SAMBIRO 34
Kasi Tingalongora Wuli Kuti Tikutemwa Yehova?
Kasi sono ndipo mukumutemwa chomene Chiuta kuluska apo mukambanga waka kusambira Baibolo? Kasi mungatemwa kuti mulutilire kukhozga ubwezi winu na Yehova? Manyani kuti para mukumutemwa chomene Yehova, nayo wamutemwaninge na kumupwelelerani. Kasi mungalongora wuli kuti mukumutemwa chomene Yehova?
1. Kasi tingalongora wuli kuti tikumutemwa chomene Yehova?
Tingalongora kuti tikumutemwa chomene Yehova para tikumupulikira na mtima wose. (Ŵazgani 1 Yohane 5:3.) Iyo wakuchichizga munthu yayi kuti wamupulikirenge. Yehova wali kupeleka wanangwa kwa munthu waliyose kuti wasankhe kumupulikira panji yayi. Chifukwa wuli? Yehova wakukhumba kuti timupulikirenge “kufumira pasi pa mtima.” (Ŵaroma 6:17) Iyo wakukhumba kuti mumupulikirenge mwadango waka yayi, kweni chifukwa chakuti mukumutemwa. Chigaŵa 3 na 4 cha buku ili, vimovwiraninge kumanya ivyo mungachita kuti mukondweske Yehova na kuleka kuchita vinthu ivyo vingamukwiyiska.
2. Chifukwa wuli chingaŵa chakusuzga kuti mumutemwenge Yehova?
“Masoka gha murunji nganandi.” (Salimo 34:19) Tose tikusuzgika chifukwa chakuti ndise ŵakwananga. Ndipo nyengo zinyake tikusuzgika chifukwa cha ukavu, vinthu vyambura urunji, na masuzgo ghanyake. Nyengo zinyake para tasangana na masuzgo chingaŵa chakusuzga kuti tichite ivyo Yehova wakukhumba. Vili nthena chifukwa ntchipusu chomene kuchita icho ntchambura kwenelera. Kweni para mukulutilira kuchita mwakugomezgeka vyose ivyo Yehova wakumuphalirani, mukulongora kuti mukumutemwa chomene kuluska chilichose kweniso kuti mukumugomezga chomene. Nakuti nayo wamugomezganinge chomene. Iyo wamutayaninge yayi napachoko.—Ŵazgani Salimo 4:3.
MANYANI VINANDI
Wonani chifukwa icho kugomezgeka kwa Yehova nkhwakuzirwa chomene, kweniso ivyo mungachita kuti mulutilire kugomezgeka kwa iyo.
3. Nkhani iyo namwe yikumukhwaskani
Kuyana na ivyo vili kulembeka mu buku la Yobu, Satana wakanenanga Yobu pera yayi, kweni wakanenangaso waliyose uyo wakukhumba kuteŵetera Yehova. Ŵazgani Yobu 1:1, 6–2:10, kufuma apo dumbiskanani mafumbo agha:
-
Kasi Satana wakati chifukwa wuli Yobu wakapulikiranga Yehova?—Wonani Yobu 1:9-11.
-
Kasi Satana wakati ŵanthu wose, na imwe wuwo, ŵakuchita vichi?—Wonani Yobu 2:4.
Ŵazgani Yobu 27:5b, kufuma apo dumbiskanani fumbo ili:
-
Kasi Yobu wakalongora wuli kuti wakatemwanga chomene Yehova?
Yobu wakalutilira kugomezgeka kwa Yehova chifukwa chakuti wakamutemwanga chomene
Tikulongora kuti tikumutemwa chomene Yehova para tikugomezgeka kwa iyo
4. Kondweskani mtima wa Yehova
Ŵazgani Zintharika 27:11, kufuma apo dumbiskanani mafumbo agha:
-
Kasi Yehova wakujipulika wuli para tikuŵa ŵavinjeru na kumupulikira? Chifukwa wuli?
5. Mungagomezgeka kwa Yehova
Tikuphalirako ŵanyithu vyakukhwaskana na Yehova chifukwa chakuti tikumutemwa chomene. Chifukwa chakuti tikumutemwa, tikulutilira kugomezgeka kwa iyo nanga chingaŵa chakusuzga kuchita nthena. Wonelerani VIDIYO, kufuma apo dumbiskanani mafumbo agha.
-
Kasi vikumusuzgani kuphalirako ŵanyinu vyakukhwaskana na Yehova?
-
Kuyana na ivyo mwawona mu vidiyo, kasi ntchivichi chikawovwira Grayson kuti wamazge wofi?
Para tikutemwa ivyo Yehova wakutemwa na kutinkha ivyo wakutinkha, chiŵenge chipusu kugomezgeka kwa iyo. Ŵazgani Salimo 97:10, kufuma apo dumbiskanani mafumbo agha:
-
Kuyana na ivyo mwasambira, kasi ni vinthu wuli vinyake ivyo Yehova wakutemwa? Kasi ni vinthu wuli vinyake ivyo wakutinkha?
-
Kasi mungachita wuli kuti mutemwenge icho ntchiwemi na kutinkha icho ntchiheni?
6. Tikutumbikika para tikupulikira Yehova
Kupulikira Yehova ndicho ntchakuzirwa chomene. Ŵazgani Yesaya 48:17, 18, kufuma apo dumbiskanani mafumbo agha:
-
Kasi mukuwona kuti ntchakwenelera kugomezga kuti Yehova wakumanya icho ntchiwemi kwa ise nyengo zose? Chifukwa wuli?
-
Kasi kusambira Baibolo na unenesko wakuyowoya vya Yehova kwamovwirani wuli?
IVYO ŴANYAKE ŴAKUYOWOYA: “Chiuta walije navyo ntchito ivyo nkhuchita.”
-
Kasi mungajura lemba wuli ilo likulongora kuti ivyo tikuchita vikumukhwaska chomene Yehova?
MWAKUDUMURA
Mungalongora kuti mukumutemwa chomene Yehova para mukumupulikira na kugomezgeka kwa iyo nanga chingaŵa chakusuzga kuchita nthena.
Kuweleramo
-
Kasi mwasambirako vichi kwa Yobu?
-
Kasi mungalongora wuli kuti mukumutemwa Yehova?
-
Kasi ntchivichi chingamovwirani kuti mulutilire kugomezgeka kwa Yehova?
SANGANI FUNDO ZAKUSAZGIKIRA
Wonani ivyo vingamovwirani kuti mugomezgekenge kwa Yehova kweniso ku mpingo.
Wonani ivyo Satana wakayowoya vyakukhwaskana na ŵanthu.
“Yobu Wakulutilira na Kunyoloka Kwake” (Kasi mu Baibolo Muli Uthenga Wuli? chigaŵa 6)
Wonani umo ŵana nawo ŵangalongolera kuti ŵakutemwa Yehova.
Kasi ŵawukirano ŵangachita wuli kuti ŵalutilire kugomezgeka kwa Yehova para ŵanyawo ŵakuŵachichizga kuchita vinthu viheni?
Panji Mungatemwa Kuŵerengaso Nkhani Izi
IVYO ŴANTHU ŴAKUTEMWA KUFUMBA
Kasi Kosi ya Kusambira Baibolo ya Ŵakaboni ŵa Yehova Ni Vichi?
Apo mukusambira Baibolo munthowa yakudumbiskana na Ŵakaboni ŵa Yehova, mungagwiliskira ntchito Baibolo lililose ilo mwakhumba. Fwatukani kuchemerako banja linu panji ŵabwezi ŵinu.
