ENUKPLAKPLA 35

Lé mìawɛ asɔnɔ gbeta nywiwo

Xui

Mì pleŋ yí sɔnɔ gbetawo. Gbeta sugbɔtɔ atɛnŋ awa nywi nɔ mì alo adahɛn nu le mì nu. Woatɛnŋ adahɛn exlɔ ci mìnyi koɖo Yehowa alo adrɛ do. Le kpɔwɛ mɛ, mìatɛnŋ asɔ gbeta so fini mìanɔ nu, lé mìawɛ akpɔ ho azannɔ, alo mɔ mìalé alɔ. Nɔ mìsɔnɔ gbeta nywiwoɔ, mìatɛnŋ akpɔnɔ jijɔ le agbe mɛ yí mìwo nu akpe nɔ Yehowa.

1. Lé Bibla atɛnŋ akpedo eo nu do yí nasɔnɔ gbeta nywiwoɔ?

Gbɔxwe àsɔ gbeta ɖeɔ, do gbe ɖaɖa nɔ Yehowa yí agbeje Bibla mɛ keŋ akpɔ susu ci Yehowa ɖo do nyɔ lɔ nu. (Hlɛn Elododo Wema 2:3-6.) Le nɔnɔmɛ ɖewo mɛɔ, Yehowa donɔ ese ɖe koŋ. Nɔ ele ahan ɔ, gbeta nywitɔ ci àtɛnŋ asɔ yí nyi mɔ, nawa do ese lɔ ji.

Vɔ nɔ Bibla dedo ese ɖe koŋ le nɔnɔmɛ ɖe mɛ ɖe, le àwɛ doɔ? Nɔ ele ahan can ɔ, Yehowa adasɛ mɔ nɔ eo “to emɔ ci ji èɖo ato.” (Ezai 48:17, NWT) Lé awɛ doɔ? Gɔnmɛɖose ɖewo tɛnŋ li ciwo yí adasɛ mɔ nɔ eo. Bibla gɔnmɛɖosewo nyi nyɔnɔnwi vevi ciwo yí danasɛ susu koɖo seselelanmɛ ciwo Mawu ɖo do ŋɖe nu. Blaŋblaŋ ɔ, mìkpɔnɔ lé ewanɔ nɔ Mawu so ŋɖe nu nɔ mìhlɛn exolɔlɔ ɖe le Bibla mɛ. Nɔ mìdo jeshi lé Yehowa se le yiɖeki mɛɔ, mìatɛnŋ asɔ gbeta ci yí akpe ni.

2. Nyiwo nu èɖo abu tamɛ kpɔ so gbɔxwe asɔ gbeta ɖeɔ?

Bibla mɔ: “Ŋununyatɔ do ʒinxo yí butamɛ so enushanu nu.” (Elododo Wema 14:15) Edasɛ mɔ gbɔxwe mìasɔ gbeta ɖeɔ, mìɖo aji gamɛ yí abu tamɛ kpɔ so mìwo cancanwo nu. Nɔ ègbejekɔ akpaxwe ɖeshiaɖe mɛ kpɔɔ, biɔ eɔɖeki se mɔ: ‘Bibla gɔnmɛɖose ci yí kuso nuɔ? Gbeta ci yí ana nakpɔ fafa le susu mɛɔ? Lé anyi gbetasɔsɔ lɔ akpɔ ŋsɛn do mɛbuwo ji doɔ? Vevitɔ lɔ ɖe, ado jijɔ nɔ Yehowaa?’—2 Ese Wema 32:29.

Yehowa yí ɖo acɛ anu enu ci yí nyɔ koɖo enu ci yí dɔn nɔ mì. Nɔ mìvajeshi yi sewo koɖo gɔnmɛɖosewo nywiɖe, yí ɖui gligaan mɔ mìawa do wo jiɔ, anyi mìnakɔ kpla ayexadohwɛnamɛnu mìwotɔ. Ayexadohwɛnamɛnu nyi enu ci yí nunɔ nɔ mì mɔ ŋɖe nyɔ alo edɔn. (Rɔmatɔwo 2:14, 15) Ayexadohwɛnamɛnu ci mìna kpla akpedo mì nu mìasɔnɔ gbeta nywiwo.

JI DWI NI KPƆ DOJI

Wa ɖaŋ akpla lé Bibla gɔnmɛɖosewo koɖo ayexadohwɛnamɛnu kpenɔdo mì nu le gbetawo sɔsɔ mɛ do.

3. Lɔn nɔ Bibla adasɛ mɔ nɔ eo

Lé Bibla gɔnmɛɖosewo atɛnŋ adasɛ mɔ nɔ mì le gbetawo sɔsɔ mɛ doɔ? Xo VIDEO lɔ, keŋ agbeje nyɔbiɔse ciwo yí gbɔgbɔ mɛ.

VIDEO: Gɔnmɛɖose ciwo yí le Bibla mɛ le danasɛ mɔ nɔ eo (5:54)

Nyi yí nyi amɛɖekishinɔnɔblɔɖeɔ?
Nyi yí taɖo Yehowa na amɛɖekishinɔnɔblɔɖe mìɔ?
Nyi ena mì ci yí akpedo mì nu mìazan amɛɖekishinɔnɔblɔɖe lɔ nywiɖeɔ?

Nɔ àkpɔ Bibla gɔnmɛɖose kpɔwɛ ɖekaɔ, hlɛn Efezitɔwo 5:15, 16. Gbeje lé àwɛ “a nya gamɛ zanzan” keŋ . . .

ahlɛnnɔ Bibla blaŋblaŋ.
anyi asu alo ashi nywi, jila nywi alo evi nywi.
ayinɔ hamɛ bɔbɔwo.

4. Na kpla ayexadohwɛnamɛnu aotɔ keŋ asɔnɔ gbeta nywiwo

Nɔ Bibla do ese so ŋɖe nu koŋ ɔ, gbeta nywitɔ sɔsɔ tɛnŋ le fafɛɖe. Vɔ nɔ Bibla dedo ese ɖekɛ so nu ɖe? Xo VIDEO lɔ, keŋ agbeje biɔse ci yí gbɔgbɔ mɛ.

VIDEO: “Ðo ayexadohwɛnamɛnu nywi” (5:13)

Le video lɔ mɛ ɖe, afɔ ciwo nɔvinyɔnu lɔ ɖe yí sɔ na kpla ayexadohwɛnamɛnu yitɔ keŋ asɔ gbeta ci yí akpe nɔ Yehowaɔ?

Nyi yí taɖo mìdeɖo anu nɔ mɛbuwo mɔ wo le sɔ gbeta do nu nɔ mìɔ? Hlɛn Ebretɔwo 5:14, keŋ agbeje biɔse cɛwo mɛ:

Ci atɛnŋ ale fafɛɖe mɔ mìanu nɔ mɛbuwo mɔ, wo le sɔ gbeta do nu nɔ mì can ɖe, nyiwo mìwoŋtɔwo ɖo anya vovototo nɔɔ?
Nyi yí atɛnŋ akpedo eo nu yí nana kpla ayexadohwɛnamɛnu aotɔ keŋ asɔ gbeta nywiwoɔ?

Shigbe nyigbantata nɛɔ, ayexadohwɛnamɛnu mìwotɔ kpenɔdo mì nu mìsɔnɔ gbeta nywiwo le agbe mɛ

5. Do bubu ayexadohwɛnamɛnu mɛbuwo tɔ nu

Ci mìto vovoɔ, gbeta ciwo mìsɔnɔ can tonɔ vovo. Lé mìawɛ adonɔ bubu ayexadohwɛnamɛnu mɛbuwo tɔ nuɔ? Na mìakpɔ nɔnɔmɛ amɛve ɖekawo:

Nɔnɔmɛ ŋkɔtɔ: Nɔvinyɔnu ɖeka donɔ tawi. Évayi ci hamɛ bu mɛ. Nɔ nɔvi ciwo yí le hamɛ lɔ mɛ kpɔ nyɔnuwo do tawiɔ, eɖenɔ fun nɔ wo.

Hlɛn Rɔmatɔwo 15:1 koɖo 1 Korɛntitɔwo 10:23, 24, keŋ agbeje biɔse cɛwo mɛ:

Sɔ koɖo kpukpui cɛwo ɖe, gbeta ci nɔvinyɔnu lɔ atɛnŋ asɔɔ? Nyi àwa nɔ èle mɛɖe gbɔ yí ayexadohwɛnamɛnu yitɔ gbe ni mɔ yɛŋgbewa enu ci ayexadohwɛnamɛnu aotɔ lɔn mɔ eɔ le waɔ?

Nɔnɔmɛ amɛvetɔ: Nɔviŋsu ɖeka nya mɔ Bibla degbe mɔ woŋgbenu aha sɛnŋ le dredrenu o. Vɔ ésɔ gbeta mɔ yedanu o. Yɛ koɖo nɔviwo vale ju yí nɔviwo nukɔ aha sɛnŋ.

Hlɛn Ŋununyatɔ 7:16 koɖoRɔmatɔwo 14:1, 10, keŋ agbeje biɔse cɛwo mɛ:

Sɔ koɖo kpukpui cɛwo ɖe, gbeta ci nɔviŋsu lɔ atɛnŋ asɔɔ? Nyi àwa nɔ èkpɔ mɛbu wakɔ enu ci ayexadohwɛnamɛnu aotɔ gbe nɔ eo mɔ eɔŋgbewaɔ?

Afɔɖeɖe ciwo yí kplɔnɔ amɛ yi gbeta nywiwo sɔsɔ gbɔɔ?

1. Biɔ Yehowa mɔ, yɛ le kpedo ye nu nɔ yeanya gbeta ci yeasɔ.—Ʒaki 1:5.

2. Ji nu gɔnmɛ kpɔ le Bibla koɖo Bibla nukplawemawo mɛ keŋ akpɔ gɔnmɛɖose ciwo yí sɔ koɖo nɔnɔmɛ lɔ. Àtɛnŋ akan seŋ koɖo Kristotɔ bibi ɖe.

3. Bu tamɛ kpɔ so enu ci gbetasɔsɔ lɔ awa nɔ ayexadohwɛnamɛnu aotɔ koɖo mɛbuwo tɔ nu.

MƐÐEWO NUNƆ MƆ: “Èkpɔ mɔ awa ŋɖekpokpui ci èji. Ekan mɛɖe go.”

Nyi yí taɖo mìɖo abu tamɛ kpɔ so Mawu seselelanmɛwo koɖo mɛbuwo tɔwo nu gbɔxwe asɔ gbeta ɖeɔ?

ENU CI ÈKPLA

Nɔ mìbunɔ susu ci Yehowa ɖo do ŋɖe nu kpɔ yí gbebunɔ tamɛ kpɔ mɔ enu lɔ akpedo mɛbuwo nu alo adahɛn nu le wo nu maɔ, mìasɔnɔ gbeta nywiwo.

Enumɛtoto

Lé àwɛ asɔnɔ gbeta ciwo yí kpenɔ nɔ Yehowaɔ?
Lé àwɛ ana kpla ayexadohwɛnamɛnu aotɔɔ?
Lé àwɛ ado bubu ayexadohwɛnamɛnu mɛbuwo tɔ nuɔ?

Azan ci gbe èɖegbɔ nɔ nukplakpla cɛ:

Ðui awa nu cɛ

Bu tamɛ kpɔ so gbeta ɖe ci èɖo asɔ le majinjin mɛ nu. Zan afɔɖeɖe amɛtɔn ciwo yí le dakavi cɛ mɛ, “ Afɔɖeɖe ciwo yí kplɔnɔ amɛ yi gbeta nywiwo sɔsɔ gbɔɔ?”

Nubu ci àwa:

Your other goal