ДӘРСА 34
Әм Ча Дькарьн Һʹьзкьрьна Хԝә Һьндава Йаһоԝа Бьдьнә Кʹьфше?
Тӧ тʹәхмин дьки ԝәки ньһа һʹьзкьрьна тә һьндава Йаһоԝа һе зедә буйә, нә кӧ чахе тә тʹәзә һинбуна Кʹьтеба Пироз дәстпекьр? Тӧ дьхԝази һәләԛәтийа хԝә тʹәви ԝи һе ԛәԝи ки? Һәрге әре, бир нәкә, ԝәки һʹьзкьрьна тә һьндава Йаһоԝа чьԛас мәзьн дьбә, һаԛас һе зедә әԝ тә һʹьз дькә у бона тә хәм дькә. Ле тӧ ча дькари бьди кʹьфше, ԝәки ԝи һʹьз дьки?
1. Әм ча Йаһоԝарʹа дьдьнә кʹьфше ԝәки ԝи һʹьз дькьн?
Әм чахе гӧрʹа Йаһоԝа дькьн, ӧса әм дьдьнә кʹьфше кӧ ԝи һʹьз дькьн (Бьхунә 1 Йуһʹәнна 5:3.) Әԝ зоре тʹӧ кәси накә ԝәки гӧрʹа ԝи бькьн. Ле дәԝсе әԝ мәщале дьдә мә һʹәмуйа, кӧ хԝәха сафи кьн, гӧрʹа ԝи бькьн йан на. Чьрʹа? Йаһоԝа дьхԝазә ԝәки әм «бь дьл у щан гӧрʹа» ԝи бькьн (Рʹомайи 6:17). Демәк әԝ дьхԝазә ԝәки тӧ гӧрʹа ԝи бьки нә кӧ жь борщдарийе, ле жь һʹьзкьрьне. Ве кʹьтебеда пʹаред 3 у 4 ԝе али тә бькьн, ԝәки һʹьзкьрьна хԝә Йаһоԝарʹа ӧса бьди кʹьфше, кӧ ԝан тьшта бьки, чь кӧ ԝи хԝәш те, у нәфрʹәт ки ԝан тьшта, чь кӧ әԝ нәфрʹәт дькә.
2. Чьрʹа дькарә чәтьн бә һʹьзкьрьна хԝә һьндава Йаһоԝа бьдьнә кʹьфше?
«Тәнгасийед йе рʹаст гәләк ьн» (Зәбур 34:19). Һʹәму мәрьв дьчәрчьрьн, чьмки гӧнәкʹар ьн. Һьм жи әм рʹасти чәтьнайед економики, нәрʹастийе у проблемед дьн тен. Гава әм рʹасти тәнгасийа тен, дьбәкә мәрʹа чәтьн ә гӧрʹа Йаһоԝа бькьн. Чьрʹа? Чьмки дькарә дьһа һеса бә тьштед нәрʹаст бькьн. Ле чахе тӧ бь амьни ԝан тьшта дьки, чь кӧ Йаһоԝа дьхԝазә, ӧса тӧ дьди кʹьфше ԝәки тӧ Хԝәде жь һәр тьшти зедәтьр һʹьз дьки. Бь ве йәке тӧ избат дьки, ԝәки тӧ ԝирʹа амьн и. У Хԝәде жи ԝе алийе хԝәда тәрʹа амьн бьминә у ԝе тʹӧ щар тә нәһелә (Бьхунә Зәбур 4:3.)
КʹУР ЛЕКОЛИН КӘ
Леколин кә кӧ чьрʹа гӧһдарикьрьна тә бона Йаһоԝа фәрз ә у пебьһʹәсә кӧ чь дькарә али тә бькә, ԝәки бькарьби ԝирʹа амьн бьмини.
3. Пьрса амьнийе кʹижан кӧ тә жи дькʹәвә
Ль гора кʹьтеба Ибо, Мире-щьна нә кӧ тʹәне Ибо нәһәԛ кьр, ле ӧса жи һʹәму хьзмәткʹаред Йаһоԝа. Бьхунә Ибо 1:1, 6–2:10, у паше ван пьрса шеԝьр кә:
-
Бь готьна Мире-щьна Ибо бона чь Йаһоԝарʹа хьзмәт дькьр? (Бьньһерʹә Ибо 1:9-11.)
-
Мире-щьна дәрһәԛа һʹәму мәрьва у ӧса жи дәрһәԛа тә чь гот? (Бьньһерʹә Ибо 2:4.)
Бьхунә Ибо 27:5б, у паше әве пьрсе шеԝьр кә:
-
Ибо ча избат кьр кӧ әԝ бь рʹасти Йаһоԝа һʹьз дькә?
Ибо һʹьзкьрьна хԝә Йаһоԝарʹа бь ве йәке да кʹьфше, кӧ ԝирʹа амьн ма
Әм һʹьзкьрьна хԝә Йаһоԝарʹа бь ве йәке дьдьн кʹьфше, кӧ ԝирʹа амьн дьминьн
4. Дьле Йаһоԝа ша кә
Бьхунә Мәтʹәлок 27:11, у паше әве пьрсе шеԝьр кә:
-
Йаһоԝа чь сәр хԝә тʹәхмин дькә, чахе тӧ бь билани сафикьрьна дьки у гӧрʹа ԝида ни? Шьровәкә.
5. Тӧ дькари Йаһоԝарʹа амьн би
Һʹьзкьрьна мә һьндава Йаһоԝа мә һелан дькә, ԝәки дәрһәԛа ԝи мәрьварʹа гьли кьн. Ле амьни али мә дькә ԝәки ве йәке бькьн һәла һьнге жи, гава мәрʹа чәтьн ә. Вехә ВИДЕО, у паше ван пьрса шеԝьр кә:
-
Ԛә ӧса буйә кӧ тәрʹа чәтьн бә мәрьварʹа дәрһәԛа Йаһоԝа гьли ки?
-
Ве видеойеда ча мә дит, чь али Грейсон кьр, ԝәки тьрса хԝә бьдә һьлдане?
Чахе әм ԝан тьшта һʹьз дькьн кʹижан кӧ Йаһоԝа хԝәш тен у ԝан тьшта нәфрʹәт дькьн кʹижана әԝ нәфрʹәт дькә, ӧса мәрʹа дьһа һеса йә Йаһоԝарʹа амьн бьминьн. Бьхунә Зәбур 97:10, у паше ван пьрса шеԝьр кә:
-
Чаԝа кӧ тӧ пеһʹәсийайи, кʹижан ьн һьнә тьшт, кӧ Хԝәде һʹьз дькә? Ле кʹижан ьн һьнә тьшт, кӧ Хԝәде нәфрʹәт дькә?
-
Тӧ ча дькари һин би тьштед баш һʹьз бьки, ле йед хьраб нәфрʹәт ки?
6. Әм кʹаре дьстиньн чахе гӧрʹа Йаһоԝа дькьн
Чахе әм гӧрʹа Йаһоԝа дькьн, әм тʹьме кʹарәкә лапә баш дьстиньн. Бьхунә Ишайа 48:17, 18, у паше әве пьрсе шеԝьр кә:
-
Ча тӧ дьфькьри, әм дькарьн баԝәр бьн, кӧ Йаһоԝа тʹьме занә чь бона мә лапә баш ә? Шьровәкә.
-
Һинбуна Кʹьтеба Пироз у занәбуна дәрһәԛа Йаһоԝа чь кʹар тәрʹа анинә?
ҺЬНӘ МӘРЬВ ДЬБЕЖЬН: «Хԝәдерʹа йәк ә әз чь дькьм чь накьм.»
-
Тӧ кʹижан рʹезе дькари бьди хәбате ԝәки нишан ки, кӧ кьред мә дькарьн йан дьле Хԝәде ша кьн йан жи бешиньн?
ТʹӘМАМКЬРЬН
Тӧ дькари һʹьзкьрьна хԝә Йаһоԝарʹа бьди кʹьфше бь ԝе йәке, кӧ гӧрʹа ԝи бьки у чәтьнайада жи жерʹа амьн бьмини.
Ԝәкʹьландьн
-
Тӧ жь дәрәща Ибо чь һин буйи?
-
Тӧйе ча амьнийа хԝә Йаһоԝарʹа избат ки?
-
Чь ԝе али тә бькә, ԝәки Йаһоԝарʹа амьн бьмини?
ҺЕ ЗЕДӘ ПЕБЬҺʹӘСӘ
Пебьһʹәсә кӧ ча тӧ дькари Йаһоԝарʹа у ӧса жи щьватерʹа амьн би.
Һе зедә пебьһʹәсә кӧ Мире-щьна чь бӧхдан авитә һʹәму мәрьва.
«Ибо беԛӧсуртийа хԝә, хԝәй дькә» («Кʹьтеба Пироз Чь Әʹлами Мә Дькә?» сәре 6)
Пебьһʹәсә кӧ ча щаһьл жи дькарьн һʹьзкьрьна хԝә Йаһоԝарʹа бьдьнә кʹьфше.
Ча йе щаһьл дькарә бь амьни хԝә ль Йаһоԝа бьгьрә һьнге жи, гава кәсәк зоре ԝи дькә, кӧ тьштәки нәрʹаст бькә?
Дьбәкә Wәрʹа Һʹәwас бә
ПЬРСЕД ГӘЛӘК МӘРИЙА
Чь Те Һʹәсабе Курса Һинбуна Кʹьтеба Пироз Тʹәви Шәʹдед Йаһоԝа?
Ԝәʹде курса бепʹәрә тʹәви Шәʹдед Йаһоԝа, тӧ дькари ве ԝәлгәрʹандьна Кʹьтеба Пироз бьди хәбате кʹижан тӧ дьхԝази. Тӧ дькари аза нәфәр у һәвалед хԝә жи тʹәглифи сәр һинбуне ки.
