ہُن توانوں پاک کلام توں تلیم حاصل کردے ہوئیاں کجھ وقت ہو گیا اے۔ کیہہ توانوں لگدا اے کہ ہُن تُسی یہوواہ خدا دے ہور نیڑے آ گئے او؟ کیہہ تُسی اوہدے نال اپنی دوستی نُوں ہور مضبوط کرنا چاہندے او؟ جے ہاں تے یقین منو کہ یہوواہ وی ایس گل توں خوش اے تے توانوں بوہت زیادہ پیار کردا اے۔ تُسی یہوواہ نُوں کیویں وکھا سکدے او کہ تُسی وی اوہنوں بوہت پیار کردے او؟‏

1.‏ اَسی کیویں ظاہر کرسکنے آں کہ اَسی یہوواہ نُوں پیار کرنے آں؟‏

اَسی یہوواہ دے حکم من کے ایہہ ظاہر کرنے آں کہ اَسی اوہنوں پیار کرنے آں۔ (‏1-‏یوحنا 5:‏3 نُوں پڑھو۔)‏ اوہ اپنی گل منن تے کسے نُوں مجبور نئیں کردا۔ اوہنے ہر انسان نُوں ایہہ موقع دِتا اے کہ اوہ آپ اوہدے حکماں مطابق چلن دا فیصلہ کرے۔ اوہ چاہندا اے کہ اَسی دلوں اوہدے فرمانبردار رہیے۔‏ (‏رومیوں 6:‏17‏)‏ اوہدی خواہش اے کہ اَسی کسے مجبوری نال نئیں سگوں پیار دی وجہ توں اوہدی مرضی تے چلیے۔ ایس کتاب دا تیجا تے چوتھا حصہ یہوواہ دی پسند تے ناپسند نُوں سمجھن چ تواڈی مدد کرے گا۔ تُسی سکھو گے کہ یہوواہ لئی اپنا پیار ظاہر کرن تے اوہنوں ناراض کرن والے کماں توں بچن لئی تُسی کیہہ کر سکدے او۔‏

2.‏ سانوں یہوواہ لئی پیار ظاہر کرنا مشکل کیوں لگ سکدا اے؟‏

پاک کلام چ دَسیا گیا اے کہ صادق دِیاں مصیبتاں بوہت ساریاں نیں۔‏ (‏زبور 34:‏19‏)‏ گُناہ‌گار ہون دی وجہ توں سانوں یہوواہ دی مرضی مطابق چلنا مشکل لگدا اے۔ نالے سانوں پیسے‌دھیلے دی تنگی، ناانصافی تے ایہو جہیاں ہور مشکلاں دا وی سامنا کرنا پیندا اے۔ مشکل ویلے چ یہوواہ دے حکماں مطابق چلنا سوکھا نئیں ہوندا۔ پر مشکلاں چ یہوواہ دا کہنا من کے اَسی ظاہر کرنے آں کہ اَسی اوہنوں بوہت پیار کرنے آں تے اوہدے وفادار رہنا چاہنے آں۔ ایہہ ویکھ کے یہوواہ وی ساڈے نال اپنا پیار نبھاندا اے تے سانوں کدی وی کلّا نئیں چھڈدا۔—‏زبور 4:‏3 نُوں پڑھو۔‏

4.‏ یہوواہ خدا دا دل خوش کرو

امثال 27:‏11 نُوں پڑھو تے فیر ایہناں سوالاں تے گل بات کرو:‏

• جدوں تُسی یہوواہ دا کہنا من کے سمجھ‌داری نال فیصلے کردے او تے یہوواہ نُوں کیہہ محسوس ہوندا اے؟ ایہدی کیہہ وجہ اے؟‏

 5.‏ تُسی ہر حال چ یہوواہ دے وفادار رہ سکدے او

6.‏ یہوواہ دا کہنا من کے ہمیشاں ساڈا بھلا ہوندا اے

یہوواہ دا کہنا من کے سانوں ہمیشاں فائدہ ای ہوندا اے۔ یسعیاہ 48:‏17، 18 نُوں پڑھو تے فیر ایہناں سوالاں تے گل بات کرو:‏

• کیہہ تُسی من دے او کہ یہوواہ ہمیشاں ساڈا بھلا چاہندا اے؟ تُسی ایہہ کیوں من دے او؟‏

• یہوواہ خدا بارے سکھن نال توانوں ہُن تک کیہہ فائدہ ہویا اے؟‏

 خلاصہ

تُسی یہوواہ دے حکم من کے تے مشکلاں چ وی اوہدے وفادار رہ کے ثابت کر سکدے او کہ تُسی اوہنوں پیار کردے او۔‏

دہرائی

• تُسی ایوب دی مثال توں کیہہ سکھیا اے؟‏

• تُسی ایہہ کیویں ثابت کرو گے کہ تُسی یہوواہ نُوں پیار کردے او؟‏

• تُسی کیہہ کر سکدے او تاکہ تُسی ہر معاملے چ یہوواہ دے وفادار رہوو؟‏