DUNGU 35
¿Chumabüiñ taiñ cüme ngümintol?
Billque dungu ngümintobüiñ (dulliabüiñ) taiñ mongen mu, com iñchiñ eipiquiiñ cheu taiñ mongeleal ca chumaiñ ñi niepoal taiñ duamnel. Cabei domüche tañi bütangeal ca tati huentru tañi curengeal cam bemnoal. Cüme ngümintuliiñ, cüme beleaiñ ca cüme hueniyeabiiñ Jehová. Huelu hueya ngümintuliiñ, cüme upalelaaiñ tati.
1. Biblia, ¿chumngechi quelluabeimu (incaabeimu) tami cüme ngümintol?
Petu tami ngümintunon, ngillatubinge Jehová tami quelluatu ca papiltuabimi Biblia tami quimpoal chem raquiduamqui Jehová (papiltunge Proverbios 2:3-6). Quiñeque mu Jehová müna cüme eipiqui Biblia mu chem tami bemal, beimu müna cümeabüi tami allcütol ñi eipin.
Quiñeque mu, pelaabüimi quiñe huercün dungu Biblia mu tami eipiatu chem tami bemal. Huelu Jehová ca quelluaimu tami quimal “tati rüpü cheu tami miyahual” (Isaías 48:17). ¿Chumngechi quelluabeimu? Biblia mu Jehová eluqueiñmu billque ngülam taiñ ngüyulatu, beichi ngülam pengeli Jehová tañi raquiduamquel. Quimbiliiñ billque ngütram Biblia mu, quimaiñ Jehová ñi raquiduamquel. Beimu tüba quelluaiñmu taiñ cüme ngümintol ca ayühulabiiñ Jehová.
2. Petu tami ngümintunon, ¿chem dungu mu raquiduamaimi?
Biblia eipi: “Tati adümuhun-ngelu cüme raquiduamqui tañi bemal” (Proverbios 14:15). Beli tati, petu taiñ ngümintunon cüme raquiduamaiñ taiñ chumabel. Petu raquiduamülmi tami bemal, ramtuunge: “¿Chem ngülam Biblia mu quelluabenu? Ngümintubili tüba, ¿chum duamelabenu? Caquelu che, ¿cüme duampeai mai tañi ngümintuel mu? Tañi ngümintuel, ¿ayühulpeabüi mai Jehová?” (Deuteronomio 32:29).
Jehová deumaiñmu, beimu ngen-ngi taiñ eipiatu chem ñi cümen ca chem ñi cümenon. Cüme quimbiliiñ Jehová tañi huercün dungu ca tañi billque ngülam, doi cüme inaabiiñ. Tüba quelluqueiñmu taiñ cüme raquiduam nieal. Cüme raquiduam nieliiñ, quimaiñ chem ñi cümen ca chem ñi cümenon (Romanos 2:14, 15). Beimu tüba quelluaiñmu taiñ cüme ngümintol.
DOI CÜME QUIMNGE
Quimaiñ chumngechi Biblia tañi ngülam ca taiñ cüme raquiduam quelluaiñmu taiñ cüme ngümintol.
3. Eluunge tami ngüyulatu Biblia
Biblia tañi ngülam, ¿chumngechi quelluabeiñmu taiñ cüme ngümintol? Quintulbe tati VIDEO. Quintulngele hula ngütramcaabiiñ tübachi cüla ramtun:
-
Jehová, ¿chem elueiñmu taiñ bemal caque quiñeque iñchiñ?
-
Jehová, ¿chemu elueiñmu taiñ ngümintol caque quiñeque iñchiñ chem taiñ bemal?
-
Jehová, ¿chumngechi quelluqueiñmu taiñ cüme ngümintol?
Taiñ quimal quiñe ngülam tripalu Biblia mu, papiltoiñ Filipenses 1:10. Papiltungele hula ngütramcaabiiñ tübachi cüla ramtun:
-
Tübachi huirin tripalu Biblia mu, ¿chumngechi quelluabeimu tami papiltobel Biblia bill antü?
-
Pu büta, pu domüche, pu chau, pu ñuque, pu botüm, pu ñahue, ¿chumngechi quelluabeyu tübachi huirin tripalu Biblia mu tañi doi cüme chengeal engün?
-
Tübachi huirin tripalu Biblia mu, ¿chumngechi quelluabeimu tami amol trahun mu?
4. Nehuentuunge tami quimal chem tañi cümen ca chem ñi cümenon
Mülele quiñe huercün dungu Biblia mu, pür müten quimabüiñ chem taiñ bemal. Huelu penoliiñ quiñe huercün dungu taiñ quelluabetu, ¿chumabüiñ? Quintulbe tati VIDEO. Quintulngele hula ngütramcaabiiñ tübachi ramtun:
-
Taiñ lamngen, ¿chumi tañi cüme raquiduam nieal ca ayühulabel Jehová?
Quimnolmi chumal, ¿chemu ramtulaabimi caquelu che chem tami ngümintol? Papiltoiñ Hebreos 5:14. Papiltungele hula ngütramcaabiiñ tübachi epu ramtun:
-
“Eipien chem tañi bemal” piabüiñ ta quiñe che, huelu ¿chemu balin-ngi taiñ quidu ngümintol taiñ chumal?
-
Taiñ quimal chem tañi cümen ca chem cümenon, bemngechi taiñ cüme ngümintol ¿chem quelluabeiñmu?
Quiñe mapa reque, taiñ raquiduam ngüyulnequi taiñ mongen.
5. Yamneabiiñ caque che tañi ngümintuel
Com iñchiñ trürngelaiñ, beimu caqueumeabüi taiñ ngümintuel. ¿Chumngechi pengelabüiñ taiñ yamnequebel caquelu che tañi ngümintuel? Raquiduamnge tübachi epu dungu mu:
1: Quiñe lamngen ayüquelu tañi nieal moto lonco (cupil lonco) huiñamtuhui quiñe hue trahunche mu. Üye mu quiñeque lamngen hueya duamelabeyu engün pebel mu caquelu domüche nielu moto lonco.
Papiltoiñ Romanos 15:1 ca 1 Corintios 10:23, 24. Papiltungele hula ngütramcaabiiñ tübachi epu ramtun:
-
Tübachi huirin tripalu Biblia mu, taiñ lamngen ¿chem ngümintuabüi tañi bemal? Cümelu troquinebilmi quiñe dungu, huelu cangelu che hueya troquibile, ¿chumabüimi?
2: Quiñe peñi quimni Biblia eipiquelai “pulcutuquilnge”, huelu ngümintui putunoal chem pulcu no ume. Beimu quiñe antü trahuluhui caquelu pu peñi ca lamngen mu ca quidu engün püchüquen pulcutuingün.
Papiltoiñ Eclesiastés 7:16 ca Romanos 14:1, 10. Papiltungele hula ngütramcaabiiñ tübachi epu ramtun:
-
Tübachi hurin tripalu Biblia mu, taiñ peñi ¿chem ngümintuabüi tañi bemal? Pebilmi quiñe peñi cam lamngen bemmequelu quiñe dungu cümelu tañi troquibel, huelu eimi cümenolu troquiquebimi ¿chumabüimi?
¿Chumabüimi tami cüme ngümintol?
1. Ngillatun mu “quelluen tañi cüme ngümintol” eipiabüimi Jehová (Santiago 1:5).
2. Quintunge chem pilen Biblia ca taiñ billque papil ca video tami quimal chem tami bemal. Cabei ngütramcaabüimi pu peñi ca pu lamngen cüme hueniyebilu Jehová.
3. Raquiduamnge: “Ngümintubili tübachi dungu, ¿chum duamcüleabün? ¿Chum duamelabün caquelu che?”.
QUIÑEQUE CHE EIPIELMU: “Raquiduamquilnge caquelu che mu, eimi chem ume bemabüimi”.
-
¿Chemu cümeabüi tami raquiduamal chum duamabüi Jehová ca caquelu che tami ngümintun mu?
CHEM PEIÑ TÜBAMU
Petu ñi ngümintunon, cüme raquiduamaiñ Jehová tañi eipiquel ca chumngechi duamelabüiñ caque che, bemngechi cüme ngümintoiñ.
Chem quimeleleiñmu tüba
-
¿Chumngechi ayühulabüimi Jehová tami ngümintun mu?
-
¿Chumabüimi tami quimal chem ñi cümen ca chem ñi cümenon?
-
¿Chumngechi pengelabüimi tami yamnebel caquelu che tañi ngümintuel?
DOI QUIMABÜIMI
Tami ngümintun mu, ¿chumngechi doi cüme hueniyeabüimi Jehová?
“Tami ngümintun mu huenupüramngepe Jehová” (Ti Huerquen 15 abril 2011)
Doi quimponge chumngechi ngülamtuqueiñmu Jehová.
Quimnge chem quellueyu quiñe huentru ñi cüme ngümintun mu.
Biblia mu mülenobüle quiñe huercün dungu eipilelu chem tami bemal, ¿chumabüimi tami ayühulabel Jehová tami ngümintuel mu?
“¿Chumabüiñ mülenobüle quiñe huercün dungu Biblia mu?” (Ti Huerquen 1 diciembre 2003)
Peabüimi ka bemngechi dungu:
BILLKE RAMTUN
¿Chumngechi quimelquiiñ Biblia?
Quimeltungelmi quiñe Dunguquelu, papiltuabüimi chem traducción Biblia mu niimi ume. Mangelabüimi com tami pu che, tami pu hueni, ca iñi ume ayüabüimi.
