TJONÏK 35
¿Achkë xtqtoʼö rchë xtqachaʼ xtqaʼän ri ütz pa qakʼaslemal?
Kʼïy chkë ri nqachaʼ nqaʼän ronojel qʼij, nkiʼän chë ütz o ma ütz ta xtqbʼä pa qakʼaslemal chqä chë más junan xtuʼän qawäch rkʼë Jehová o manä. Jun tzʼetbʼäl, rkʼë jbʼaʼ kʼo chë nqachaʼ akuchï xtjeʼ wä qachoch, achkë rubʼanik xtqachʼäk qarajil chqä we xtqkʼleʼ o manä. We xtqachaʼ xtqaʼän ri ütz, kan kiʼ qakʼuʼx xtqanaʼ chqä xtqaʼän chë Jehová kiʼ rukʼuʼx xtuʼän.
1. ¿Achkë rubʼanik yaturtoʼ le Biblia rchë nachaʼ naʼän ri ütz?
Taq kʼo jun nachaʼ naʼän, naʼäy takʼutuj atoʼik che rä Jehová. Chqä, takanuj chpan le Biblia achkë nuquʼ ryä chrij ri achʼobʼon naʼän (taskʼij ruwäch Proverbios 2:3-6). Xtatzʼët chë kʼo mul Jehová kan nuʼij pä chqë achkë kʼo chë nqaʼän. Taq nbʼanatäj riʼ ri más ütz ya riʼ nanmaj rutzij.
Ye kʼa ¿y si chpan le Biblia ma nawïl ta jun pixaʼ ri nuʼij achkë kʼo chë naʼän? We ke riʼ, Jehová kan xtkʼüt chawäch «achkë bʼey kʼo chë nakʼwaj» (Isaías 48:17). ¿Achkë rubʼanik xtuʼän riʼ? Xtuʼän riʼ kikʼë nkʼaj chik naʼoj ri ye kʼo chpan le Biblia. Re naʼoj reʼ yojkitoʼ rchë nqʼax chqawäch achkë nuquʼ chqä achkë nunaʼ Jehová. Nqʼalajin riʼ chqawäch taq nqaskʼij ruwäch jun peraj chpan le Biblia. Taq nqʼax chqawäch achkë rubʼanik nchʼobʼon Jehová, ya riʼ nqtoʼö rchë nqaʼän ri nqä chwäch ryä.
2. ¿Achkë kʼo ta chë natzʼët naʼäy taq kʼo jun nawajoʼ naʼän?
Le Biblia nuʼij chë «ri winäq ri kan kʼo runaʼoj nuchʼöbʼ na achkë nuʼän» (Proverbios 14:15). Reʼ ntel chë tzij chë taq kʼo jun nawajoʼ naʼän, naʼäy kʼo chë natzʼët na achkë rubʼanik xtaʼän riʼ. Taq naquʼ rij riʼ, takʼutuj qa reʼ chawäch: «¿Achkë naʼoj ri ye kʼo chpan le Biblia kikʼwan kiʼ rkʼë ri nwajoʼ nbʼän? ¿Más jaʼäl xtinnaʼ we xtinbʼän ya reʼ? ¿Achkë rubʼanik xtkitzʼët ri nkʼaj chik ri xtinchaʼ xtinbʼän? Y ri kʼo más ruqʼij, ¿xtinbʼän komä chë Jehová kiʼ rukʼuʼx nuʼän?» (Deuteronomio 32:29).
Xa xuʼ Dios nkowin nbʼin chqë achkë riʼ ri ütz chqä ri ma ütz ta. Rma riʼ, taq nqatamaj ri naʼoj yeruyaʼon pä chqë chpan le Biblia y nqatäj qaqʼij rchë yeqasmajij, röj xtjeʼ jun ütz qa-conciencia. Ri qa-conciencia ya riʼ nbʼin chqë achkë riʼ ri ütz chqä ri ma ütz ta (Romanos 2:14, 15). We kan ütz qatjon ri qa-conciencia, ya riʼ xtqtoʼö rchë xtqachaʼ xtqaʼän ri ütz.
TQATAMAJ MÁS CHRIJ RE NAʼOJ REʼ
Tqatzʼetaʼ achkë rubʼanik yojkitoʼ ri naʼoj ye kʼo chpan le Biblia chqä ri qa-conciencia taq kʼo jun nqachaʼ nqaʼän.
3. Tayaʼ qʼij chë le Biblia nukʼwan abʼey
¿Achkë rubʼanik yojkitoʼ ri naʼoj ye kʼo chpan le Biblia taq kʼo jun nqachaʼ nqaʼän? Titzʼetaʼ ri VIDEO y kixtzjon chrij reʼ:
-
¿Achkë utziläj spanïk ruyaʼon Jehová chqë?
-
¿Achkë rma Jehová ruyaʼon qʼij chqë rchë röj nqchaʼö achkë nqajoʼ nqaʼän?
-
¿Achkë toʼïk ruyaʼon Dios chqë rchë nqrtoʼ rchë kan pa rubʼeyal xtqaksaj ri spanïk riʼ?
Rchë nitzʼët achkë rubʼanik yojkitoʼ ri naʼoj ye kʼo chpan le Biblia, tiskʼij ruwäch Efesios 5:15, 16. Chrij riʼ kixtzjon chrij achkë ütz naʼän rchë kan pa rubʼeyal xtaksaj a-tiempo rchë...
-
... xtatjoj awiʼ chrij le Biblia ronojel qʼij.
-
... más ütz anaʼoj xtaʼän rkʼë akʼlaj, kikʼë awalkʼwal o kikʼë ateʼ atataʼ.
-
... xkabʼä pa qamoloj.
4. Tatjoj a-conciencia rchë nachaʼ naʼän ri ütz
Taq kan yë le Biblia nbʼin chqë achkë kʼo chë nqaʼän, rkʼë jbʼaʼ ma kan ta kʼayewal nuʼän chqawäch nqaʼän riʼ. Ye kʼa, ¿y si majun ta nuʼij chrij ri nqajoʼ nqaʼän? Titzʼetaʼ ri VIDEO y kixtzjon chrij reʼ:
-
Achiʼel xqatzʼët qa chpan ri video, ¿achkë xuʼän ri qachʼalal rchë xtjoj ru-conciencia chqä rchë xuʼän ri nqä chwäch Jehová?
¿Achkë rma ma kʼo ta chë nqaʼij che rä jun winäq chë yë ryä tchaʼö ri kʼo chë nqaʼän? Tiskʼij ruwäch Hebreos 5:14 y kixtzjon chrij re:
-
Tapeʼ nqkowin nqaʼij che rä jun winäq chë tuʼij chqë achkë kʼo chë nqaʼän, ¿achkë rma kan chqajujnal röj kʼo ta chë nqʼax chqawäch achkë riʼ ri ütz chqä ri ma ütz ta?
-
¿Achkë samajbʼäl ütz nqaksaj rchë nqatjoj qa-conciencia chqä rchë nqachaʼ nqaʼän ri ütz?
Ri qa-conciencia kan achiʼel jun mapa, rma nqrtoʼ rchë nqatzʼët achkë bʼey kʼo chë nqakʼwaj pa qakʼaslemal.
5. Ma tqasök ta ki-conciencia ri nkʼaj chik
Rma jontir ma yoj junan ta, ma junan ta chqä ri nqachaʼ nqaʼän pa qakʼaslemal. ¿Achkë rubʼanik nqakʼüt chë ma nqajoʼ ta nqasök ki-conciencia ri nkʼaj chik? Tqatzʼetaʼ kaʼiʼ tzʼetbʼäl.
Naʼäy tzʼetbʼäl: Jun qachʼalal ixöq ri nqä chwäch nuʼän maquillar riʼ, nqʼax chpan jun congregación ri akuchï ri qachʼalal ixoqiʼ kan ma ütz ta nkitzʼët ya riʼ.
Tiskʼij ruwäch Romanos 15:1 chqä 1 Corintios 10:23, 24, y kixtzjon chrij reʼ:
-
Rkʼë ri nuʼij chkipan re versículos reʼ, ¿achkë ütz nuʼän ri qachʼalal riʼ? Y rït, ¿achkë komä xtaʼän we jun winäq itzel nutzʼët jun ri najin nbʼan, ye kʼa chawäch rït ma xajan ta?
Rukaʼn tzʼetbʼäl: Jun qachʼalal achï retaman chë le Biblia ma itzel ta nutzʼët we jun winäq ma nqʼax ta ruwiʼ yaʼ nutäj; ye kʼa ryä ruyaʼon chik chwäch ran chë xttäj ta. Kʼo jun qʼij nskʼïx kimä qachʼalal pa kachoch y nutzʼët chë ye kʼo jojun najin nkitäj yaʼ.
Tiskʼij ruwäch Eclesiastés 7:16 chqä Romanos 14:1, 10, y kixtzjon chrij re:
-
Rkʼë ri nuʼij chkipan re versículos reʼ, ¿achkë ütz nuʼän ri qachʼalal riʼ? Y rït, ¿achkë komä xtaʼän we natzʼët chë jun winäq kʼo jun nuʼän ri kan xajan chawäch rït?
¿Achkë ütz naʼän rchë xtachaʼ xtaʼän ri ütz?
1. Taʼij che rä Jehová chë katurtoʼ pä rchë natzʼët achkë xtaʼän (Santiago 1:5).
2. Takanuj atoʼik chpan le Biblia chqä chkipan ri qa-publicaciones rchë nawïl achkë naʼoj kikʼwan kiʼ rkʼë ri nawajoʼ naʼän. Chqä, ütz nakʼutuj atoʼik chkë ri qachʼalal ri kʼïy chik junaʼ kiyaʼon pä ruqʼij Jehová.
3. Taquʼ rij achkë xtuʼän che rä a-conciencia rït chqä chkë ki-conciencia ri nkʼaj chik ri xtachaʼ xtaʼän.
JOJUN WINÄQ NKIʼIJ REʼ: «Pan aqʼaʼ rït kʼo wä naʼän ri nawajoʼ; ma taquʼ ta kij ri nkʼaj chik».
-
¿Achkë rma taq kʼo jun nqachaʼ nqaʼän kʼo chë nqatzʼët na achkë nunaʼ Dios chqä achkë nkinaʼ ri nkʼaj chik?
RI XQATAMAJ QA
Kan yë ri ütz xtqachaʼ xtqaʼän we xtqatzʼët na achkë nuquʼ Jehová chrij ri nqajoʼ nqaʼän chqä we xkerutoʼ ri nkʼaj chik o xa xkerutzʼlaʼ.
Tqakamluj ri xqatzʼët qa
-
¿Achkë xkatoʼö rït rchë xtachaʼ xtaʼän ri nqä chwäch Jehová?
-
¿Achkë ütz naʼän rchë natjoj a-conciencia?
-
¿Achkë rubʼanik nakʼüt rït chë ma nawajoʼ ta nasök ki-conciencia ri nkʼaj chik?
RCHË NATAMAJ MÁS
¿Achkë xkatoʼö rchë ri xtachaʼ xtaʼän chpan akʼaslemal xtuʼän chë más junan xtuʼän awäch rkʼë Dios?
«Tqayaʼ ruqʼij Dios rkʼë ri nqachaʼ nqaʼän» (Ri Chajinel, 15 de abril, 2011)
Tatamaj más chrij ri achkë rubʼanik nuyaʼ pä qanaʼoj Jehová.
Tatzʼetaʼ achkë xtoʼö jun achï rchë xjäl rukʼaslemal tapeʼ kan kʼayewal xuʼän chwäch.
Tatzʼetaʼ achkë rubʼanik nqaʼän ri nqä chwäch Jehová tapeʼ ryä ma ruyaʼon ta pä jun pixaʼ chrij ri nqajoʼ nqaʼän.
Rkʼë jbʼaʼ nawajoʼ natzʼët chqä reʼ
RI KʼUTUNÏK RI NBʼAN CHKIJ RI TESTIGOS DE JEHOVÁ
¿Achkë rubʼanik yekitjoj ri winäq chrij le Biblia ri testigos de Jehová?
Rkʼë ri tjonïk nkiyaʼ ri testigos de Jehová, rït ütz naksaj xa bʼa achkë Biblia nawajoʼ. Chqä ütz naʼän invitar jontir a-familia o xa bʼa achkë awachiʼil.
