35-ساباق
قالاي دۇرىس شەشىم قابىلداۋعا بولادى؟
ٴبارىمىز ومىردە شەشىم قابىلداپ جاتامىز. ولاردىڭ كوبىسى وزىمىزگە دە، ەحوبامەن دوستىعىمىزعا دا ايتارلىقتاي اسەر ەتەدى. مىسالى، قايدا تۇراتىنىمىزدى، قالاي اقشا تاباتىنىمىزدى، نەكە قۇرامىز با، جوق پا — سونى شەشۋ كەرەك بولىپ جاتادى. دۇرىس شەشىم جاساساق، ٶزىمىز دە باقىتتى بولامىز، ەحوبانى دا قۋانتامىز.
1. دۇرىس شەشىم قابىلداۋعا كيەلى كىتاپ قالاي كومەكتەسەدى؟
شەشىم قابىلداماس بۇرىن، ەحوبادان كومەك ىزدەپ، دۇعا ەتىڭىز. سونىمەن قاتار سول ماسەلەگە قاتىستى ەحوبانىڭ ويىن ٴبىلۋ ٷشىن كيەلى كىتاپقا ٷڭىلىڭىز (ناقىل سوزدەر 2:3—6 وقىڭىز). ەحوبا كەيبىر ماسەلەلەرگە قاتىستى ناقتى نۇسقاۋ بەرگەن. سول نۇسقاۋعا مويىنسۇنۋ ەڭ دۇرىس شەشىم بولار ەدى.
ال نە ىستەۋ كەرەكتىگىنە قاتىستى كيەلى كىتاپتا ناقتى نۇسقاۋ بولماسا شە؟ مۇندايدا دا ەحوبا ٴسىزدى باعىتسىز قالدىرماي، «جۇرۋگە ٴتيىس جولمەن جەتەلەيدى» (يشايا 48:17). قالاي؟ سىزگە قاجەتتى پرينسيپتەر ارقىلى. كيەلى كىتاپ پرينسيپتەرى دەگەن — قۇدايدىڭ ويى مەن سەزىمدەرىن بىلۋگە كومەكتەسەتىن نەگىزگى شىندىقتار. ٴجيى ٴبىز كيەلى كىتاپتاعى ٴبىر وقيعانى وقىپ وتىرىپ، قۇدايدىڭ قانداي دا ٴبىر جايتقا قاتىستى كوزقاراسىن ٴبىلىپ جاتامىز. سونى بىلگەندە، وعان ۇنايتىن شەشىم قابىلداي الامىز.
2. شەشىم قابىلداماس بۇرىن نەنى ويلاۋ كەرەك؟
كيەلى جازبالاردا: «پاراساتتى ٵر قادامىن ويلاپ باسادى»،— دەلىنگەن (ناقىل سوزدەر 14:15). بۇل — ماسەلەنىڭ بىرنەشە شەشىمى بار بولسا، ٴبىر توقتامعا كەلمەس بۇرىن، جاقسىلاپ ويلانىپ الۋىمىز كەرەك دەگەن ٴسوز. ٵر شەشىمدى سارالاۋعا سىزگە مىنا سۇراقتار كومەكتەسەدى: «قانداي كيەلى كىتاپ پرينسيپتەرىن قولدانسا بولادى؟ وسى شەشىمنەن كەيىن كوڭىلىم تىنىش بولا ما؟ بۇل شەشىمىم وزگەلەرگە جاقسى اسەر ەتە مە، جامان با؟ ال ەڭ باستىسى، ەحوبانى قۋانتا ما؟» (مۇسانىڭ 5-جازباسى 32:29).
بىزگە نەنىڭ جاقسى، نەنىڭ جامان ەكەنىن ايتۋعا ەحوبانىڭ قۇقى بار. ونىڭ زاڭدارى مەن پرينسيپتەرىن جاقسى ٴبىلىپ، ولاردى ورىنداۋعا بەكىنسەك، ار-ۇجدانىمىزدى تاربيەلەيمىز. ال ار-ۇجدان دەگەنىمىز — بىزگە دۇرىس پەن بۇرىستى ايتىپ وتىراتىن ىشكى سەزىم (ريمدىكتەرگە 2:14، 15). جاقسى تاربيەلەنگەن ار-ۇجدان دۇرىس شەشىمدەر جاساۋعا كومەكتەسەدى.
تەرەڭىرەك ٷڭىلىڭىز
كيەلى كىتاپ پرينسيپتەرى مەن ٴبىزدىڭ ار-ۇياتىمىز جاقسى شەشىم قابىلداۋعا قالاي كومەكتەسەتىنىن بىلەيىك.
3. كيەلى كىتاپ باعىت بەرەدى
شەشىم قابىلداعاندا قالاي كيەلى كىتاپ پرينسيپتەرى بىزگە باعىت بەرە الادى؟ بەينەروليكتى كورىپ، تومەندەگى سۇراقتاردى تالقىلاڭىزدار:
-
تاڭداۋ ەركىندىگى دەگەن نە؟
-
ەحوبا بىزگە تاڭداۋ ەركىندىگىن نە ٷشىن بەرگەن؟
-
تاڭداۋ ەركىندىگىمىزدى دۇرىس قولدانۋ ٷشىن ەحوبا بىزگە نە بەردى؟
كيەلى كىتاپتاعى ٴبىر ٴپرينسيپتى كورۋ ٷشىن ەفەستىكتەرگە 5:15، 16 وقىڭىزدار. سوسىن مىنا جاعدايلاردا قالاي «ۋاقىتتى بارىنشا ٴتيىمدى پايدالانۋعا» بولاتىنىن تالقىلاڭىزدار:
-
كيەلى كىتاپتى جۇيەلى تۇردە وقۋ ٷشىن؛
-
جاقسى جار، اتا-انا، ۇل يا قىز بولۋ ٷشىن؛
-
كەزدەسۋلەرگە بارۋ ٷشىن.
4. ار-ۇجدانىڭىزدى دۇرىس شەشىم جاساۋعا ۇيرەتىڭىز
قۇداي سوزىندە ٴبىر جايتقا قاتىستى ناقتى نۇسقاۋ بولعان كەزدە دۇرىس شەشىم جاساۋ قيىن ەمەس. ٴبىراق ناقتى نۇسقاۋ بولماسا شە؟ بەينەروليكتى كورىپ، مىنا سۇراقتى تالقىلاڭىزدار:
-
بەينەروليكتەگى ايەل ار-ۇجدانىن تاربيەلەۋ ٷشىن جانە ەحوباعا ۇنايتىن شەشىم قابىلداۋ ٷشىن نە ىستەدى؟
نەگە ٴبىز ٷشىن شەشىمدى باسقالار قابىلداماۋ كەرەك؟ ەۆرەيلەرگە 5:14 وقىپ، مىنا سۇراقتاردى تالقىلاڭىزدار:
-
باسقالاردان «مەنىڭ ورنىمدا بولساڭ، نە ىستەر ەدىڭ؟» دەپ سۇراي سالۋ وڭاي شىعار. ٴبىراق سولاي ەتسەك، نەنى ۇيرەنە المايمىز؟
-
سىزگە ار-ۇجداندى تاربيەلەۋگە جانە دۇرىس شەشىم جاساۋعا كومەكتەسەتىن قانداي زەرتتەۋ قۇرالدارى بار؟
ار-ۇجدان كارتا سياقتى ومىرىمىزگە باعىت بەرەدى
5. باسقالاردىڭ ار-ۇياتىن قۇرمەتتەڭىز
ٵر ادام ٵرتۇرلى شەشىم قابىلدايدى. سونداي كەزدە باسقالاردىڭ ار-ۇياتىن قۇرمەتتەيتىنىمىزدى قالاي كورسەتسەك بولادى؟ ەكى جاعدايدى قاراستىرايىق:
1-جاعداي: بويانۋدى جاقسى كورەتىن ٴبىر ايەل باۋىرلاس باسقا قاۋىمعا اۋىسادى. سول قاۋىمداعى كوپ ايەل باۋىرلاس بويانعاندى ونشا جاقتىرا بەرمەيدى ەكەن.
ريمدىكتەرگە 15:1 جانە قورىنتتىقتارعا 1-حات 10:23، 24 وقىپ، مىنا سۇراقتاردى تالقىلاڭىزدار:
-
وسى تارماقتارعا ساي، بۇل ايەل باۋىرلاس قانداي شەشىم قابىلداۋى مۇمكىن؟ قانداي دا ٴبىر نارسەنى ىستەۋگە ٴسىزدىڭ ار-ۇياتىڭىز جىبەرسە، باسقالاردىكى جىبەرمەۋى مۇمكىن. سونداي ادامنىڭ قاسىندا بولساڭىز، ٴسىز نە ىستەيسىز؟
2-جاعداي: ٴبىر ەر باۋىرلاس ىشىمدىكتى ورىندى مولشەرمەن ٸشۋدى كيەلى كىتاپ ايىپتامايتىنىن بىلەدى، ٴبىراق ٶزى ىشپەۋدى شەشەدى. ونى ٴبىر وتىرىسقا شاقىرعاندا، ول ەر باۋىرلاستاردىڭ ىشىمدىك ٸشىپ جاتقانىن كورەدى.
ۋاعىزداۋشى 7:16 مەن ريمدىكتەرگە 14:1، 10 وقىپ، كەلەسى سۇراقتاردى تالقىلاڭىزدار:
-
وسى تارماقتارعا ساي، بۇل باۋىرلاس نە ىستەۋدى شەشۋى مۇمكىن؟ ٴسىزدىڭ ار-ۇجدانىڭىز جىبەرمەيتىن نارسەنى بىرەۋدىڭ ىستەپ جۇرگەنىن كورسەڭىز، نە ىستەر ەدىڭىز؟
دۇرىس شەشىم قابىلداۋ ٷشىن نە ىستەۋ كەرەك؟
1. ەحوبادان كومەك سۇراۋ. سوندا نە ىستەۋ كەرەكتىگىن شەشۋ جەڭىل بولادى (جاقىپ 1:5).
2. ىزدەنۋ. قاجەتتى پرينسيپتەردى تابۋ ٷشىن كيەلى كىتاپتان جانە وعان نەگىزدەلگەن ادەبيەتتەردەن ىزدەنىڭىز. سونداي-اق تاجىريبەسى بار ماسىحشىلەرمەن اقىلداسساڭىز بولادى.
3. سالدارىن قاراستىرۋ. شەشىمىڭىز ٴسىزدىڭ جانە وزگەلەردىڭ ار-ۇياتىنا قالاي اسەر ەتەتىنى تۋرالى ويلانىپ كورىڭىز.
كەيبىرەۋلەردىڭ ايتاتىنى: «نە ىستەسە دە، اركىم ٶزى بىلەدى، كىم نە ويلاسا دا ٴبارىبىر».
-
نەگە ٴبىز قۇدايدىڭ جانە باسقالاردىڭ سەزىمىن ويلاۋىمىز كەرەك؟
تۇيىندەمە
دۇرىس شەشىم جاساۋ ٷشىن ەحوبانىڭ سول ماسەلەگە قاتىستى ويىن ٴبىلۋىمىز كەرەك جانە ٴبىزدىڭ ارەكەتىمىز باسقالارعا قالاي اسەر ەتەتىنىن ويلاۋىمىز قاجەت.
قايتالاۋ
-
ەحوباعا ۇنايتىن شەشىمدى قالاي قابىلداي الاسىز؟
-
ار-ۇجدانىڭىزدى قالاي تاربيەلەي الاسىز؟
-
باسقالاردىڭ ار-ۇجدانىن قۇرمەتتەيتىنىڭىزدى قالاي كورسەتە الاسىز؟
قوسىمشا ىزدەنىڭىز
جاسايتىن شەشىمدەرىڭىز قۇدايمەن دوستىعىڭىزدى قاتايتۋ ٷشىن نە ىستەۋ كەرەك؟
ەحوبا بىزگە اقىل-كەڭەستى قالاي بەرەتىنىن ٴبىلىڭىز.
ٴبىر ەر ادامعا ماڭىزدى شەشىم قابىلداۋعا نە كومەكتەسكەنىن كورىڭىز.
«ەحوبا بار جاقسىسىن ايامايتىنىنا كەپىلدىك بەرەدى» (46:5)
ٴبىر ماسەلەگە قاتىستى ناقتى نۇسقاۋ بولماعاندا، ەحوبانىڭ كوڭىلىنەن قالاي شىعۋعا بولادى؟
قىزىقتى بولار مالىمەتتەر
ٴجيى قويىلاتىن سۇراقتار
كيەلى كىتاپتى زەرتتەۋ ساباعى دەگەن نە؟
كيەلى كىتاپتى اقىسىز زەرتتەۋ ساباعىنا قاتىستى سۇراقتارىڭىزعا جاۋاپ الىڭىز.
