LECCIÓN 34
¿Nikʼwach ne inqakʼuhtaaj reh i Jehová chi inqaaj wach?
¿Inawikʼraaj na chi awamigo chik i Dios? ¿Inawaaj na chi reʼ awamigohiil ruukʼ ne inkowjik? Wilaʼ jeʼ reʼ, reʼ Jehová ne iril chi inawaaj wach eh reʼ reh ne woʼ iraaj awach eh ne tiruchaʼjeej. Raaj i hat, ¿nikʼwach ne inakʼuhtaaj reh i Jehová chi inawaaj wach?
1. ¿Nikʼwach ne inqakʼuhtaaj reh i Jehová chi inqaaj wach?
Inqakʼuhtaaj reh i qakʼaxooj noq inqanimaj (chawil 1 Juan 5:3). Xa reʼ laʼ, reʼ Jehová maʼ ajwach ta irumin reh chi ne innimanik. Iruyeew laʼ pan qaqʼabʼ chi ne inqachih mi naqanimam oon maʼchih. ¿Chaaj woʼ reet iruyeew qʼabʼ chi ne inqachih? Ruum chi reʼ Jehová iraaj chi reʼ hoj ne inqanimaj ruukʼ chuʼnchel i qánima (Romanos 6:17). Reʼ Jehová iraaj chi ne inanimaj ruum chi inawaaj wach eh maʼ ruum ta chi hat minooj chupaam. Reʼ taqeh roox eh taqeh rukaaj reh i huuj wilih ne tirutobʼeej reh chi ne inakʼuhtaaj akʼaxooj chi riij i Jehová, jeʼ rukabʼ noq inabʼan reʼ imponik chuwach eh noq maʼ inabʼan ta i irixowaaj wach.
2. ¿Chaaj woʼ reet kʼaxik chi qeh rukʼuhtjiik i qakʼaxooj chi riij i Jehová?
Ruum chi «reʼ korik wach rukʼux xiikʼ naah i tiʼ kʼaxik inchalik chinaah» (Salmo 34:19). Chi qunchelaal inqakʼaxkileej rubʼanariik i holohik. Eh xa naah wilik pech kʼaxik noq inreqarik i tumiin eh inbʼaan qeh i maʼ korik ta wach bʼanooj eh tokoom chik kʼaxkilal. Noq qojikʼik chupaam taqeh wilih, kʼaxik chi qeh rubʼanariik i imponik chuwach i Jehová. Eh mareh maʼ ne ta inqanimaj. Xa reʼ laʼ mi xakowej akʼux reh runimjiik i Jehová ne inakʼuhtaaj chi inawaaj wach ruukʼ chuʼnchel akʼux. Eh jeʼ reʼ inakʼuhtaaj chi korik wach akʼux ruukʼ eh reʼ reh maʼ jaruuj ne tirukanaaʼ (chawil Salmo 4:3).
CHATZʼIR RIIJ I KʼAHCHIʼ ATIJEM
Qil chaaj woʼ reet ko ruman chi ne inqanimaj i Jehová eh qil chajariik ne qojrutobʼeej reh chi korik wach qakʼux ruukʼ.
3. Reʼ ajYahm xuqʼor chi reʼ hat inanimaj i Dios ruum chi tirukuxisaj
Reʼ Santo Laj Huuj iruqʼor chi reʼ ajYahm xa maʼ reʼ ta chi riij i Job xuchuk qʼorik, xuchuk woʼ qʼorik chi riij taqeh kʼachareel reʼ inkaaj kiloqʼem i Jehová. Chawil taq i Job 1:1 eh 1:6-2:10, eh tiqʼoroq taq chi riij:
-
¿Chaaj woʼ reet xuqʼor i ajYahm chi reʼ Job xa tan chi raaj chi irunimaj i Jehová? (Chawil taq i Job 1:9-11).
-
¿Chajariik chi chukuj qʼorik iruqʼor i ajYahm chi kiij chuʼnchel taqeh kʼachareel eh chawiij i hat? (Chawil taq i Job 2:4).
Chawil taq i Job 27:5 pan rukuxiik eh tiqʼoroq taq chi riij:
-
¿Chajariik xuqʼor i Job reh rukʼuhtjiik chi iraaj naq wach i Jehová?
Ruum chi korik naq wach i rukʼux i Job xukʼuhtaaj chi iraaj wach i Jehová.
Mi reʼ hoj korik wach i qakʼux ne inqakʼuhtaaj chi inqaaj wach i Jehová.
4. Chasuqbʼisaj rukʼux i Jehová
Chawil taq i Proverbios 27:11 eh tiqʼoroq taq chi riij:
-
¿Nikʼwach irikʼraaj riibʼ i Jehová noq reʼ hat inanimaj eh inabʼan i holohik? ¿Chaaj woʼ reet jeʼ reʼ inaqʼor?
5. Ne irubʼan chi reʼ hat korik wach akʼux ruukʼ i Jehová
Ruum i kʼaxooj inqikʼraaj chi riij i Jehová qojqʼorik chi riij kuukʼ i tokoom. Eh ruum chi korik wach i qakʼux inqanimaj atoobʼ ta kʼaxik chi qeh rubʼanariik. Chawil taq i VIDEO eh tiqʼoroq taq chi riij:
-
¿Kʼaxik na chaweh qʼorik kuukʼ i tokoom chi riij i Jehová?
-
Jeʼ rukabʼ xqil pan video, ¿chajariik xubʼan i Grayson reh chi xelik i ruyoʼjiik?
Noq inqaaj wach i Jehová eh inqixowaaj wach i maʼ rukʼax ta wach, maʼ inqakʼaxkileej ta rukojariik qakʼux ruukʼ. Chawil taq i Salmo 97:10 eh tiqʼoroq taq chi riij:
-
Jeʼ rukabʼ i xatijej chik, ¿ahaʼ wilik taqeh naʼojbʼal imponik chuwach i Jehová? ¿Eh ahaʼ wilik taqeh naʼojbʼal irixowaaj wach?
-
Raaj i hat, ¿nikʼwach ne inatijej rukʼaxariik wach i holohik eh rixowjiik wach i maʼ holohik ta?
6. Runimjiik i Jehová atoobʼ chi qeh
Runimjiik i Jehová maʼxta reet chi qeh. Chawil taq Isaías 48:17, 18 eh tiqʼoroq taq chi riij:
-
¿Inaqʼor na i hat chi reʼ Jehová rehtʼal i atoobʼ chi qeh? ¿Chaaj woʼ reet jeʼ reʼ inaqʼor?
-
¿Nikʼwach hat rutobʼeem i tijinik chi riij i Santo Laj Huuj? Eh ¿Nikʼwach hat rutobʼeem reh runabʼjiik wach i Jehová?
REʼ INKIQʼOR I JUʼJUN: «Reʼ Dios maʼxta iraaj reh chajariik inubʼan».
-
¿Ahaʼ wilik i texto ne inakoj reh rukʼuhtjiik chi ruukʼ i qabʼanooj ne inqasuqbʼisaj oon ne inqatiʼbʼisaj rukʼux i Jehová?
KʼOLOQ PAN AKʼUX
Reʼ hat ne inakʼuhtaaj chi inawaaj wach i Jehová noq inanimaj eh noq korik wach akʼux ruukʼ atoobʼ ta tiʼikʼik pan kʼaxkilal.
Reʼ xkahnik pan akʼux
-
¿Chajariik inatijej chi riij i rukʼachariik i Job?
-
¿Nikʼwach ne inakʼuhtaaj akʼaxooj chi riij i Jehová?
-
¿Chajariik ne tirutobʼeej reh chi korik wach akʼux ruukʼ i Jehová?
CHAREQ RUMAN
Chanabʼeej nikʼwach ne inakʼuhtaaj chi korik wach akʼux ruukʼ i Jehová eh ruukʼ i molaabʼ.
Chanabʼeej kʼisinoq chik chi riij taqeh chukuj qʼorik xuqʼor i ajYahm.
«Reʼ Job xukʼuhtaaj chi korik wach i rukʼux» (La Biblia y su mensaje, sección 6)
Chawil chi reʼ taqeh halakʼun ne woʼ inkikʼuhtaaj chi inkaaj wach i Jehová.
¿Nikʼwach ne inkikʼuhtaaj taqeh kʼijool chi korik wach kikʼux ruukʼ i Dios noq kiminarik chi rubʼanariik i maʼ holohik ta?
¿Chajariik ne nabʼan reh chi maʼ ne ta tikimin chi rubʼanariik i maʼ holohik ta? (3:59)
Puede que también le interese
PAHQANIK CHI KIIJ TAQEH TESTIGO REH JEHOVÁ
¿Nikʼwach i tijinik chi riij i Santo Laj Huuj inkiyeew taqeh testigo reh Jehová?
Ruukʼ i tijinik inkiyeew taqeh testigo reh Jehová xa ahaʼ paʼ wilik i Santo Laj Huuj ne irubʼan chi ne nakoj. Jeʼ woʼ chik, ne irubʼan chi ne nayuqʼeej taqeh awas achaaq oon taqeh amigo inawaaj.
