ZƐŊ-LƐƐƐI 33
Mɛnii Ɣala Ŋɔkaloŋ-laai A Pai Gɛi
Ɣala Ŋɔkaloŋ-laai kaa naa tii kɛi. Tai kpua yee mu, a pai mɛni maa faleŋɔɔ lɛlɛɛ-ŋa kɛi nɔii ma. Kwaa mɛni lɛlɛɛ-ŋai taŋa kaa nyii iŋɛi a pɔri kɛi berei Galoŋ-laai mu.
1. Ɣala Ŋɔkaloŋ-laai a pa pai leŋ a lii-see da sãa-laa nɔii ma?
Zisɛ nyii a Galoŋ Ɣala Ŋɔkaloŋ-laai mɛni mai, a pai ŋwana-lɔɔ-ɓela da nuu-kpune gɔmɛti kelee su karai Amagidɔŋ kɔi su. (Mɛni-lɛɛi 16:14, 16) Tãi ti ma, gono-tee ŋi nyii Ŋala-kɔlɔi sui ŋaa-see a pai kɛi: “Ŋwana-lɔɔ-ɓelai da pai lanii.” (Ŋule-wooi 37:10) Galoŋ-laai sarai, Zisɛ a pai gɛi a gɛɛ lii-see da sãa-laa dikɛ nɔii gwaa kelee.—Azaya 11:4 lono.
2. Kɛ-ɣeniɛ a pai kɛi leŋ Ɣala nĩa-mɛni a kɛ nɔii ma?
Ɣala Ŋɔkaloŋ-laai mu, “dɔ̃ya-ɓelai nɔ ɓe pai lɛɛi nɔii ma, dikɛ ɓo naa wɔlɔ-wɔlɔ da wɔlɔ-wɔlɔ.” (Ŋule-wooi 37:29) Ikili-ŋa sia e pilaŋ ɣeniɛ ta ma nyii zu-ɓela kelee maa waai, dikelee di Ziova wɛlini, nyaŋ di dikie-ni wɛlini! Nuu ta fe pai kɔlɛi, nyaŋ nuu kelee a pai kɛi ɣeniɛ wɔlɔ-wɔlɔ da wɔlɔ-wɔlɔ.
3. Le ɓe Ɣala Ŋɔkaloŋ-laai a pai gɛi ŋwana-lɔɔ-ɓelai su karaa polu ma?
Ŋwana-lɔɔ-ɓelai su karaa polu ma, Zisɛ a pai kɛi a Kaloŋ a koraŋ wala tɔnɔ (1,000). Tãi ti ma, nyaa da nuu wala ŋuŋ tɔnɔ polu wala buu naaŋ kao naaŋ (144,000), da pai kpɔŋ maa tɛɛi nuu-kpune pɔ a gɛɛ dikɛ a dimaa waa sɔnyɔŋ yeei. Goraŋ wala tɔnɔi kpɛɛ-ŋa, nɔii a pai kɛi a paredai. Nuu kelee a pai kɛi lii-nɛ̃ɛ su kpɛni fei da Ziova ŋɔtɔŋ-ŋai mɛi kaai. Gɛ ni, Zisɛ a pai Galoŋ-laai tɛɛi polu Naŋ Ziova pɔ. Nyaŋ Ziova ‘laa maa a pai waai’ e tɛɛ bɔlɔi ma. (Maafiu 6:9, 10) A pai kɛi a zu ponoɔ a gɛɛ Ziova kaa a Kaloŋ lɛlɛɛ nyii gbaaŋɔɔi ŋɔnuai mɛni ma. Gɛ ni Ziova a pai Setɔŋ, nyinaŋ nyɔmɔɔ-ŋai da diai kelee tɔɔ ŋɔkɛ-mɛi-laai mai su karai. (Mɛni-lɛɛi 20:7-10) Gɛ-ɣeniɛ lɛlɛɛi nyii Ɣala Ŋɔkaloŋ-laai a pa pai lai, a pa kɛi naa wɔlɔ-wɔlɔ da wɔlɔ-wɔlɔ.
MƐNI TAMAA MAA-KƆRI
Mɛnii kaa gɛ kwa pɔri laai la a gɛɛ Ɣala a pai tii kɛi a Galoŋ-laai a gɛɛ e gono-tee-ŋai kelee Ŋala-kɔlɔi sui tinaa-tuɛ-pere mɛni mai ŋaa-see kɛ.
4. Ɣala Ŋɔkaloŋ-laai a pai nuu-kpune gɔmɛti su karai
‘Diai wala-walalaa kaa diyeei, da nuu doo-mu-ŋai mɔ̃lɛ.’ (Ikilisiati 8:9) Ziova a pai tii kɛi a Ŋɔkaloŋ-laai a gɛɛ e fili-mɛni kelee kpɛɛ.
Dania 2:44 da 2 Tɛsɛloniɛŋ 1:6-8 lono, gɛ ni ka lono e pilaŋ mare-kɛɛ-ŋai ŋi dia:
-
Le ɓe Ziova da Noŋ Zisɛ, da pai gɛi a nuu-kpune gɔmɛti da dipolu-ɓela?
-
Mɛnii yaa maa-kɔri e pilaŋ Ziova da Zisɛ diai e nɛ leŋ ya a gɛɛ di tua-pere a pai kɛi a zãa?
5. Zisɛ kaa a Kaloŋ lɛlɛɛ
Zisɛ nyii a Galoŋ Ɣala Ŋɔkaloŋ-laai mɛni mai, a pai kpɔŋ maa tɛɛi nua pɔ nɔii ma a pere sii tamaa. VILOI su kaa nyii berei lɛi Zisɛ aa nɛ la a gɛɛ a ŋwɛlii e kpɔŋ maa tɛɛ nua pɔ, nyaŋ Ɣala aa wala-walalaa tɛɛ bɔ a gɛɛ e gɛ ti.
Mɛni-ŋai Zisɛ e gɛ gɛɛ nɔii mai, e mɛni-ŋai lɛ Galoŋ-laai a pai gɛi. Nuwa-ŋai ŋi nenɛ ɓe iŋɛi kaa berei? Ŋala-kɔlɔ kpua-ŋai ŋi lono nyii pai kpɔnii kua a gɛɛ ku mɛni tamaa maa-kɔri e pilaŋ nuwa-ŋai ŋi dia.
|
ZISƐ KƐƐ NƆII MA . . . |
ZISƐ A PAI KƐI ƔALA-TAA GƐ . . . |
|---|---|
|
|
|
|
|
|
|
|
6. Ɣala Ŋɔkaloŋ-laai a pa pai a kɛ-ɣeniɛ lɛlɛɛ tinaa-tuɛ-pere
Galoŋ-laai a pai Ziova kpɛtɛ-mɛni ŋaa-see kɛi nuu-kpune mɛni ma. Da pai kɛi paredai lɔii ma wɔlɔ-wɔlɔ da wɔlɔ-wɔlɔ. VILOI su kaa nyii berei lɛi Ziova a tii kɛi la a Noŋ Zisɛ, a gɛɛ e gbɛtɛ-mɛni ŋaa-see kɛ.
Ŋule-wooi 145:16 lono, gɛ ni ka lono e pilaŋ mare-kɛɛ ŋi ma:
-
Ilii a kɛ leŋ ya gɔlɔŋ a gɛɛ Ziova a pai gbɛtɛ sãa kelee ‘lii laai’?
NUA TAŊA DA MO DIYƐƐI: “A kɛ ku kelee kwa tii kɛ gie ma, kwa pɔri mɛni-kpɔlu-ŋai kelee ŋeniɛi sui kperai.”
-
Mɛni-kpɔlu-ŋa kɛɛ leŋ ɓe Ɣala Ŋɔkaloŋ-laai a pɔri gberai, nyii nuu-kpune gɔmɛti fa pɔri gberai?
MƐNI-ŊUŊ-ŊAI YAA MAA-KƆRII
Ɣala Ŋɔkaloŋ-laai a pai gbɛtɛ-mɛni ŋaa-see kɛi. A pai nɔii kɛi a paredai ɓɛi woo-mɛni-ɓela da pai kɛi naa dikɛ Ziova fɛli wɔlɔ-wɔlɔ da wɔlɔ-wɔlɔ.
Gili-too-ŋa mare-kɛɛ-ŋai
-
Ɣala Ŋɔkaloŋ-laai a pai Ziova laa maa waai leŋ?
-
Le mɛni ɓe kwa pɔri laai la a gɛɛ Ɣala Ŋɔkaloŋ-laai a pai gono-tee-ŋai Ŋala-kɔlɔi sui ŋaa-see kɛi?
-
Mɛnii-ŋai Galoŋ-laai a pai gɛi, nenɛ kpɔ ɓe iŋɛi kaa berei?
MƐNI TAKPƐNI-ŊA MAA-KƆRI
Amagidɔŋ sukulai kaa.
Zisɛ a kɛ a Kaloŋ goraŋ wala tɔnɔi (1,000) mɛni ma, mɛni-ŋai kaa pai kɛi goraŋ-ŋai ti yee mu da gbɛɛ-ŋai.
Berei kaa kaayɔɔ su-ɓela da pɔri dikili-ŋa siai la e pilaŋ tãi ma da pai kɛi la dikie ma paredai.
Mɛni-pelei “Mare-kɛɛ Tamaa A Kaa Nii Sɛlɛŋ” su, berei kaa naloŋ ta nyii kɛ a dɔɔ gɔmɛti-ɓela diai e mɛnii e kɛ gɔrii kaa lai.
“Ŋala-kɔlɔi A Nua Dikɛ-ɣeniɛi Maa Faleŋ” (Nyeŋkeŋ, Gɔlɛ-ɣaloŋ-leei 1, 2012)
