ДӘРСА 35
Ча Сафикьрьнед Рʹаст Бькьн
Әм гьшк жи тʹьме сафикьрьна дькьн. Гәләк сафикьрьнед мә зәʹф һʹӧкӧм дьбьн һьм сәр мә, һьм жи сәр достийа мә тʹәви Йаһоԝа. Мәсәлә, әм сафи дькьн кӧ кʹидәре бьжин, ча әʹбура хԝә бькьн у бьзәԝьщьн йан на. Һәрге әм сафикьрьнед рʹаст бькьн, әме бәхтәԝар бьн у дьле Йаһоԝа ша кьн.
1. Кʹьтеба Пироз ча дькарә али тә бькә, ԝәки сафикьрьнед рʹаст бьки?
Пешийа кӧ тьштәки сафи ки, Йаһоԝарʹа дӧа кә, ԝәки али тә бькә у Кʹьтеба Пироз леколин кә, сәва бьзаньби ньһерʹандьна Йаһоԝа сәр ве дәрәще чь щурʹәйи йә (Бьхунә Мәтʹәлок 2:3-6.) Кʹьтеба Пирозда бона һьнә дәрәща рʹебәрийа рʹастә-рʹаст һәйә. Дәрәщед ӧсада сафикьрьна лапә баш ԝе әԝ бә, кӧ ԝан рʹебәрийа ԛәбул ки.
Ле тӧ чь гәрәке бьки, чахе Кʹьтеба Пирозда дәрһәԛа дәрәща тә, рʹебәрийа рʹастә-рʹаст тʹӧнә? Баԝәр бә кӧ Йаһоԝа ԝе дәрәщед ӧсада жи тә ве рʹерʹа бьвә, кʹижанерʹа тӧ гәрәке һәрʹи (Ишайа 48:17). Ле чь щурʹәйи? Тӧ дькари Кʹьтеба Пирозда ԝан принсипа бьвини, кʹижан кӧ ԝе али тә бькьн. Принсипед Кʹьтеба Пироз рʹастийед сәрәкә нә, кʹижан кӧ фькьр у һәстед Хԝәде әʹйан дькьн. Гәләк щар әм ньһерʹандьна Хԝәде һьндава һьнә дәрәща педьһʹәсьн, чахе Кʹьтеба Пироз дьхуньн. Занәбуна ԝе йәке кӧ Йаһоԝа ча дьньһерʹә сәр һьнә тьшта, али мә дькә сафикьрьнед рʹаст бькьн.
2. Пешийа кӧ сафикьрьна бьки, тӧ чь гәрәке һьлди һʹәсаб?
Кʹьтеба Пирозда те готьне: «Йе аԛьл дина хԝә дьдә гавед хԝә» (Мәтʹәлок 14:15). Демәк пешийа кӧ әм тьштәки сафи кьн, гәрәке ԝәʹдә бьвиньн, ԝәки дәрһәԛа ве йәке бьфькьрьн, у паше пьрсед ӧса бьдьнә хԝә: «Кʹижан принсипед Кʹьтеба Пироз әз гәрәке бьдьмә хәбате? Кʹижан сафикьрьн ԝе рʹьһʹәтийа дьл бьдә мьн? Сафикьрьна мьн ԝе ча сәр мәрьва һʹӧкӧм бә? У пьрса лапә фәрз әԝ ә, кӧ сафикьрьна мьн ԝе Хԝәде хԝәш бе йан на?» (Ԛануна Дӧщари 32:29).
Изьна Йаһоԝа һәйә сафи кә кӧ чь рʹаст ә у чь на. Чахе әм ԛанун у принсипед Йаһоԝа заньн у дьдьнә хәбате, ӧса әм исафа хԝә рʹаст һин дькьн. Исаф мәрʹа әʹйан дькә чь рʹаст ә у чь на (Рʹомайи 2:14, 15). Исафа һинкьри ԝе али мә бькә сафикьрьнед рʹаст бькьн.
КʹУР ЛЕКОЛИН КӘ
Пебьһʹәсә кӧ ча принсипед Кʹьтеба Пироз у исафа мә али мә дькьн сафикьрьнед рʹаст бькьн.
3. Бьра Кʹьтеба Пироз рʹебәрийе тә бькә
Чахе әм сафикьрьна дькьн, принсипед Кʹьтеба Пироз ча рʹебәрийе мә дькьн? Вехә ВИДЕО, у паше ван пьрса шеԝьр кә:
-
Азайа бьжартьне чь йә?
-
Йаһоԝа чьрʹа азайа бьжартьне дайә мә?
-
Йаһоԝа чь дайә мә, ԝәки әм сафикьрьнед лапә баш бькьн?
Бьхунә Әфәси 5:15, 16 у принсипәкә Кʹьтеба Пироз бьвинә, кʹижан кӧ дәрһәԛа ве йәке йә, кӧ ԝәʹдә рʹаст хәрщ кьн. Паше бьфькьрә кӧ тӧ ча дькари ԝәʹде хԝә рʹаст хәрщ ки, ԝәки . . .
-
тʹьме Кʹьтеба Пироз бьхуни
-
жьн, мер, кӧрʹ, йан ԛизәкә баш би
-
һәрʹи щьвате.
4. Исафа хԝә һин кә ԝәки сафикьрьнед рʹаст бьки
Чахе Кʹьтеба Пирозда дәрһәԛа тьштәки рʹебәрийа рʹастә-рʹаст һәйә, һьнге һеса йә сафикьрьна рʹаст бьки. Ле тӧйе чь бьки һәрге рʹебәрийа рʹастә-рʹаст тʹӧнә? Вехә ВИДЕО, у паше ван пьрса шеԝьр кә:
-
Ве видеойеда хушке чь кьр, ԝәки исафа хԝә һин кә, сәва сафикьрьна рʹаст бькә у дьле Йаһоԝа ша кә?
Щарна дьбәкә дьһа һеса бә, ԝәки кәсәки дьн дәԝса мә сафикьрьна бькә. Ле чьрʹа әв йәк ԝе нәрʹаст бә? Бьхунә Ибрани 5:14, у паше ван пьрса шеԝьр кә:
-
Һәр кәс жь мә чь гәрәке хԝәха бькарьбә бькә?
-
Чь дькарә али тә бькә, ԝәки исафа хԝә һин ки у сафикьрьнед рʹаст бьки?
Исафа мә мина хәрите рʹийа рʹаст нишани мә дькә
5. Ԛәдьре исафа мәрьвед дьн бьгьрә
Сафикьрьнед мәрьва жь һәв щӧдә дьбьн. Ләма жи пьрс пешда те: Әм ча дькарьн һьндава исафа мәрьва ԛәдьр бьдьнә кʹьфше? Дӧ дәрәща шеԝьр кә:
Дәрәща 1: Хушкәк кʹижан кӧ һʹьз дькә хԝә гәләк бьхәмьлинә, дәрбази щьватәкә дьн дьбә, кʹидәре бона гәләк хушка хәмьландьна ӧса әʹщебмайи йә.
Бьхунә Рʹомайи 15:1 у 1 Корьнтʹи 10:23, 24, у паше ван пьрса шеԝьр кә:
-
Ль гора ԝан рʹеза әв хушк гәрәке чь бькьра? Һәрге исафа кәсәки наһелә ԝан тьшта бькә чь кӧ исафа тә дьһелә, һьнге анәгори ван рʹеза тӧйе чь бьки?
Дәрәща 2: Бьра занә ԝәки Кʹьтеба Пирозда найе готьне, кӧ ԛә ичʹке вәнәхԝьн. Ле йәкә әԝ сафи дькә, ԝәки ԛә ичʹке вәнәхԝә. Ԝи тʹәглиф дькьн тʹәвайи ԝәʹдә дәрбаз кьн, у әԝ дьвинә кӧ бьра ичʹке вәдьхԝьн.
Бьхунә Ԝаиз 7:16 у Рʹомайи 14:1, 10, у паше ван пьрса шеԝьр кә:
-
Ль гора ԝан рʹеза әв бьра гәрәке чь бькьра? Һәрге исафа тә наһелә ԝан тьшта бьки чь кӧ исафа мәрьвед дьн дьһелә, һьнге анәгори ван рʹеза тӧйе чь бьки?
Ча сафикьрьнед рʹаст бькьн?
1. Жь Йаһоԝа һиви кә, ԝәки али тә бькә сафикьрьна рʹаст бьки (Аԛуб 1:5).
2. Кʹьтеба Пироз у әʹдәбйәта леколин кә, ԝәки ԝан принсипа бьвини, кʹижан кӧ тәрʹа лазьм ьн. Тӧ ӧса жи дькари жь Мәсиһийед щерʹьбанди ширәта һьлди.
3. Бьфькьрә кӧ сафикьрьна тә ԝе ча һьм сәр исафа тә, һьм жи сәр исафа мәрьвед дьн һʹӧкӧм бә.
ҺЬНӘ МӘРЬВ ДЬБЕЖЬН: «Изьна тә һәйә чь дьхԝази бьки. Тәрʹа йәк нинә мәрьв чь дьфькьрьн?»
-
Тӧ ча дьфькьри, чьрʹа фәрз ә фькьред Йаһоԝа у ӧса жи фькьред мәрьва һьлди һʹәсаб?
ТʹӘМАМКЬРЬН
Сәва кӧ сафикьрьна рʹаст бькьн, әм гәрәке ньһерʹандьна Йаһоԝа пебьһʹәсьн у ӧса жи бьфькьрьн, кӧ ча әв сафикьрьна мә ԝе сәр мәрьва һʹӧкӧм бә.
Ԝәкʹьландьн
-
Тӧ ча дькари сафикьрьнед ӧса бьки, кʹижан кӧ ԝе дьле Йаһоԝа ша кьн?
-
Тӧ ча дькари исафа хԝә һин ки?
-
Тӧ ча дькари һьндава исафа мәрьва ԛәдьр бьди кʹьфше?
ҺЕ ЗЕДӘ ПЕБЬҺʹӘСӘ
Тӧ ча дькари сафикьрьнед ӧса бьки, кӧ достийа тә тʹәви Йаһоԝа ԛәԝи бә?
«Пе Сафикьрьнед Хԝә Хԝәде Рʹумәт кә» («Бьрща Ԛәрәԝьлийе», 15 Нисане, 2011)
Һе зедә пебьһʹәсә кӧ Йаһоԝа ча ширәта дьдә мә.
Пебьһʹәсә кӧ чь али мәрьвәки кьр, ԝәки пьрсәкә чәтьн сафи кә.
Пебьһʹәсә тӧ ча дькари дьле Йаһоԝа һьнге жи ша ки, чахе Кʹьтеба Пирозда бона дәрәща тә рʹебәрийа рʹастә-рʹаст тʹӧнә.
«Тӧ Һʹәму Дәрәщада Һʹәԝще Рʹебәрийа Кʹьтеба Пироз и?» («Бьрща Ԛәрәԝьлийе», 1 Кануна Пешьн, 2003)
Дьбәкә Wәрʹа Һʹәwас бә
ПЬРСЕД ГӘЛӘК МӘРИЙА
Чь Те Һʹәсабе Курса Һинбуна Кʹьтеба Пироз Тʹәви Шәʹдед Йаһоԝа?
Ԝәʹде курса бепʹәрә тʹәви Шәʹдед Йаһоԝа, тӧ дькари ве ԝәлгәрʹандьна Кʹьтеба Пироз бьди хәбате кʹижан тӧ дьхԝази. Тӧ дькари аза нәфәр у һәвалед хԝә жи тʹәглифи сәр һинбуне ки.
