UMBUESÁ 33
Maã Deus Reino usú kurí umuñhã?
Deus Reino umundúwana uikú iwaka kití. Kuaírantuwana aé usú umupuranga pañhe maã kuá mundo upé. Yasú yamaã yepeyepé maã purangawaá Deus Reino usú kurí umuñhã.
1. Mayé Deus Reino usú kurí umusatambika pañhe maã iwí upé asuí umuñhã yaikú yepewasú?
Jesus, mayé Rei Deus Reino upé, usú umukañhemu mira puxiwerawaitá asuí apigaitá governo yepé guerra upé iserawaá Armagedom. (Apokalipse 16:14, 16) Usasá ramé kuayé, kuá Bíblia promessa usú uyumuñhã: “Kuayentuana, ti arama yamaã puxiwerawaitá.” (Salmuitá 37:10) Deus Reino rupí, Jesus usú kurí umusatambika pañhe maã iwí upé asuí usú umuñhã miraitá ta uikú yepewasú. — Releri Izaía 11:4.
2. Mayé yasú yaviveri mairamé Deus umuñhã ivontade iké iwí upé?
Remanduári kuá mundo upé añhũ mira purangawaitá irum asuí satambika, mamé pañhe awá usaisú Jeová asuí amú miraitá! Yaweté usú usasá Deus Reino ugovernariwaá upé, ñhãsé “purangawaitá ta usú kurí ta urikú kuá iwí asuí ta usú ta uviveri iké pañhe ara”. (Salmo 37:29) Ne mairamé yasú kurí yané masí, asuí pañhe yandé yasú yaviveri pañhe ara.
3. Maã Deus Reino usú kurí umuñhã umukañhemu riré puxiwerawaitá?
Umukañhemu riré puxiwerawaitá, Jesus usú ugovernari mil akayú pura. Kuá tempo pukusá, aé asuí 144 mil miraitá ta usuwaá ta ugovernari irum ta usú ta uyuka miraitá suí ta pecado. Kuá mil ipausá akayú upé, pañhe kuá iwí usú upitá yepé paraíso. Pañhe miraitá ta usú kurí ta uikú surí ñhãsé ta usú ta usendú Deus lei. Jesus usú umuyuíri Reino ipaya Jeová supé. Deus Reino usú kurí ‘uyusí’ Jeová rera. (Mateu 6:9, 10) Pañhe awá usú ukuá supí Jeová aé yepé Ruixawa uyupreocupariwaá miraitá rupí. Ape Jeová usú umukañhemu Yurupari, demônioitá asuí pañhe awá upitawaá kurí Deus governo ruaxá. (Apokalipse 20:7-10) Deus Reino iwirupí yasú yaviveri masiíma asuí satambika pañhe ara.
REYUMBUÉ PIRI ARAMA
Remaã marã yapoderi yaruyari Deus usú usari Reino uyumuñhã arama pañhe maã Bíblia uprometeriwaá yané rundé kití.
4. Deus Reino usú umukañhemu miraitá governo
Bíblia umbeu “apigá umundú apigaitá resé umuñhã arama puxiwera aintá supé”. (Eclesiaste 8:9) Jeová usú usari Reino umbawa arama tiwaá satambika irum.
Peleri Daniel 2:44 asuí 2 Tesalonikawaraitá 1:6-8. Ariré pekuntari kuá resé:
-
Maã Jeová asuí Jesus ta usú ta umuñhã miraitá governo irum asuí awaitá irum ta uapoiariwaá aintá?
-
Remanduári ramé Jeová asuí Jesus rikusá resé, marã repoderi reruyari aintá ta usú kurí ta ujulgari satambika?
5. Jesus aé yepé Rei satambikawaá
Jesus mayé Rei Deus Reino upé, usú umuñhã siya maã purangawaá uajudari arama miraitá iwí upé. Pemaã kuá VÍDEO. Kuá vídeo umukameẽ Jesus uputari uajudari miraitá asuí Deus umeẽ kirimbasá ixupé umuñhã arama kuayé.
Jesus uikú ramé kuera iwí upé umuñhã siya maã uxariwaá yakuá maã kurí usú umuñhã mayé Rei Deus Reino upé. Maã purangawaá uikuwaá iké reputari retana remaã uyumuñhã? Peleri kuá versículoitá ta ukuntariwaá xinga kuá maã purangawaitá resé.
UIKÚ RAMÉ KUERA IWÍ UPÉ, JESUS . . . |
IWAKA SUÍ, JESUS USÚ . . . |
---|---|
|
|
|
|
|
|
|
|
6. Deus Reino usú kurí umeẽ purangawaá yané rundé kití
Deus Reino usú umeẽ miraitá supé vida purangawaá mayeté Jeová uputariwaá kuxiíma suíwara. Miraitá ta usú kurí ta uviveri pañhe ara yepé paraíso upé iketé iwí upé. Remaã kuá VÍDEO rekuá arama mayé Jeová usú umuñhã ivontade iké iwí upé Jesus rupí.
Peleri Salmuitá 145:16. Ariré pekuntari kuá resé:
-
Mayé indé reyusaã rekuá resewara Jeová usú ‘umeẽ pañhe miraitá supé maã ta ugustariwaá’?
YEPEYEPÉ MIRAITÁ TA UMBEU: “Sá muíri mira umuñhã purangawaá, tiã yasú yasasá iwasuwaá rupí kuá mundo upé.”
-
Maã iwasuwaá miraitá governo ti ta upoderi ta umukaturu, Deus Reino usú umukaturu?
MAÃ REYUMBUÉ
Deus Reino usú umuñhã pañhe maã Deus uputari uyumuñhã arama. Asuí usú umuyeréu kuá iwí mayé yepé paraíso, mamé mira purangawaitá ta usú ta uadorari Jeová pañhe ara.
Remanduári arama
-
Mayé Deus Reino usú uyusí Jeová rera?
-
Marã yapoderi yaruyari Deus Reino usú umuñhã pañhe Bíblia promessa ta uyumuñhã?
-
Mayewaá Deus Reino promessa purangawaá reputari piri uyumuñhã arama?
REPUTARI SERÁ REKUÁ PIRI?
Rekuá arama maã kuá Armagedom.
Releri maã usú kurí usasá mairamé Jesus ugovernari mil akayú pura. Releri yuíri maã usú usasá kuá mil akayú riré.
“Maã usú kurí usasá Julgamento ara ramé?” (A Sentinela, 1.º de setembro de 2012)
Remaã mayé anamaitá ta upoderi ta umanduári mayé aintá ta usú ta uviveri paraíso upé.
Kuá assunto upé: “Aputari akuá siya maã resé”, remaã mayé yepé apigá upitawaá política ruaxá uwasemu maã usikariwaá ukuá.
“Bíblia utrocari miraitá vida” (A Sentinela, 1.º de janeiro de 2012)