LESEN 35

Ifa Usun Sipwe Eáni Kefil mi Múrinné?

PLAY

A lamot ngenikich meinisin ach sipwe eáni kefil. Chómmóng me lein ach kana kefil ra tongeni álisikich are efeiengawakich, me ra pwal tongeni apéchékkúla ach riri ngeni Jiowa are fen atai. Áwewe chék, eli a lamot ach sipwe filatá ia sipwe nóm ie, ifa usun sipwe atufichi manawach, are ika sipwe pwúpwúlú are sisap. Atun sia eáni kefil mi múrinné, sipwe pwapwa me sipwe apwapwaai Jiowa.

1. Ifa usun ewe Paipel a tongeni álisuk le eáni kefil mi múrinné?

Me mwen óm kopwe eáni eú kefil, iótek ngeni Jiowa pwe epwe álisuk me etittina met ewe Paipel a apasa usun ena mettóch. (Álleani Än Salomon Fos 2:3-6.) Fán ekkóch, a ffat án Jiowa allúk. Ika ina, iwe óm álleasochisi ena allúk ina ewe kefil mi éch lap seni meinisin.

Iwe nge, met kopwe féri ika ese wor eú allúk lón Paipel mi affata ngonuk minne kopwe féri? Jiowa epwe chúen emmwenuk ngeni “ewe al kopwe fetal won.” (Aisea 48:17) Ifa usun? A wor kapasen emmwen mi tongeni emmwenuk. Án Paipel kewe kapasen emmwen ina ekkewe lóngólóngun pwóróus lón Paipel mi pwári ekiekin me meefien Kot. Fán chómmóng, sia kan silei meefien Kot wóón och mettóch atun sia álleani eú pwóróus lón Paipel. Atun sia mirititi meefien Jiowa, sia tongeni eáni kefil mi apwapwaai i.

2. Met kopwe ekieki usun me mwen óm kopwe eáni kefil?

Ewe Paipel a apasa: “Eman mi mirit a nenengeni ia epwe feila ie.” (Än Salomon Fos 14:15) Weween, me mwen ach sipwe féri eú kefil, sipwe lóóm ekieki met sipwe filatá. Atun sia etittina met sipwe filatá, sipwe pwisin eisinikich: ‘Ifa ewe kapasen emmwen lón ewe Paipel mi weneiti ai ei kefil? Menni kefil epwe atoto kinamween letipei? Minne ua eáni kefil a aosukosuka mwelien letipen ekkewe ekkóch? Nge lap seni meinisin, Jiowa epwe pwapwa ren ai kefil?’—Tuteronomi 32:29.

A wor án Jiowa pwúúng le erenikich met mi éch me met mi ngaw. Atun sia sissileeló an kewe allúk me kapasen emmwen lón Paipel me úppós le álleasochisiir, iwe sia ámááraatá eú mwelien letip mi limeliméch. Mwelien letipach epwe ámmeef ngenikich ika sia féri och mettóch mi éch are mi ngaw. (Rom 2:14, 15) Ika mwelien letipach a káit me ren ewe Paipel, iwe epwe álisikich le eáni kefil mi múrinné.

KÚTTAFICHI

Etittina ifa usun án Paipel kewe kapasen emmwen me mwelien letipach ra tongeni álisikich le féri kefil.

3. Mut ngeni ewe Paipel an epwe emmwenuk

Ifa usun án Paipel kewe kapasen emmwen ra tongeni álisikich atun sipwe féri kefil? Fichi ei VIDEO, me mwirin pwóróusfengen wóón ekkeei kapas eis.

VIDEO: Let Bible Principles Guide You (5:54)

Ifa ewe liffang mi aúchea Kot a fang ngenikich?
Pwata Jiowa a fang ngenikich ewe tufichin pwisin filatá?
Met a awora ngenikich pwe epwe álisikich le eáni kefil mi fókkun múrinné?

Ren óm kopwe etittina eú án Paipel kapasen emmwen, álleani Efisos 5:15, 16. Mwirin, pwóróusfengen wóón ifa usun ka tongeni ‘alomota fansoun manauom’ le . . .

álleani ewe Paipel iteitan.
wiliti emén fefin are mwán mi pwúpwúlú mi múrinné, sam are in mi múrinné, are nau mi múrinné.
fiti án Chón Pwáraatá Jiowa kewe mwich.

4. Emiriti mwelien letipom pwe epwe álisuk le eáni kefil mi múrinné

Atun a wor eú án Paipel allúk mi tichik usun eú mettóch, iwe eli epwe mecheres ach sipwe eáni kefil mi pwúng. Nge ifa usun ika ese wor eú allúk mi tichik usun ena mettóch? Fichi ei VIDEO, me mwirin pwóróusfengen wóón ekkeei kapas eis.

VIDEO: “Maintain a Good Conscience” (5:13)

Lón ewe video, met ewe Chón Kraist fefin a féri pwe epwe emiriti mwelien letipan me eáni ekkewe kefil mi apwapwaai Jiowa?

Pwata sisap tingorei ekkewe ekkóch ar repwe wisen eáni kefil fán itach? Álleani Ipru 5:14, me mwirin pwóróusfengen wóón ekkeei kapas eis:

Inaamwo ika a mecheres ach sipwe tingorei emén an epwe féri kefil fán itach, nge met a lamot ach sipwe pwisin álefila?
Met epwe álisuk le émúrinnéló mwelien letipom me eáni kefil mi múrinné?

Mwelien letipach a usun eú map, a kan emmwenikich ngeni ia sipwe ló ie

5. Ekieki mwelien letipen ekkewe ekkóch

A sókkofesen án emén me emén kefil. Ifa usun sipwe ekieki mwelien letipen aramas? Sipwe ppii ekkeei ruu pwóróus:

Pwóróus 1: Emén Chón Kraist fefin mi kan sani le áeá raúses lón pari are atun a kan féri an angang, a mwékút ngeni pwal eú mwichefel ikewe chómmóng Chón Kraist fefin rese kinamwe le kúna án fefin áeá raúses.

Álleani Rom 15:1 me 1 Korint 10:23, 24, me mwirin pwóróusfengen wóón ekkeei kapas eis:

Me ren ekkena wokisin, eli met ena Chón Kraist fefin epwe filatá? Met kopwe féri ika ka nóm ren emén nge mwelien letipan ese mut ngeni an epwe féri och mettóch ese pwal osukosuka mwelien letipom?

Pwóróus 2: Emén Chón Kraist mwán a silei pwe ewe Paipel ese allúkú únnún sakaw mi úkúkéch, nge a filatá an esap ún. A fiti eú pari, nge chienan kewe Chón Kraist ra ún.

Álleani Än Salomon Afalafal 7:16 me Rom 14:1, 10, me mwirin pwóróusfengen wóón ekkeei kapas eis:

Me ren ekkena wokisin, eli met ena Chón Kraist mwán epwe filatá? Met kopwe féri ika ka kúna án emén féri och mettóch ese kinamwe mwelien letipom ren?

Met epwe álisuk le eáni kefil mi múrinné?

1. Tingorei Jiowa an epwe álisuk le silei met kopwe féri.—James 1:5.

2. Research wóón ekkewe pwóróus seni Paipel me minen álillisin Paipel pwe kopwe kúna ekkewe kapasen emmwen. Ka pwal tongeni kútta álillis seni ekkewe Chón Kraist mi ásimaw.