PES 34
Lelaa di nla éba le di gwés Yéhôva?
Ibôdôl nu u nigil Bibel, baa u nôgda le u nkônde kôôge bebee ni Djob? Baa u nsômbôl kônde lédés liwanda joñ ni nye? Ibale hala, bigda le kiki Yéhôva a nke ni bisu i tehe gwéha yoñ ipañ yé i nañ, hala ki nyen a ga ke ni bisu i gwés we ni i yoñ ndun ni we. Lelaa u nla éba Djob le u ngwés nye?
1. Lelaa di nla éba Yéhôva le di ngwés nye?
Di nla éba Yéhôva le di ngwés nye i ngéda di nôgôl nye. (Añ 1 Yôhanes 5:3.) A nyégsa bé mut to wada i nôgôl nye. Maselna ni hala, a nti hiki wada wés pôla i pohol ibale a ga nôgôl nye tole heeni. Inyuki? Yéhôva a nsômbôl le di unda “manôgla ma nlôl i ñem.” (Rôma 6:17) Hala a nkobla le a nsômbôl le u nôgôl nye inyule u ngwés nye, he bé inyule mut a nyégsa we. U nla éba Yéhôva le u ngwés nye i ngéda u mboñ i mam a ngwés, u tjélék boñ i mam a ñoo. Maboñ 3 ni 4 ma kaat ini ma ga hôla we.
2. Inyuki hala a nla ba nledek jam i unda Yéhôva le di ngwés nye?
“Mut a téé sép a gwé ngandak manoodana.” (Tjémbi 34:19) Bésbobasôna di njo sañ ikeñi ni libak jés li kwéha. Di mboma ki mam kiki liyep, ngitelepsép, ni mandutu mape. I ngéda di mboma mandutu ma, i ta i ba bé jam li ntomb i boñ i mam Yéhôva a mbat bés inyule libak jés li kwéha li ntinde bés i boñ béba. Ndi, mu mangéda ma, ibale u nke ni bisu i nôgôl Yéhôva, u ga éba nye le u ngwés nye iloo mam momasôna. U ga éba ki le u ntéñbe i gwés nye. Yak nye a ga téñbe i gwés we. Kekikel, a ga tjôô bé we.—Añ Tjémbi 4:3.
KÔNDE TÉM
Béñge inyuki manôgla moñ ma nkônha Yéhôva maséé, ni kii i nla hôla we i ke ni bisu i nôgôl nye.
3. Umbe nsohi Satan a ñôm we
Ikété kaat Hiôb, Satan a ñôm Hiôb nsohi, ndi, a ñôm yak babobasôna ba nsômbôl gwélél Yéhôva nsohi. Añ Hiôb 1:1, 6–2:10, i mbus, ni kwélél mambadga mana:
-
Satan a bi kal le Hiôb a bé nôgôl Yéhôva inyuki?—Béñge Hiôb 1:9-11.
-
Umbe nsohi Satan a ñôm bôt bobasôna?—Béñge Hiôb 2:4.
Añ Hiôb 27:5b, i mbus, ni kwélél mbadga ini:
-
Lelaa Hiôb a bi unda le a ngwés toi Yéhôva?
4. Kônha Yéhôva maséé
Añ Bingéngén 27:11, i mbus ni kwélél mambadga mana:
-
Ibale di ñunda le di gwé pék, di nôglak Yéhôva, kii a ga nôgda? Inyuki?
5. U nla ke ni bisu i gwés Yéhôva
I gwéha di gwé inyu Yéhôva i ntinde bés i añle bôt bape njee a yé. Ndéñbe yés i mboñ le di kee ni bisu i añal ñañ nlam to i ngéda hala a ntomb bé. Tuk VIDÉÔ, i mbus, ni kwélél mambadga mana.
-
Baa ngim mangéda, hala a nlédél we i añle bôt bape njee a yé Yéhôva?
-
Munu vidéô ini, kii i bi hôla Grayson i yémbél woñi wé?
Hala a ntomb i unda le u ngwés Yéhôva i ngéda u ngwés i mam a ngwés, u ook i mam a ñoo. Añ Tjémbi 97:10, i mbus ni kwélél mambadga mana:
-
Baa u nla sima ngim mam Yéhôva a ngwés? Baa u nla sima ngim mam Yéhôva a ñoo?
-
Lelaa di nla nigil i gwés loñge ni i oo béba?
6. I nôgôl Yéhôva i yé inyu nseñ wés
I nôgôl Yéhôva i yé loñge inyu yés ngéda yosôna. Añ Yésaya 48:17, 18, i mbus ni kwélél mambadga mana:
-
Baa di yé nkwoog nkaa le hiki ngéda Yéhôva a nyi kii i yé toi loñge inyu yés? Inyuki?
-
Ibôdôl nu u nigil mam inyu Yéhôva ikété Bibel, umbe nseñ u ma ôt?
BÔT BAPE BA NKAL LE: “I mam me mboñ ma tane bé Djob nseñ.”
-
Imbe pes kaat u nla gwélél inyu unda mut le maboñok més ma nla lémél Yéhôva tole ma nla unbaha nye?
I SEM KWEP
U nla éba Yéhôva le u ngwés nye i ngéda u nôgôl nye, yak i ngéda u nke ni bisu i gwés nye to u mboma mandutu.
Mambadga ma mbigda
-
Kii hihéga hi Hiôb hi niiga we?
-
Lelaa u nla éba le u ngwés Yéhôva?
-
Kii i ga hôla we i ke ni bisu i gwés Yéhôva?
KÔNDE YÉÑ
Nigil lelaa u nla ke ni bisu i gwés Yéhôva ni likoda.
Béñge kii ipe Satan a bi kal inyu ôm bôt ba binam nsohi.
“Hiôb a tiñi ni ñem wé maliga” (Bibel—Ñwin wé le kii? pes 6)
Yak boñge batitigi ba nla unda Yéhôva le ba ngwés nye.
Lelaa boñge batitigi ba nla éba Yéhôva le ba ngwés nye to ibale mawanda map ma suklu ma ntinde bo i boñ mam mabe?