LESONI 35
Eda na Vakatulewa Vinaka Vakacava?
Eda dau vakatulewa kece. E levu na vakatulewa qori ena tara na noda bula kei na noda veiwekani kei Jiova. Kena ivakaraitaki, eda na vakatulewataka na vanua meda tiko kina, na sala meda tokoni keda kina vakailavo, se meda vakawati se kua. Nida vakatulewa vinaka, eda na marau, ena marau tale ga o Jiova.
1. Ena vukei iko vakacava na iVolatabu mo vakatulewa vinaka?
Ni bera ni o vakatulewa, kerea na veivuke i Jiova ena masu qai dikeva na nona rai ena iVolatabu me baleta na ituvaki qori. (Wilika Vosa Vakaibalebale 2:3-6.) Ena so na ituvaki, e dau matata na ivakaro i Jiova. Ke yaco qori, na vakatulewa vinaka duadua mo muria na ka e tukuna o Jiova.
Ia vakacava ke sega ni matata na ka e tukuna na iVolatabu ena ka mo cakava? Ena dusimaki iko tiko ga o Jiova ena “sala mo lakova.” (Aisea 48:17) Ena veidusimaki vakacava? E tiko na ivakavuvuli vakaivolatabu ena dusimaki iko. Qori na ka dina e vakavotuya na rai ni Kalou kei na ivakarau ni lomana. Levu na gauna eda na kila na ivakarau ni loma i Jiova nida wilika e dua na italanoa ena iVolatabu. Nida kila na ivakarau ni lomana, eda na vakamarautaki koya ena noda vakatulewa.
2. Na cava mo nanuma tiko ni bera ni o vakatulewa?
E kaya na iVolatabu: “O koya e yalomatua e vakasamataka na nona ilakolako kece.” (Vosa Vakaibalebale 14:15) Kena ibalebale, ni bera nida vakatulewa, ena bibi meda dabe mada da qai vakasama. Rawa nida taroga: ‘Na ivakavuvuli vakaivolatabu cava meu muria? O koya e vei ena solia vei au na vakacegu ni vakasama? Ena tara vakacava nodra bula eso tale na noqu vakatulewa? O koya e bibi duadua, ena vakamarautaki Jiova?’—Vakarua 32:29.
E tu vei Jiova na dodonu me tukuna vei keda na ka e donu kei na ka e cala. Nida kila vinaka nona lawa kei na nona ivakavuvuli da qai vakadeitaka meda muria, ena vinaka noda lewaeloma. Na lewaeloma e dua na ka e tiko e lomada ena tukuna vei keda na ka e donu kei na ka e cala. (Roma 2:14, 15) Ni vakavulici vinaka noda lewaeloma, ena vukei keda meda vakatulewa vinaka.
VAKEKELI
Dikeva na vuna e bibi kina me yavutaki noda vakatulewa ena ivakavuvuli vakaivolatabu kei na lewaeloma e vakavulici.
3. Me dusimaki iko na iVolatabu
Ena dusimaka vakacava na noda vakatulewa na ivakavuvuli vakaivolatabu? Sarava na VIDIO, qai veivosakitaka na taro tarava.
-
Na cava na galala ni vakatulewa?
-
Na cava e solia kina vei keda o Jiova?
-
Na ivukevuke cava e vakarautaka me rawa nida vakatulewa vinaka?
Qo e dua na ivakaraitaki ni ivakavuvuli vakaivolatabu, wilika Efeso 5:15, 16, qai veivosakitaka na sala mo ‘vakayagataka vakavinaka nomu gauna’ . . .
-
ni o wili iVolatabu wasoma.
-
mo dua na isa ni vakawati vinaka, itubutubu se gone vinaka.
-
ni o tiko ena soqoni vaKarisito.
4. Vakavulica nomu lewaeloma mo vakatulewa vinaka
Ke matata na ivakaro vakaivolatabu me baleta e dua na ituvaki, ena rawarawa sara noda vakatulewa. Ia vakacava ke sega ni matata? Sarava na VIDIO, qai veivosakitaka na taro tarava.
-
Ena vidio, na cava e cakava na tacida yalewa me vakavulica nona lewaeloma me vakamarautaki Jiova ni vakatulewa?
Na cava meda kua ni taroga kina nodra nanuma eso tale meda yavutaka kina noda vakatulewa? Wilika Iperiu 5:14, qai veivosakitaka na taro qo:
-
Ena rawarawa sara meda taroga eso tale mera vakatulewa ena vukuda. Ia na cava e dodonu meda vakaduiduitaka?
-
Na ivukevuke cava ena rawa ni dusimaka nomu lewaeloma mo vakatulewa kina vakavinaka?
Na noda lewaeloma e vaka na mape, ena dusimaka na ka meda cakava
5. Doka nodra lewaeloma eso tale
E duidui na vakatulewa eda cakava. Ia eda na doka vakacava na nodra lewaeloma eso tale? Dikeva e rua na ituvaki qo:
iTuvaki 1: E dua na tacida yalewa e dau taleitaka na uku kei na sasauni e toki ena dua na ivavakoso, era levu kina na tacida yalewa e dau votivoti vei ira qori.
Wilika Roma 15:1 kei na 1 Korinica 10:23, 24, qai veivosakitaka na taro qo:
-
Ena rua na tikinivolatabu qori, na cava ena rairai cakava na tacida yalewa? Cava o na cakava ke o tiko kei na dua e sega ni vakatara nona lewaeloma na ka o dau cakava?
iTuvaki 2: E kila e dua na tacida tagane ni sega ni vakacala na iVolatabu na gunuvi vakarauta ni alakaolo kei na yaqona, ia e sa vakatulewataka ga me muduka. E sureti ena dua na soqo, qai raica nira gunu tiko eso na tacida.
Wilika Dauvunau 7:16 kei na Roma 14:1, 10, qai veivosakitaka na taro qo:
-
Ena rua na tikinivolatabu qori, na cava ena rairai cakava na tacida tagane? Cava o na cakava ke dua e cakava na ka e sega ni vakatara nomu lewaeloma?
Ka mo cakava me vinaka kina nomu vakatulewa
1. Kerei Jiova me vukei iko ena nomu vakatulewa.—Jemesa 1:5.
2. Vakekeli ena iVolatabu kei na ivola vakaivolatabu mo kila kina eso na ivakavuvuli mo muria. O rawa tale ga ni tarogi ira na lotu vaKarisito matua.
3. Vakasamataka na itinitini ni nomu vakatulewa. Ena tara vakacava na nomu lewaeloma kei na nodra lewaeloma eso tale?
KA ERA KAYA ESO: “E tu vei iko na dodonu mo cakava ga na ka o vinakata. Kua ni kauaitaka na nodra rai eso tale.”
-
Na cava meda kauaitaka kina na rai ni Kalou kei na nodra rai eso tale?
KA O VULICA
Ena vinaka noda vakatulewa nida kila rawa na rai i Jiova, da qai vakasamataka ena yaga vei ira eso tale na ka eda cakava se vakaleqai ira.
Railesuvi
-
O na vakamarautaki Jiova vakacava ena nomu vakatulewa?
-
O na vakavulica vakacava nomu lewaeloma?
-
O na doka vakacava nodra lewaeloma eso tale?
IKURI
O na vaqaqacotaka vakacava nomu veiwekani kei na Kalou ni o vakatulewa?
“Me Rokovi na Kalou ena Noda Vakatulewa” (Na Vale ni Vakatawa, 15 Epereli, 2011)
Vulica tiko ga na sala e veidusimaki kina o Jiova.
Raica na ka e vukea e dua na cauravou me vakatulewataka e dua na ka dredre.
Vulica na sala mo vakamarautaki Jiova kina ke sega ni matata e dua na idusidusi.
“Me Dua Sara na Lawa Vakaivolatabu Mo Qai Vakatulewa?” (Na Vale ni Vakatawa, 1 Tiseba, 2003)
Rawa ni o Wilika Tale ga
TARO E TAROGI WASOMA
Era Veivakavulici Vakacava na iVakadinadina i Jiova ena iVolatabu?
E sega ni saumi nodra veivakavulici na iVakadinadina i Jiova ena iVolatabu. O rawa ni vakayagataka ga na ivakadewa ni iVolatabu o vinakata. Rawa tale ga ni o sureti ratou nomu vuvale, se itokani me ratou veitomani ena vuli.
