TIMEƔRI TIS 35

Amek ara neţţaṭṭaf leqrarat yelhan?

SEL S

Akken ma nella neţţaṭṭaf leqrarat. Kra si leqrarat-agi zemren a d-ǧǧen lateṛ d ameqran ama di tudert-nneɣ ama di lɛalaqa-nneɣ d Yahwa. Ɣef lemtel, neţţextiṛi anda ara nezdeɣ, neţţextiṛi axeddim-nneɣ, ma yewwi-d a nezweǧ neɣ ala, neɣ ayen nniḍen. Ma neţţaṭṭaf leqrarat yelhan, nekni a nefṛeḥ, Yahwa ad yefṛeḥ yis-neɣ.

1. Amek i ɣ-yeţɛawan Wedlis Iqedsen akken a neţţaṭṭaf leqrarat yelhan?

Uqbel aţ-ţeṭṭfeḍ kra n ṛṛay, ḍleb-as i Yahwa a k-iwelleh. Ssexdem daɣen Adlis Iqedsen akken aţ-ţeẓreḍ amek i geţwali timsal (ɣer-ed Lemtul 2:3-6). Tikwal, tzemreḍ aţ-ţafeḍ deg-s kra n lqanun i d-yeqqaren swaswa d acu i glaqen a t-txedmeḍ. Ihi, bac aţ-ţeṭṭfeḍ ṛṛay yelhan, tbeɛ lqanun-agi i d-tufiḍ.

Meɛna, d acu ara txedmeḍ m’ur d-tufiḍ ara deg Wedlis Iqedsen lqanun i d-yeqqaren swaswa d acu i glaqen a t-txedmeḍ? Ula di liḥala-yagi, Yahwa a k-iwelleh “deg webrid ideg ilaq aţ-ţedduḍ” (Icɛaya 48:17). Amek? Tzemreḍ aţ-ţafeḍ deg Wedlis Iqedsen ayen umi i neqqar imenzayen. Amenzay n Wedlis Iqedsen d aselmed yesɛan azal i d-yesskanayen d acu i geţxemmim Yahwa neɣ ayen swayes i geţḥussu. Ɣef lemtel, nezmer a naf d acu i geţxemmim Yahwa ɣef kra n temsalt, m’ara nɣer yiwet n teqsiṭ yellan deg Wedlis Iqedsen. M’ara nwali d acu i geţxemmim, a nizmir imiren a neṭṭef leqrar ara s-iɛeǧben.

2. Ɣef wacu i glaq a nxemmem uqbel a neṭṭef leqrar?

Adlis Iqedsen yeqqar-ed: “Uḥṛic iţmeyyiz anda ara yesres aḍar-is” (Lemtul 14:15). Lmeɛna-s, ilaq a neţxemmim uqbel a neṭṭef kra n leqrar. Ɣef lemtel, steqsay iman-ik akka: “D acu-ten imenzayen n Wedlis Iqedsen i glaq ad ssexdmeɣ di liḥala-yagi? Ma ṭṭfeɣ ṛṛay-agi, ad yethedden lxaṭer-iw? Acu n lateṛ ara d-yeǧǧ deg wiyaḍ ṛṛay ara ṭṭfeɣ? A s-yeɛǧeb ṛṛay-agi i Yahwa?” (Asmekti 32:29).

D Yahwa umi i geţţunefk a ɣ-d-yini d acu i gelhan, d acu i diri. Ma neţnadi a nissin leqwanen-is akk-d imenzayen-is yerna neţqadar-iten, ad yethedden lxaṭer-nneɣ. Lxaṭer-nneɣ yeţɛawan-aɣ a nxeddem lxilaf ger wayen yelhan d wayen n diri (Iṛumaniyen 2:14, 15). Ma nesnum ayen yelhan i lxaṭer-nneɣ, a neţţaṭṭaf leqrarat yelhan.

A NNADI A NEFHEM AKTEṚ

A nwali acḥal i sɛan azal imenzayen n Wedlis Iqedsen, a nwali daɣen amek i ɣ-yeţɛawan lxaṭer-nneɣ akken a neţţaṭṭaf leqrarat yelhan.

3. Ţţaǧǧa Adlis Iqedsen a k-iwelleh

Amek i zemren a ɣ-ɛiwnen imenzayen n Wedlis Iqedsen bac a neţţaṭṭaf leqrarat yelhan? Walit BIDYU-YAGI, mbeɛd hedṛet ɣef yesteqsiyen i d-iţeddun.

BIDYU: Ţţaǧǧat imenzayen n Wedlis Iqedsen a ken-wellhen (5:54)

Acu i ɣ-yeţţaǧǧa Yahwa a t-nexdem?
Ayɣer i gefka Yahwa i yemdanen tilelli ad xtiṛen ayen i bɣan?
D acu i ɣ-d-yefka Yahwa bac a ɣ-iɛiwen a nessexdam akken ilaq tilelli-nneɣ di lxetyaṛ?

Ɣret-ed Ifasusiyen 5:15, 16. Deg yefyar-agi, yella umenzay n Wedlis Iqedsen i d-yeqqaren: “Farṣet lweqt”, yeɛni ssexdamet akken ilaq lweqt-nwen. Amek i tzemreḍ aţ-ţessexdmeḍ amenzay-agi...

akken aţ-ţeqqareḍ yal ass Adlis Iqedsen?
akken aţ-ţesɛeddayeḍ lweqt akk-d tmeṭṭut-ik (neɣ akk-d wergaz-im), akk-d warraw-ik, neɣ akk-d imawlan-ik?
akken aţ-ţḥeddṛeḍ i inejmuɛen?

4. Ţṛebbi lxaṭer-ik bac a k-iɛiwen aţ-ţeţţaṭṭafeḍ leqrarat yelhan

M’ara d-yini Wedlis Iqedsen swaswa d acu i glaqen a t-nexdem, yeshel fell-aneɣ a neṭṭef ṛṛay. Meɛna, d acu ara nexdem m’ur d-yefki ara qbala kra n lewṣaya? Walit BIDYU-YAGI, mbeɛd hedṛet ɣef westeqsi i d-iţeddun.

BIDYU: ‘Sɛut lxaṭer yetheddnen’ (5:13)

D acu i texdem weltma-tneɣ akken aţ-ţṛebbi lxaṭer-ines w’aţ-ţeṭṭef leqrar i gɛeǧben i Yahwa?

Ayɣer ur ilaq ara a neṭṭalab i wiyaḍ ad ţţaṭṭafen leqrarat deg wemkan-nneɣ? Ɣret-ed Iɛebṛaniyen 5:14, mbeɛd hedṛet ɣef yesteqsiyen-agi:

D ṣṣeḥ, yeshel akteṛ a neṭṭalab i wiyaḍ d acu ara xedmen deg wemkan-nneɣ. Meɛna, d acu i glaq a nessiweḍ a t-nissin s yiman-nneɣ?
Acu n dduzan n unadi ara ɣ-iɛiwnen a nṛebbi lxaṭer-nneɣ akken a neţţaṭṭaf leqrarat yelhan?

Lxaṭer-nneɣ yecba lkarṭa i ɣ-d-yesskanayen iberdan; yeţɛawan-aɣ a neţţaṭṭaf leqrarat yelhan.

5. Ţqadar lxaṭer n wiyaḍ

Mkul yiwen d acu-t leqrar ara yeṭṭef di kra n temsalt. Amek ara d-nbeggen belli neţqadar lxaṭer n wiyaḍ? A d-nwalit snat n liḥalat:

Liḥala tamezwarut: Yiwet n weltma-tneɣ tḥemmel aţ-ţels aserwal di lecɣal-is n yal ass neɣ m’ara temlil akk-d leḥbab-is. Llebsa-yagi ur teɛǧib ara i tyessetmatin n tejmaɛt-is tajdiṭ.

Ɣret-ed Iṛumaniyen 15:1 akk-d 1 Ikurintiyen 10:23, 24, mbeɛd hedṛet ɣef yesteqsiyen-agi:

Ma teǧǧa weltma-tneɣ ifyar-agi a ţ-wellhen, d acu-t ahat leqrar ara teṭṭef? Yezmer a k-id-yaf lḥal d walbeɛḍ ur neţxemmim ara am kečč. Ɣef lemtel, lxaṭer-is ur s-isemmeḥ ara ad yexdem kra n lḥaǧa, meɛna ar ɣur-ek ulac fell-as. D acu ara txedmeḍ di liḥala-yagi?

Liḥala tis 2: Ɣas akken Adlis Iqedsen ur iḥeṛṛem ara tissit n ccṛab, yiwen n gma-tneɣ yeṭṭef leqrar ur itess ara. Yiwet n tmeddit yeţwaɛreḍ ɣer imensi, iwala kra n Inagan n Yahwa la tessen ccṛab.

Ɣret-ed Amusnaw 7:16 akk-d Iṛumaniyen 14:1, 10, mbeɛd hedṛet ɣef yesteqsiyen-agi:

Ma yeǧǧa gma-tneɣ ifyar-agi a t-wellhen, d acu-t ahat leqrar ara yeṭṭef? D acu ara txedmeḍ ma twalaḍ yiwen wass albeɛḍ yexdem kra n lḥaǧa ur k-isemmeḥ ara lxaṭer-ik i kečč a ţ-txedmeḍ?

Akken aţ-ţeṭṭfeḍ leqrar yelhan

1. Ḍleb-as i Yahwa a k-iwelleh (Yeɛqub 1:5).

2. Nadi deg Wedlis Iqedsen akk-d tezmamin-nneɣ imenzayen i geɛnan liḥala-inek. Tzemreḍ daɣen a d-tciwṛeḍ imasiḥiyen ijeṛṛben.

3. Xemmem ɣef lateṛ i gezmer a d-yeǧǧ leqrar ara teṭṭfeḍ ama di lxaṭer-ik ama di lxaṭer n wiyaḍ.

KRA QQAREN: “Ur yi-d-tewqiɛ ara deg wayen i ţxemmimen wiyaḍ. Ad xedmeɣ ayen i y-iɛeǧben!”

Ayɣer i glaq a neţxemmim ɣef wayen i geţḥussu Ṛebbi akk-d wayen i ţḥussun wiyaḍ?

AYEN I D-NELMED

Akken a neţţaṭṭaf leqrarat yelhan, ilaq a nẓer amek i geţwali Yahwa timsal w’a neţxemmim ɣer lateṛ yelhan neɣ ɣer lateṛ n diri i zemren a d-ǧǧen lefɛayel-nneɣ deg wiyaḍ.