35 УРОК
Јакшы ла чын јӧптӧрди канайып чыгарар?
Бистиҥ кажыбыска ла јӱрӱмисте јӧп (решение) чыгарарга келижет. Чыгарган јӧптӧристиҥ кӧп сабазы бистиҥ јӱрӱмиске ле Иеговала колбуларыска јаан камаанын јетирер аргалу. Темдектезе, кайда јадар, кандый иште иштеер, биле тӧзӧӧр бӧ, јок по деп сананадыс. Јакшы чыгарган јӧптӧрис бисти ырысту эдет ле Иегованы сӱӱндирет.
1. Агару Бичик слерге јакшы ла чын јӧп чыгарарга канайып болужар?
Кандый бир јӧп чыгарардаҥ озо Иеговага мӱргӱп, болуш сурагар. Анайда ок Агару Бичикте бу сурак аайынча не айдылып турганын билип алыгар. Анайып, слер Иегованыҥ кӧрӱмин билип алараар. (Укаа сӧстӧр 2:3—6 кычырыгар.) Кезик сурактарда канайып этсе јакшы болор деп, Иегова каруузын чике берет. Мындый учуралдарда Иегова канайып айдып турган, анайып ла этсе јакшы болор.
Је слердиҥ билерге турган сурагарга Агару Бичикте не де айдылбай турган болзо, канайдар? Иегова слерге тӱҥей ле кандый јолло баратанын кӧргӱзип берер (Исайя 48:17). Канайып? Принциптердиҥ болужыла. Библиялык принциптер — Кудайдыҥ санаа-шӱӱлтезин оҥдоорго болужатан тӧс чындыктар. Кандый бир суракка Кудайдыҥ кӧрӱмин билип аларга, кӧп сабада Агару Бичиктиҥ ӱзӱги болужат. Анайып Иегованыҥ сезимдерин ле кӧрӱмин оҥдоп алзаас, ого јарайтан јӧп чыгарарыс.
2. Јӧп чыгарардаҥ озо нени ајаруга алар керек?
Агару Бичикте айдылат: «Сагышту кижи кажы ла алтамын сананып јат» (Укаа сӧстӧр 14:15). Айдарда, јӧп чыгарардаҥ озо меҥдебес керек. Нени эдерин талдап тура, бойоордоҥ мындый сурактар сурагар: «Бу айалгага кандый библиялык принциптер јараар? Мындый јӧп чыгарзам, јӱрегиме амыр болор бо? Мениҥ чыгарган јӧбимге улус канайып кӧрӧр? Иегова мениҥ чыгарган јӧбимди јарадар ба?» (Јаҥды такыганы 32:29).
Иеговада биске не јакшы ла не јаман деп айдатан јаҥ бар. Бис Кудайдыҥ јасактарын ла принциптерин билип алала, олор аайынча јӱрерге бек шӱӱп алзаас, уйадысты ӱредип јадыс. Уйат — ол кижиниҥ ичиндеги не јакшы, не јаман деп айдып турган сезими (Римдегилерге 2:14, 15). Ӱредип салган уйат јакшы јӧп чыгарарга болужат.
ТЕРЕҤЖИДЕ КӦРӰГЕР
Библиялык принциптер ле бистиҥ уйадыс јӱрӱмде јакшы ла чын јӧп чыгарарга канайып болужып турганын кӧрӱп ийектер.
3. Библиялык принциптер јолды кӧргӱзет
Библиялык принциптер биске јакшы јӧп чыгарарга канайып болужат? ВИДЕОНЫ кӧрӱп, сурактарды шӱӱжип ийигер.
-
Јайым кӱӱн ол не?
-
Нениҥ учун Иегова биске јайым кӱӱн берген?
-
Јайым кӱӱнисле чын эдип тузаланарга Иегова нени берген?
Бир библиялык принцип кӧрӱп ийектер. Эфестегилерге 5:15, 16 кычырыгар. Оноҥ: слер ӧйди канайып чын тузаланар эдеер деп шӱӱжип ийигер.
-
кажы ла кӱн Агару Бичикти кычырып турарга
-
ӧбӧӧниниҥ, ӱйиниҥ, аданыҥ, энениҥ, балдардыҥ молјуларын јакшы эдип бӱдӱрерге
-
јуунныҥ туштажуларына јӱрерге
4. Бойоордыҥ уйадыгарды ӱредигер
Агару Бичикте нени эдер керек деп чокум, јарт башкарту бар болзо, ол тушта чын јӧп чыгарарга јеҥил болот. Је анда слердиҥ айалгагар керегинде не де айдылбаган болзо, канайдар? ВИДЕОНЫ кӧрӱп, сурактарды шӱӱжип ийигер.
-
Эје уйадын ӱредерге ле Иеговага јарагадый јӧп чыгарарга нени эткен?
Нениҥ учун ӧскӧ улусты бис учун јӧп чыгарзын деп сурабас керек? Еврейлерге 5:14 кычырып, сурактарды шӱӱжип ийигер:
-
Ӧскӧ улусты бис учун јӧп чыгарзын деп сурап турзаас, бис неге качан да ӱренип болбозыс?
-
Бойоордыҥ уйадыгарды ӱредерге ле јакшы јӧп чыгарарга слерге не болужар?
Бистиҥ уйадыс навигатор чылап чын јӧп чыгарарга болужат
5. Ӧскӧ улустыҥ уйадын тооп туругар
Улус башка-башка јӧптӧр чыгарат. Улустыҥ уйадын тооп турганысты канайып кӧргӱзерис? Эки учурал кӧрӱп ийектер.
1 учурал. Будынарга сӱӱп турган сыйын, косметика тузаланбай турган эје-сыйындарлу јуунга кӧчӱп барган болзын.
Римдегилерге 15:1 ле 1 Коринфтегилерге 10:23, 24 кычырып, сурактарды шӱӱжип ийигер:
-
Бу ӱлгерлер аайынча, сыйын кандый јӧп чыгарар аргалу? Слердиҥ уйадаар та нени де эдерге јарадып јат, је ӧскӧ кижиниҥ уйады мыны эдерге јаратпай турган болзо, слер канайдар эдеер?
2 учурал. Ака Агару Бичикте аракыны ӧйи кеминде ичерге јараар деп айдылганын билер де болзо, је ол аракы ичпезим деп шӱӱп алган. Оны најылары амыраарга кычырат, анда ол ӧскӧ ака-карындаштардыҥ аракы ичип турганын кӧрӱп јат.
Экклезиаст 7:16 ла Римдегилерге 14:1, 10 кычырып, сурактарды шӱӱжип ийигер:
-
Бу ӱлгерлер аайынча, ака кандый јӧп чыгарар аргалу? Слердиҥ уйадаар јаратпай турган немени ӧскӧ кижи эдип турза, слер канайдар эдеер?
Јакшы ла чын јӧпти канайып чыгарар?
1. Иегованы слерге јакшы јӧп чыгарарга болужып берзин деп сурагар (Иаков 1:5).
2. Агару Бичиктеҥ ле ого тӧзӧлӧнгӧн бичиктердеҥ слердиҥ айалгага келижип турган принциптерди бедирегер. Анайда ок слер ченемелдӱ ака-эјелерле јӧптӧжӧр аргалу.
3. Чыгарган јӧбигер слердиҥ бойоордыҥ ла ӧскӧ улустыҥ уйадына кандый камаанын јетирер деп сананыгар.
КЕЗИК УЛУС АЙДАТ: «Нени эдерге тургаҥ оны ла эт. Ӧскӧ улустыҥ не кереги бар?»
-
Кудайдыҥ ла ӧскӧ улустыҥ сезимдерин нениҥ учун ајаруга алар керек?
ТӦС ШӰӰЛТЕЗИ
Кандый бир сурак аайынча чын јӧп чыгарарга, Иегованыҥ кӧрӱмин билип алар керек. Бистиҥ керектерис улуска тузалу болор бо, эмезе каршузын јетирер бе деп сананар керек?
Нени билип алдыгар?
-
Иеговага јараар јӧптӧрди канайып чыгарар?
-
Бойыстыҥ уйадысты канайып ӱредер?
-
Ӧскӧ улустыҥ уйадын тооп турганаарды слер канайып кӧргӱзер аргалу?
ШИҤДЕЙТЕН МАТЕРИАЛ
Слер Иеговала најылыгарды тыҥыдатан јӧптӧрди канайып чыгарараар?
«Кудайды мактайтан јӧптӧр чыгарыгар» («Каруулчы шибее», 2011 јыл, кандык ай 15)
Иегова јӧптӧрди биске канайып берип турганын билип алыгар.
Бир јиит уулга јеҥил эмес јӧп чыгарарга не болушканын кӧрӱп алыгар.
Агару Бичикте чике башкарту јок болзо, канайдар? Мындый учуралда Иеговага јараар јӧпти канайып чыгарарын билип алыгар.
«Сеге кажы ла катап чике библиялык јасак керек пе?» («Каруулчы шибее», 2003 јыл, јаҥар ай 1)
Анайда ок слерге јараар болор
ЈААНТАЙЫН БЕРИЛИП ТУРГАН СУРАКТАР
Иегованыҥ Керечилериниҥ Агару Бичикти ӱренетен курсы канайып ӧдӧт?
Иегованыҥ Керечилеринде Агару Бичик неге ӱредип турганын билип аларга болужатан тузалу курс бар. Ӱредӱниҥ ӧйинде слер бойоордыҥ Агару Бичигерле тузаланар аргалу, анайда ок ӱредӱлерге бойоордыҥ билегерди ле најылараарды айдып алар аргалу.
