¿Bʉa quĩcha ɓʉda ara caita ɓʉda Jeowame estudia ɓʉ eɗa Ãcõrẽ Beɗea? ¿Bʉa mãsa ara caita ɓa quĩrĩã ɓʉda Ãcõrẽme? Mãwã quĩcha ɓʉbʉrʉ, quĩrãnebadua Jeowaba unu ɓʉda bʉa o ɓʉra; maʉ̃ne bʉa bio quĩrĩã ɓʉbʉrʉ Ãcõrẽa, idjia mãsa quĩrĩãida bʉra idjaɓa bio wagaida. ¿Bʉa sãwã poya acʉbi ɓʉda bio quĩrĩã ɓʉda Ãcõrẽa?

1. ¿Sãwã acʉbi panʉda quĩrĩã panʉda Jeowara?

Ĩjã panʉne acʉbi panʉda quĩrĩã panʉda idjira (Leadua 1 Juaʉ̃ 5:3). Baribʉrʉ Ãcõrẽba õgo obicada ẽberãrãa ĩjãni carea. Maʉ̃ cãyãbara idjia iduaribi ɓʉda dadjiduɓa acʉbiɗida ĩjãnida wa ĩjãnaẽ́da. ¿Cãrẽ cãrẽã? Jeowaba quĩrĩã ɓʉ bẽrã dadji “soɗeba ĩjã o panʉ” (Romano 6:17). Jãʉ̃gʉba jara quĩrĩã ɓʉda idjia õgo obicada quĩrĩãi carea idjira, maʉ̃ cãyãbara idjia quĩrĩã ɓʉda dadjirãba quĩrĩã panʉda dadji soɗeba idjira. Dji 3 ẽsãricaɗebema idjaɓa 4 ẽsãricaɗebema naʉ̃gʉ libroɗe careba quĩrĩã ɓʉda bʉra acʉbi carea bio quĩrĩãida Jeowara. Ne umé beɗea ununida: oɗida Ãcõrẽba quĩrĩã ɓʉra idjaɓa oɗaẽ́da idjia quĩrĩãcara.

2. ¿Cãrẽã zarea ɓʉa dadjia quĩrĩã ɓʉ acʉbi carea Jeowaa?

“Jipa ɓeada zocãrã cadjirua mãwã panʉa” (Salmo 34:19). Jũmarãba ãdjiɗeba quĩchabadada poya ne cadjirua oɗida ãdjiduɓa, ãdji crĩchaɗeba. Eɗauɗe errara neẽ́ ɓʉda idjaɓa ne cadjirua mãwã panʉda. Beɗea dromara eropanʉne poya quĩchaɗida ĩjã oɗaẽ́da Jeowa quĩrĩã ɓʉra. Baribʉrʉ bʉa zarea trajaibʉrʉ Jeowa carea jãʉ̃ra acʉbi ɓʉda ne biada o ɓʉda ne awara o ɓʉ cãyãbara bio quĩrĩã ɓʉ bẽrã Jeowaa. Idjaɓa acʉbi ɓʉda jipa ɓaera idjime. Maʉ̃ carea idjia bʉra amecada idjaɓa bʉme araarebema ewariza ɓaida (Leadua Salmo 4:3).

4. Capipiabidua Jeowaa

Leaɗapeɗa Proverbios 27:11, beɗeaɗadua:

• ¿Sãwã quĩcha ɓʉda Jeowara bʉa ĩjã ɓʉda idjira idjaɓa bia osiɗe? ¿Cãrẽ cãrẽã?

 5. Bʉra poya jipa ɓaida Jeowame

6. Ĩjãida Jeowara dadjía sobiabi ɓʉda

Ĩjãida Jeowara biara ɓʉda dadjirã carea. Leaɗapeɗa Isaías 48:17, 18, beɗeaɗadua:

• Bʉmaarã, ¿Jeowaba cawa ɓʉda ne biara ɓʉda dadjirã carea? ¿Bʉa cãrẽã jãʉ̃ quĩcha ɓʉda?

• Bʉa cawasiɗe Ãcõrẽ Beɗea, ¿jãʉ̃ba bʉra sãwã careba ɓʉda ara namabe? Idjaɓa ¿sãwã careba ɓʉda cawai carea Jeowaa, dai Ãcõrẽ ara?

 JŨMA BEƊEAƊA

Bʉa acʉbi ɓʉda wãrã arada quĩrĩã ɓʉda Jeowara ĩjãbʉrʉɗe jũma idjia jara ɓʉra beɗea droma eroɓʉmĩna.

Cawaɗara

• ¿Cãrẽda jaradia ɓʉda Job nẽbʉrʉɗebemada?

• ¿Sãwã acʉbi ɓʉda bʉra wãrãda quĩrĩã ɓʉda Jeowara?

• ¿Cãrẽba poya carebaida bʉra jipa ɓamãrẽã Jeowame?