LESOGNE 34
Akore ty Ampisehoantikagne tie Teantikagne ty Jehovah?
Tsapa’o vao tie vao mainke nihanarine an’Andrianagnahare rehe hatrake amy ze nianara’o Baiboly zay? Tea’o hihamafe vao ze finamagna’o ama’e zay? Tadidio areke fa naho fa vazoho i Jehovah tie tea’o reke, le vao mainke ho tea azo reke sady hikarakara azo. Akore ty hampisehoa’o tie tea’o reke?
1. Akore ty ampisehoantikagne tie teantikagne ty Jehovah?
Asehontika tie teantikagne ty Jehovah naho fa mankatò aze tikagne. (Vakio ty 1 Jaona 5:3.) Faie tsy manao foresé antikagne reke. Enga’e hifily ty tsikiraidraike tie hankatò aze ndra tsy hankatò aze. Ty anto’e, tea i Jehovah naho ‘mankatò amy ty fo’ tikagne. (Romanina 6:17) Ty dika izay, tea’e naho ty hatea’o aze ty ankatoava’o aze fa tsy tihoe sinere. Mampiseho ty hatea’o i Jehovah rehe naho manao ze raha tea’e sady magnalavitse ze raha heje’e. Hagnampe azo amy izay ty Fizaràgne faha-3 naho faha-4 amy ty boke toy.
2. Nagnino ro va’e ho sarotse ty mampiseho ty hateantikagne i Jehovah?
“Maro ty haorea ty ndaty maregne.” (Salamo 34:19) Sambe mialy mafe amy ty tsy fahavoririhagne tika iaby. Misy ty sahiragne ara-bola, ihara ty tsy rare’e, ndra ihara ty olagne hafa. Tsy mora amantikagne ty hanao ze raha ampanoe i Jehovah naho fa miatreke ireo tikagne. Ty tsy mankatò aze aza ro mora naho fa tratse ty raha hoe ireo tikagne. Faie naho manao ze raha ampanoe i Jehovah azo rehe, le izay ty ahatreavagne tie tena tea’o mandikoatse ty raha hafa reke. Izay ka ty ampisehoa’o fa tsy mivalike ama’e rehe. Ty voka’e, tsy hivalike ama’o ka reke sady tsy ombia hagnary azo.—Vakio ty Salamo 4:3.
ANDAO HANDINEKE TY PITSOPITSO’E
Hodinehentikagne ato tie, nagnino ro lahibey amy i Jehovah ty fankatoava’o aze sady ino ty hagnampe azo tsy hivalike ama’e.
3. Magnaratiraty azo ty Satana
Rehafegne amy ty boke i Joba ao tie niharatiratie i Satana ty Joba naho ze kila ndaty te hanompo i Jehovah. Vakio ty Joba 1:1, 6–2:10, sady iharò midineke ty fagnonteneagne retoa:
-
Ino ty anto’e nahavy i Joba nankatò i Jehovah hoe ty Satana?—Henteo ty Joba 1:9-11.
-
Magnaratiraty ze kila ndaty ty Satana, agnisa izay rehe. Ino hoe reke?—Henteo ty Joba 2:4.
Vakio ty Joba 27:5b, sady iharò midineke ty fagnonteneagne toy:
-
Akore ty nagnaporofoa i Joba fa tena tea’e ty Jehovah?
Naseho i Joba tie tea’e ty Jehovah, le tsy nivalike tama’e reke
Asehontikagne tie teantikagne ty Jehovah naho tsy mivalike ama’e tika
4. Ampifaleo ty arofo i Jehovah
Vakio ty Ohabolana 27:11, sady iharò midineke ty fagnonteneagne retoa:
-
Ino ty tsapa i Jehovah naho fa hendre rehe sady mankatò aze? Ino ty anto’e?
5. Ho vita’o ty tsy hivalike amy i Jehovah
Naho teantikagne ty Jehovah, le manjare te hirehake ty miomba aze amy ty hafa tika. Manao izay tika ndra tie tsy mora aza satria tsy mivalike ama’e. Alefaso i VIDEO oy, sady iharò midineke ty fagnonteneagne retoa.
-
Fa nisy fotoagne vao rehe nahatsapa tie, sarotse ama’o ty mirehake ty miomba i Jehovah amy ty hafa?
-
Arake i video teoy, ino ty nagnampe i Grayson tsy hatahotse?
Mora ty tsy mivalike amy i Jehovah naho teantikagne ze raha tea’e sady hejentikagne ze raha heje’e. Vakio ty Salamo 97:10, sady iharò midineke ty fagnonteneagne retoa:
-
Hatrake amy ze nianara’o zay, ino iaby ty raha tea i Jehovah? Sady ino iaby ty raha heje’e?
-
Ino ty hagnampe azo ho tea ty raha soa, le halaigne ty raha raty?
6. Mandrambe soa tika naho fa mankatò i Jehovah
Ty mankatò i Jehovah avao ro fara’e soa. Vakio ty Isaia 48:17, 18, sady iharò midineke ty fagnonteneagne retoa:
-
Naho ty heve’o, matoky vao rehe fa tena mahafantatse ze raha mahasoa antikagne ty Jehovah? Ino ty anto’e?
-
Ino ty soa nirambese’o naho fa nianatse ty miomba i Jehovah naho ty raha hafa amy Baiboly ao rehe?
MISY TY MIREHAKE FA: “Tsy ombia ho vitantikagne ty hampifale an’Andrianagnahare.”
-
Ino ty andinin-teny azo’o ampiasaegne mba hampisehoagne fa afake mampifale an’Andrianagnahare tikagne?
FAMINTIGNAGNE
Trea tie tea’o ty Jehovah naho mankatò aze sady tsy mivalike ama’e rehe ndra tie misy olagne aza.
Fameregnagne
-
Ino ty lesogne azo’o rambesegne boake amy i Joba?
-
Akore ty ampisehoa’o fa tena tea’o ty Jehovah?
-
Ino ty hagnampe azo tsy hivalike amy i Jehovah?
FAGNAZAVAGNE FAGNAMPE’E
Akore ty ampisehoa’o fa tsy mivalike amy i Jehovah naho amo o fiangonagneo rehe?
Ho trea’o ato ty fagnaratia i Satana ze kila ndaty.
“Tena Tsy Nivalike ty Joba” (Ino ty Rehafe ty Baiboly? fizaràgne 6)
Ndra o ajajao vao afake mampiseho tie tena tea’e ty Jehovah?
Ino ty hagnampe ty tanora tsy hivalike amy i Jehovah ndra tie mitarike aze hanao raty ty tanora hafa?
Va'e ho Tea'o Ka
FAGNONTENEAGNE FAPETRA O NDATIO
Inogne ty Atao Tihoe Fianaragne Baiboly?
Afake mampiasa ze Baiboly tea’o rehe naho fa mianatse Baiboly amy ty Vavolombelo i Jehovah. Maimaimpoagne i fianaragney sady afake taone’o hiarake hianatse ama’o ka ty keleia’o ndra ty ragne’o.
