LESENI 35
Abia Hidi Namodia Ita Karaia Dalana
Ita ibounai ese abia hidi idauidau ita karaia. Ita karaia abia hidi momo ese ita bona iseda hetura karana Iehova ida ia hanamoa eiava ia hadikaia diba. Hegeregere abia hidi haida be, edeseni ai do ita noho, edena bamona moni dalana ai sibona do ita naria, eiava do ita headava o lasi. Abia hidi namodia ita karaia neganai, mauri do ita moalelaia bona Iehova ita hamoalea.
1. Edena dala ai Baibel ese oi ia durua diba abia hidi namodia oi karaia totona?
Abia hidi ta oi do karaia lasi neganai, Iehova ena heduru totona oi guriguri bona Baibel ai ena lalohadai oi tahua. (Aonega Herevadia 2:3-6 duahia.) Nega haida Iehova ese ena oda hereva amo unai ia hahedinaraia namonamo. Bema unai bamona, abia hidi maorona be unai oda hereva oi badinaia.
To bema Baibel ena taravatu ta ese oi ura karaia gauna ia gwauraia hedinarai lasi neganai be edena bamona? Iehova ese oi do ia hakaua noho “dala maorona ai [oi] raka totona.” (Isaia 48:17) Edena dala ai? Hakaua herevadia idia noho, unai ese oi ia hakaua diba. Baibel ena hakaua herevadia be hereva momokani badadia, bona Dirava ena lalohadai bona hemami ia hahedinaraia. Nega momo gau haida dekenai Baibel ena sivarai ta ita duahia neganai, Dirava ena lalohadai ita dibaia. Iehova ena hemami ita lalopararalaia neganai, ita karaia abia hidi amo ia ita hamoalea diba.
2. Abia hidi ta oi do karaia lasi neganai dahaka gaudia oi laloa guna be namo?
Baibel ia gwau: “Aonega tauna be do ia karaia gaudia ia laloa namonamo guna.” (Aonega Herevadia 14:15) Unai ena anina be abia hidi ta ita do karaia lasi neganai, ita laloa namonamo guna be namo. Abia hidi ta ta oi lalohadailaia neganai, sibona oi nanadaia: ‘Edena Baibel ena hakaua herevadia do lau badinaia? Edena abia hidi ese lau dekenai lalomaino do ia henia? Egu abia hidi ese haida do ia hahekwakwanaia, a? Mai anina bada gauna be egu abia hidi ese Iehova do ia hamoalea, a?’—Deuteronomi 32:29.
Iehova be mai ena maoro ita dekenai dahaka be namo bona dahaka be dika ia gwauraia totona. Iena taravatu bona hakaua herevadia ita dibaia bona badinaia neganai, ita be iseda lalomamina ita hadibaia noho. Lalomamina ese ita ia hadibaia bema gau ta be ia maoro eiava ia kerere. (Roma 2:14, 15) Lalomamina ita hadibaia namonamo karana ese ita do ia durua abia hidi namodia ita karaia totona.
DIBA MA HAIDA ABIA
Abia hidi karaia totona, Baibel ena hakaua herevadia bona lalomamina ese ita idia durua dalana oi dibaia.
3. Baibel ese oi ia hakaua be namo
Edena dala ai abia hidi ita karaia neganai Baibel ena hakaua herevadia ese ita ia hakaua? VIDIO itaia, bona henanadai herevalaia.
-
Ura kwalimu be dahaka?
-
Dahaka dainai Iehova ese ita dekenai ura kwalimu ia henia?
-
Ita dekenai dahaka heduru ia henia, unai amo ura kwalimu be dala maorona ai do ita gaukaralaia namonamo?
Baibel ena hakaua hereva ta oi itaia totona, Efeso 5:15, 16 duahia. Bena emu “nega do [oi] gaukaralaia namonamo” daladia herevalaia, hegeregere . . .
-
dina ta ta ai Baibel oi duahia.
-
headava tau eiava hahine, tama sina, natuna mero o kekeni namona ai oi lao.
-
kongrigeisen heboudia dekenai oi lao totona.
4. Abia hidi namodia oi karaia totona emu lalomamina oi hadibaia
Bema oi ura karaia gauna ta be Baibel ese ia herevalaia hedinarai namonamo, do ia auka lasi abia hidi maorona oi karaia totona. To bema Baibel ese unai ia herevalaia lasi be edena bamona? VIDIO itaia, bona henanadai herevalaia.
-
Vidio ai, taihu be dahaka ia karaia ena lalomamina ia hadibaia, bona abia hidi ia karaia Iehova ia hamoalea totona?
Dahaka dainai haida ita noia lasi ita totona abia hidi idia karaia? Heberu 5:14 duahia, bena inai henanadai herevalaia:
-
Reana haida ita noia diba ita totona abia hidi do idia karaia, to ita sibona ese dahaka ena idau ita diba be namo?
-
Dahaka ese oi ia durua diba emu lalomamina oi hadibaia namonamo bona abia hidi namodia oi karaia totona?
Iseda lalomamina be mapu bamona mauri lalonai ita ia durua abia hidi ita karaia totona
5. Ma haida edia lalomamina oi matauraia
Taunimanima ta ta be disisen idauidau idia karaia. Edena dala ai ma haida edia lalomamina ita matauraia diba? Inai haheitalai rua mani oi laloa:
Haheitalai 1: Nega momo ia ura vairana ia penia bona toana hahairaia gaudia (o makeup) ia atoa taihu ta be kongrigeisen ma ta dekenai ia lao, bona unuseniai haida ese makeup idia atoa neganai taihu momo ia hahekwakwanaia.
Roma 15:1 bona 1 Korinto 10:23, 24 duahia, bena inai henanadai herevalaia:
-
Inai siri hegeregerena, taihu be dahaka abia hidi do ia karaia? Dahaka do oi karaia bema emu lalomamina ese oi karaia gauna ia abia dae, to oi ida ia noho tauna ena lalomamina dekenai unai be kerere?
Haheitalai 2: Tadikaka ta ia diba Baibel ese alkahol inua karana ia taravatua lasi, bona dala maorona ai ia gaukaralaia be namo, to abia hidi ia karaia alkahol do ia inua lasi. Bena moale ta dekenai ia idia boiria, bona unuseniai ia itaia tadikaka be alkahol idia inua.
Hadibaia Tauna 7:16 bona Roma 14:1, 10 duahia, bena inai henanadai herevalaia:
-
Inai siri hegeregerena, unai tadikaka be dahaka abia hidi do ia karaia? Dahaka do oi karaia bema oi itaia ta ese ia karaia gauna be emu lalomamina ia hahekwakwanaia?
Dahaka do oi karaia abia hidi namodia karaia totona?
1. Iehova oi noia ia ese oi do ia durua oi ura karaia gauna oi abia hidi totona.—Iamesi 1:5.
2. Tahua gaukarana karaia Baibel bona Baibel pablikeisen ai, oi do ia durua hakaua herevadia oi dibaia bona badinaia totona. Danu ekspiriens Keristani tadikaka o taihu oi hereva henidia diba.
3. Oi karaia abia hidi ese emu lalomamina bona ma haida edia lalomamina dekenai do ia havaraia gaudia oi laloa.
HAIDA IDIA GWAU: “Oi ura karaia gauna dekenai oi be mai emu maoro. Taunimanima edia hereva eiava lalohadai oi laloa lasi.”
-
Dahaka dainai Dirava ena hemami bona haida edia hemami ita laloa be namo?
POINT BADANA
Iehova ena lalohadai ita dibaia neganai, abia hidi namodia do ita karaia bena iseda kara ese haida do ia durua eiava hahisia do ita laloa.
Riviu
-
Edena dala ai oi karaia abia hidi ese Iehova ia hamoalea diba?
-
Edena dala ai emu lalomamina oi treinia diba?
-
Edena dala ai oi hahedinaraia diba haida edia lalomamina oi matauraia?
REFERENS ITAIA
Oi karaia abia hidi ese edena dala ai emu hetura karana Dirava ida ia hagoadaia diba?
“Dirava Hanamoa Abia Hidi Karaia” (Gima Kohorona, April 15, 2011)
Iehova ese ita dekenai sisiba ia henia dalana oi lalopararalaia namonamo.
Dahaka gaudia ese tau ta ia durua abia hidi badana ta ia karaia totona oi itaia.
Iehova ese kara ta dekenai taravatu ta ia atoa lasi neganai, ia hamoalea totona diba ma haida oi abia.
“Baibel Ena Taravatu ese Nega Ibounai Oi Ia Hakaua be Namo, A?” (Gima Kohorona, December 1, 2003)
Reana Inai Danu Oi Ura
Momo Edia Henanadai
Iehova Ena Witnes Taudia be Dahaka Baibel Stadi Kosi Idia Karaia?
Iehova Ena Witnes Taudia ese idia karaia Baibel stadi be davana lasi, bona oi ura henia Baibel oi gaukaralaia diba. Emu ruma bese eiava turadia oi boiria diba stadi lalonai idia helai totona.
