ღორონთიშ სამეფოშ მეფე, არმაგედონიშ ომს განადგურენს უბადო ადამიანეფს დო მთავრობეფს (გამოცხადება 16:14, 16). თე დროს სრულას შისრულებ ბიბლიას მოჩამილ დუნაპირებ: „ხოლო ჭიჭე დო ვეჸუაფ უბადო“ (ფსალმუნი 37:10). სამეფოშ საშვალებათ, იესო მთელ დედამიწას მშვიდობას დო სამართლიანობას დამყარენს (წეკითხით ესაიაშ 11:4).

2. მუნერ იჸუაფ ცხოვრება, მუჟამსით დედამიწას ღორონთიშ ნება შისრულებ?

ღორონთიშ სამეფოშ მართველობაშ თუდო „მართალეფ დემკვიდრენა დედამიწას დო მარადიულო იცხოვრენა თექ“ (ფსალმუნი 37:29). წერმიდგინით, მუშმაჯგირა იჸუაფ ცხოვრება თიცალ მსოფლიოს, სოდეთ ჯგირ გურიშ ადამიანეფ იცხოვრენა დო ირკოჩის აღვენუ იეჰოვაშ დო ართიანიშ ჸოროფა! მითინ ვა დელახებუ დო არძა მარადიულო იცხოვრენს.

3. მუს გაკეთენს ღორონთიშ სამეფო უბადო კათაშ განადგურებაშ უკულ?

უბადო კათაშ განადგურებაშ უკულ, იესო 1 000 წანას იმეფენს. თე დროშ დინახალე, იესო დო 144 000 თანამართველ მეხვარებნა ადამიანეფს, გეთავისუფლან ცოდვაშე დო სრულყოფილეფო გინირთან. 1 000 წანიან მართველობაშ ბოლოშო, დედამიწა სქვამ სამოთხეთ გინირთუ დო არძა, მით იეჰოვაშ კანონეფს დემორჩილებ, ბედნერ იჸუაფ. თეშ უკულ, იესო მართველობას გეგნოჩანს მუშ მუმა იეჰოვას დო საბოლათ, გენიწმინდებ იეჰოვაშ სახელ (მათე 6:9, 10). თიმწკუმა დემტკიცებ, ნამდა იეჰოვა ჯგირ მართველ რე დო თინა ზრუნენს მუშ მსახურეფშო. თეშ უკულ თინა განადგურენს სატანას, დემონეფს დო არძას, მით იეჰოვაშ მართველობას ოწინააღმდეგ (გამოცხადება 20:7—10). თეცალ სრულყოფილ პირობეფს ცხოვრება, ნამდგას ღორონთიშ სამეფო მომღანა, მარადიულო გეგრძელებ.

 ქიგეგით უმოს

4. ღორონთიშ სამეფო მოსპუნს ადამიანურ მთავრობეფს

„კოჩ კოჩის ირო ორუდ თიშ საზარალოთ“ (ეკლესიასტე 8:9). იეჰოვა, მუშ სამეფოშ საშვალებათ, ბოლოს მუღენს ირნერ უსამართლობას.

წეკითხით დანიელიშ 2:44 დო 2 თესალონიკელეფიშ 1:6—8 დო უკულ გარჩით თუდო მოჩამილ კითხვეფ:

• მუს უპირენა იეჰოვა დო იესო ქრისტე ადამიანურ მთავრობეფს დო თინეფიშ მიმაჸუნალეფს?

• მუჭო გარწმუნენა იეჰოვა დო იესოშ გურშენ ნაგურეფ თიშა, ნამდა თინეფ სამართლიანო მიქციებნა?

5. იესო არძაშ უჯგუშ მეფე რე

იესო ღორონთიშ სამეფოშ მეფე რე დო თინა ბრელ მუდგარენს გაკეთენს მუშ მსახურეფიშ საჯგირობუოთ. ქოძირით ვიდეო თიშ გაგებელო, მუჭო ოძირუ იესოქ, ნამდა ადამიანეფიშ მახვარებელო თის ქოთ სურვილ დო ქოთ ღორონთშე მეჩამილ ძალა უღჷ.

თი საქმეეფშე, მუთ იესოქ დედამიწას ცხოვრებაშ დროს აკეთ, იძირე, მუს გაკეთენს ღორონთიშ სამეფო მომავალს. თუდო მოჩამილ კურთხევეფშე, განსაკუთრებულო ნამუს ელუთ? წეკითხით მითითებულ მუხლეფ, ნამუთ უმოს მეტის მოგებაფუანა თე კურთხევეფიშ გურშენ.

 6. ღორონთიშ სამეფო დიდებულ მომავალს მომღანა

დასკვნა

ღორონთიშ სამეფო ქიმიონჭირნუანს მუშ მიზანს. თე მთავრობა დედამიწას სამოთხეთ გინართინუანს, სოდეთ ჯგირ გურიშ ხალხ მარადიულო ემსახურებ იეჰოვას.

გამეორებელ კითხვეფ

• მუჭო განწმინდენს ღორონთიშ სამეფო იეჰოვაშ სახელს?

• მუშენ შემლებნა ბჯერდან, ნამდა ღორონთიშ სამეფო შეასრულენს ბიბლიას მოჩამილ დუნაპირებუეფს?

• განსაკუთრებულო ნამ დუნაპირებუშ შესრულებას ელუთ?