ДӘРС 35

Гәрарларынызла Аллаһы севиндирин

PLAY

Һәр биримиз гәрарлар вермәли олуруг. Чох вахт вердијимиз гәрарлар һәм бизә, һәм дә Јеһова илә достлуғумуза тәсир едир. Ола билсин, гәрар вермәлијик ки, һарада јашајаг, өзүмүзү неҹә доландыраг, аилә гураг, јохса гурмајаг. Вердијимиз гәрарлар дүзҝүн оланда һәм биз хошбәхт олуруг, һәм дә Јеһова разы галыр.

1. Гәрар верәндә Мүгәддәс Китаб сизә неҹә көмәк едә биләр?

Гәрар вермәздән әввәл дуа едиб Јеһовадан көмәк истәјин вә Онун мәсәләјә мүнасибәтини билмәк үчүн Мүгәддәс Китабы арашдырын. (Мәсәлләр 2:3—6 ајәләрини охујун.) Мүәјјән һаллара аид Мүгәддәс Китабда конкрет ганунлар тапаҹагсыныз. Белә олан һалда, бу ганунлара табе олмаг ән дүзҝүн гәрар олар.

Бәс әҝәр Мүгәддәс Китабда һансыса мәсәләјә аид ганун јохдурса, онда нә етмәк олар? Һәтта бу һалда белә, Јеһова сизә ҝетмәли олдуғунуз јолу ҝөстәрәҹәк (Әшија 48:17). О буну Кәламындакы принсипләр васитәсилә едәҹәк. Принсип дедикдә Аллаһын фикирләрини вә һиссләрини бизә ачан әсас, рәһбәр идеја нәзәрдә тутулур. Чох вахт Мүгәддәс Китабдан һансыса парчаны охујанда Аллаһын мүәјјән мәсәләјә мүнасибәтини өјрәнирик. Јеһованын мүнасибәтини баша дүшәндә исә Ону разы салан гәрарлар верә билирик.

2. Гәрар гәбул етмәздән әввәл нәләри нәзәрә алмаг лазымдыр?

Мүгәддәс Китабда дејилир: «Узагҝөрән һәр аддымыны өлчүб-бичәр» (Мәсәлләр 14:15). Бу о демәкдир ки, гәрар вермәздән әввәл гаршымыздакы вариантлары ҝөтүр-гој етмәлијик. Вариантларын һәр бирини нәзәрдән кечирәндә нөвбәти суаллар барәдә дүшүнүн: «Мүгәддәс Китабдакы һансы принсипләр бу вәзијјәтә аиддир? Һансы варианты сечсәм, виҹданым раһат олаҹаг? Вердијим гәрар башгаларына неҹә тәсир едәҹәк? Ән әсасы, бу гәрары версәм, Јеһова разы галаҹаг?» (Ганунун тәкрары 32:29).

Јеһованын бизә нәјин јахшы, нәјин пис олдуғуну демәјә ихтијары вар. Онун ганун вә принсипләри илә таныш оланда, онлара әмәл едәндә виҹданымызы тәрбијә едирик. Виҹдан бизә нәјин дүзҝүн, нәјин јанлыш олдуғуну дејән дахили сәсдир (Ромалылара 2:14, 15). Тәрбијә олунмуш виҹдан бизә дүзҝүн гәрарлар вермәјә көмәк едир.

Д Ә Р И Н Л И Ј Ә В А Р Ы Н

Ҝөрүн Мүгәддәс Китабдакы принсипләр вә виҹдан инсана гәрар вермәјә неҹә көмәк едир.

3. Гој Мүгәддәс Китаб сизә јол ҝөстәрсин

Гәрар верәркән Мүгәддәс Китабдакы принсипләр бизә неҹә јол ҝөстәрә биләр? ВИДЕОЈА бахын вә нөвбәти суаллары мүзакирә един:

ВИДЕО: «Гој Мүгәддәс Китабдакы принсипләр сизә бәләдчилик етсин» (5:54)

Ирадә азадлығы нәдир?
Нәјә ҝөрә Јеһова бизә ирадә азадлығы вериб?
Ирадә азадлығындан дүзҝүн истифадә етмәк үчүн Јеһова бизә нә вериб?

Мүгәддәс Китаб принсипинә бир нүмунә олараг, Ефеслиләрә 5:15, 16 ајәләрини охујун. Сонра мүзакирә един ки, вахтын гәдрини билмәк нөвбәти мәсулијјәтләри јеринә јетирмәјә сизә неҹә көмәк едә биләр.

Мүгәддәс Китабы мүнтәзәм охумаға
Даһа јахшы һәјат јолдашы, валидејн, өвлад олмаға
Јығынҹаг ҝөрүшләриндә иштирак етмәјә

4. Дүзҝүн гәрарлар вермәк үчүн виҹданынызы тәрбијә един

Мүәјјән мәсәлә илә бағлы конкрет ганун оланда дүзҝүн гәрар вермәк асан олур. Бәс конкрет ганун олмајанда нә етмәк олар? ВИДЕОЈА бахын вә нөвбәти суалы мүзакирә един:

ВИДЕО: «Виҹданынызы тәмиз сахлајын» (5:13)

Баҹы виҹданыны тәрбијә етмәк вә Јеһованы разы салан гәрар вермәк үчүн нә етди?

Нәјә ҝөрә башгаларындан бизим әвәзимизә гәрар вермәји хаһиш етмәмәлијик? Ибраниләрә 5:14 ајәсини охујун вә нөвбәти суаллары мүзакирә един:

Башгаларындан бизим јеримизә гәрар вермәји хаһиш етмәк даһа раһат олса да, өзүмүз нәји баҹармалыјыг?
Виҹданынызы тәрбијә етмәјә вә дүзҝүн гәрар вермәјә сизә нәләр көмәк едә биләр?

Виҹдан, хәритә кими, бизә ҝетмәли олдуғумуз јолу ҝөстәрир

5. Башгаларынын виҹданыны нәзәрә алын

Инсанлар фәргли олдуғу кими, вердикләри гәрарлар да фәргли олур. Бәс биз башгаларынын виҹданыны нәзәрә алдығымызы неҹә ҝөстәрә биләрик? Ики нүмунәјә бахаг:

1-ҹи нүмунә: Косметикадан истифадә едән бир баҹы елә јығынҹаға кечир ки, орадакы баҹыларын чоху косметика чәкмәјә пис бахыр.

Ромалылара 15:1 вә 1 Коринфлиләрә 10:23, 24 ајәләрини охујун. Сонра нөвбәти суаллары мүзакирә един:

Баҹы бу ајәләрә әсасланараг һансы гәрара ҝәлә биләр? Сизин виҹданынызын јол вердији шеји јаныныздакы адамын виҹданы ҝөтүрмүрсә, нә едәрсиниз?

2-ҹи нүмунә: Бир гардаш билир ки, Аллаһ гәдәриндә спиртли ички ичмәјә иҹазә верир. Бунунла белә, о гәрар вериб ки, ички ичмәсин. Анҹаг бир мәҹлисдә оланда гардашларын ички ичдијини ҝөрүр.

Ваиз 7:16 вә Ромалылара 14:1, 10 ајәләрини охујун. Сонра нөвбәти суаллары мүзакирә един:

Гардаш бу ајәләрә әсасланараг һансы гәрара ҝәлә биләр? Јаныныздакы адам виҹданынызын јол вермәдији бир шеји етсә, нә едәрсиниз?

Дүзҝүн гәрар вермәк үчүн нә етмәк лазымдыр?

1. Јеһоваја дуа един. Ондан хаһиш един ки, сизә гәрар вермәјә көмәк етсин (Јагуб 1:5).

2. Арашдырма апарын. Мүгәддәс Китабдан вә она әсасланан нәшрләрдән вәзијјәтә аид принсипләр ахтарын. Һәмчинин тәҹрүбәли мәсиһиләрлә дә мәсләһәтләшә биләрсиниз.

3. Нәтиҹәни дүшүнүн. Вердијиниз гәрарын сизин виҹданыныза вә башгаларынын виҹданына неҹә тәсир едәҹәјини нәзәрә алын.

БӘЗИ ИНСАНЛАР ДЕЈИР: «Неҹә истәјирәм, елә дә јашајырам. Башгаларынын фикри мәним үчүн мараглы дејил».

Нәјә ҝөрә һәм Аллаһын, һәм дә инсанларын һиссләрини нәзәрә алмалыјыг?

ИҸМАЛ

Биз Јеһованын мәсәләјә мүнасибәтини өјрәнәндә, һәмчинин һәрәкәтләримизин башгаларына фајда ҝәтирәҹәјини, ја да зәрәр јетирәҹәјини нәзәрә аланда дүзҝүн гәрарлар веририк.