ODHEAI 34
Ami Jehovacho Mog Kortat Mhunn Koxem Dakhounk Zata?
Tumi Bible xikonk suru kela tednam thaun Jehova pasot tumcho mog vaddla astolo. Ani tumi zannant, jitlim tumi Jehovacho mog kortolim titlo Jehova Dev tumcho mog kortolo ani tumchi kallji ghetolo. Tor, ami Jehovacho mog kortat mhunn koxem dakhounk zata tem hea odheai-ant polloum-ia.
1. Jehovacho mog kortat mhunn ami koxim dakhoitolim?
Ami Jehova Devacheo adnea pallttat tednam tacho mog kortat mhunn dakhoitat. (1 Juanv 5:3 vachat.) Jehova Dev apleo adnea pallunk amcher dobhav ghalina. Tachea bodlek, ami tacheo adnea pallttolim vo na tem to amcher soddun dita. Ami ‘kallzantlean tacheo adnea pallʼlloleo’ taka zai. (Romkarank 6:17) Tor, ami Jehova Devacho mog kortat dekhun tacheo adnea pallunk zai. Jehovak manvota tem ami kortat ani taka manvona tem ami nakartat tednam tachea pasot aslolo amcho mog dison ietolo. Hem ami koxem korunk zata tem amkam hea pustokachea bhag 3 ani 4-ant pollounk mellttolem.
2. Jehovacheo adnea pallunk amkam kiteak kotthin zaunk xokta?
Jehovacheo adnea pallunk amkam sodanch sompem asona. Karonn Bible sangta: “Borea monxak upodre-koxtt astach.” (Stotr 34:19) Ami opurnn asat, ek-ek pavtti amcher onʼneai zata, poixeanchea unneponnak lagon amcher tras ieunk xoktat vo amcher her oddchonneo ieunk puro ani oxem zata tednam vaitt tem korunk amkam sompem disot. Punn oslea vellar pasun ami Jehovachea vatten choltat zalear ami tacho mog kortat ani taka visvaxi asat mhunn dakhoun ditat. Ami oxem kortat tednam, Jehova Dev amkam visvaxi ravtolo ani amkam kednanch soddcho na.—Stotr 4:3 vachat.
KHOLAIEN XIKAT
Ami Jehovacheo adnea pallttat tednam to kiteak khuxal zata ani tacheo adnea pallunk amkam koxi modot zatoli tem zannam zaum-ia.
3.Soitanan amcher ghatlolo arop
Bible-ant Job pustok vachlear, Soitanan Jobacher ani soglea munxancher koslo arop ghatla tem amkam vachunk melltta. Job 1:1, 6–2:10, vachun sokol dilʼlea prosnanche zobab zannam zaum-ia:
-
Job Devacheo adnea kiteak pallttalo mhunn Soitan-an sanglem?—Job 1:9-11 polloiat.
-
Soitanan tumcher ani soglea munxancher koslo arop ghatla?—Job 2:5 polloiat.
Job 23:11,12 vachun sokol dilʼlea prosnacho zobab zannam zaum-ia:
-
Joban apunn Jehovacho kallzant thaun mog korta mhunn koxem dakhoilem?
Jehovak visvaxi ravon Joban apunn Jehovacho mog korta mhunn dakhoilem
Ami Jehovak visvaxi ravtat tednam tacho mog kortat mhunn dakhoun ditat
4. Jehovachem kalliz khuxal korat
Mhonnʼnneo 27:11 vachun sokol dilʼlea prosnanche zobab zannam zaum-ia:
-
Tumi Jehovacheo adnea pallttat tednam taka koxem dista? Ani kiteak?
5. Ami Jehovak visvaxi ravonk zata
Ami Jehova Devacho mog kortat zalear ami tache vixim dusreank sangtolim. Oxem korunk kotthin zalear pasun ami fatti sorchimnant. VIDEO polloun sokol dilʼlea prosnanche zobab zannam zaum-ia.
-
Dusream lagim Jehova vixim ulounk tumkam kednam-i kotthin zalam kai?
-
Apli bhirant pois korunk Grayson-ak koxi modot zali?
Jehovak avoddtta tem kelear ani taka avoddna tem nakarlear ami taka visvaxi ravonk pavtolim. Stotr 97:10 vachun sokol dilʼlea prosnanche zobab zannam zaum-ia:
-
Tumi xikleant tea pormonnem Jehova Devak kitem avoddtta ani taka kitem avoddna?
-
Jehovak avoddtta tem korunk ani taka avoddna tem nakarunk tumkam koxi modot zatoli?
6. Jehovacheo adnea amcheach borea pasot asat
Ami Jehovacheo adnea pallttat tednam amkam faido zata. Izaias 48:17, 18 vachun sokol dilʼlea prosnanche zobab zannam zaum-ia:
-
Jehova amkam jem kitem sangta tem amchea boreak oxem tumkam dista? Kiteak?
-
Bible xikon ani Jehovacheo adnea pallun tumkam koso faido zala?
THODDO LOK MHUNNTTA: “Ami kitem-i kelear zata, Devak kainch forok poddona.”
-
Ami jem kitem kortat tantuntlean Jehova ek tor khuxal zata vo dukhi zata mhunn somzaunk tumi khoinchem vers uzar kortolim?
KITEM XIKLIM
Oddchonneo astat tednam pasun Jehovacheo adnea pallun ani taka visvaxi ravon ami tacho mog kortat mhunn dakhounk zata.
Porot Ugddas Korum-ia
-
Jobachea udharonnantlean tumi kitem xiklim?
-
Tumi Jehovacho mog kortat mhunn koxim dakhoitolim?
-
Jehovak visvaxi ravonk tumkam koxi modot zatoli?
ANIK SODHAT
Jehova Devak ani tachea songottnnek ami visvaxi koxem ravonk zata tem polloiat.
Soitanan munxancher koslo arop ghatla tem zannam zaiat.
“Job Aplem Promannikponn Samballtta” (Bible—Tumkam Koslo Sondhex Dita? bhag 6)
Lhan bhurgeamnim pasun Jehovak koso mog dakhounk zata tem polloiat.
Tornnatteancher sangateancho dobhav ieta tednam tim Jehovak koxim visvaxi ravonk xoktat tem polloiat.
Tumkam Hem-ui Avoddttolem
ZAITE PAVTT VINCHARLOLE PROSN
Jehovachim Sakxim Bible xikonk koxim modot kortat?
Jehovachea Sakxeamnim Bible xikonk ji funkott manddavoll kelʼli asa tantunt tumi Bible-achem khoinchem-i bhaxantor uzar korunk zata. Tumchea ghorcheank vo ixttank tumchea sangata Bible xikonk apounk fattim soronakat.
