DIILONGWEESH 35
I Mushind Kaay Utudy mwa Kwangat Mahangadik Malengel
Tut boos tudyaakal Twangat mahangadik. Mahangadik makwaabw, mady ni cidyem mwa kwiitulongel ni cidyem mwa kulongel bulund bwiitut ni Yehow. Cileejel, tudy mwa kwangat diihangadik bwa cyaab citudy mwa kushikacil, bwa mudimw utudy mwa kulong eecy bwa kusungul muut utudy mwa kutweel nend mu maluw. Tut bangat mahangadik malengel, tudy mwa kwiikal ni shikacil mulengel usaasangeej Yehow.
1. I mushind kaay udy Bibl mwa kwiitwambulwiish bwa kwangat mahangadik malengel?
Kuuhal kwa kwangat diihangadik, sambil Yehow bwa akwambulwiish ni kontonon cidy Bibl uleeb, bwa kumanyik mudy Yehow utal bwaal oobw. (Balaay Tusumw 2:3-6.) Misang yikwaabw, udy mwa kuhetomw mukenj musunguluk udy mwa kukwambulwiish. Uw muhangadik bwa kukooyel mukenj oow, i bwaal bulengel menmen.
Udy mwa kulong bicy, iikalok kakuy diiy disunguluk dya mu Bibl didy mwa kukuleej ciibuh kulong? Yehow wiiyiiy ‘kukulombol mu njil uwuloolond.’ (Yeshaay 48:17) Wiiyiiy kulong nook mushind kaay? Mu Bibl mudy may matam, mady mwa kukulombol. May matam ma mu Bibl i myand ya biin-biin yishimat, yileeleej mudy Mawej umvw ni ulang. Tumaamanyik mudy Mawej umvw bwa bwaal kaahand, i hatubaabal myand yidy mu Bibl. Hutumaamanyik mudy Yehow umvw, tudy mwa kwangat mahangadik mamusaasangeej.
2. I myand kaay yidy mwa kukwambulwiish bwa kwangat mahangadik malengel?
Bibl uleeleeb neey: “Muut mudimuk kiish mwa kwend diikas kay mulangoh meej.” (Tusumw 14:15) Byumvumvwiij neey, kuuhal kwiitut kwangat mahangadik, bikaam twiikal ni diib dya kulangil ha myand yitukaakaam kulong. Hawulaalangil ha myand yiwukaakaam kulong, iiyihanguj neey: ‘Bwaal oobw, buheehetanganok ni diiy kaay ditam dya mu Bibl? Diihangadik dinady mwa kwangat, didy mwa kuuyakishok diitalal dya mu micim eeny? I biny bidy diihangadik dyaam, mwa kulongelok baat bakwaabw? Didy mwa kwiiy kusangeejok nang-nang Yehow eeny?’—May Mumbulul 32:29.
Yehow i yiy udy ni bukenj bwa kwiitwambil cidy cilengel ni cidy cibiih. Hatuloolong bwa kumanyik mikenj yindiy ni may matam ni tut bangat diihangadik dya kwiibikooyel, twiiyiiy kwiikal ni mucim a mund mulengel. Mucim a mund, i bukash budy mund mwiitut bwiitwambambil cidy cilengel ni cidy cibiih. (Biin Rom 2:14, 15) Mucim a mund mulongweesh, wiitwambambulwiish bwiitut kwangat mahangadik malengel.
TWEEL MU BONDOK
Tal mudy may matam ma mu Bibl ni mudimw udy nend mucim a mund biikal ni buseeb bwa mahangadik matwangangat.
3. Lek Bibl akulombol
I mushind kaay udy may matam ma mu Bibl mwa kwiitwambulwiish hatwangangat mahangadik? Talaay VIDEO, ni isambilaay ha majooj aam.
-
Bwiiyiikadil bwa kwiisungwiil myand i biny?
-
Bwabiny Yehow i mwiitwaakish bwiiyiikadil bwa kwiisungwiil myand?
-
I biny bidy Yehow mwiitwaakish bwa kwiitwambulwish bwa kukal mudimw bilengel ni bwiiyiikadil bwa kwiisungwiil myand?
Balaay Efez 5:15, 16. Bwa nutal diiy ditam didyomw dya neey: ‘kalaay mudimw bilengel ni diib diinun,’ didy mwa kwiinwambulwish bwa . . .
-
kwiikal ni ciibidil cya kwiibadil Bibl.
-
kwiikal mwiin maluw mulengel, mulel mulengel, mwaan mulengel eecy sand mulengel.
-
kutweel mu bisangil bya cisumbw.
4. Longweesh mucim a mund iibuh, bwa kwangat mahangadik malengel
Hadyok Diiy kaahand dya mu Bibl, ditaatal bwaal kaahand, i biheehel bwa kwangat diihangadik. Ki udy mwa kulong bicy hadyok kakuy diiy kaahand disunguluk? Talaay VIDEO, ni isambilaay ha diijooj eedy.
-
Mu video oomw, i biny byaakady Emma mulong bwa kulongweesh mucim indiy a mund ni bwa kwangat mahangadik masaasangeej Yehow?
Bwabiny katwiin mwa kwambil baat bakwaabw bwa biitwangacil mahangadik? Balaay Ebreh 5:14, ni isambilaay ha majooj aam:
-
Ning mudyeby biheehel bwa kujooj baat bakwaabw cidyobw mwa kulong mu bwaal oobw, i biny bitudy mwa kujingunun bilondeshel bukookesh bwiitut kaayeet?
-
I mukand kaay wa kukaam nend myand, udy mwa kwiitwambulwiish bwiitut kulongweesh mucim iitut a mund ni bwa kwangat mahangadik malengel?
Teng bu mudyaakal kaalat, mucim iitut a mund wiitwambambulwiish bwa kwangat mahangadik malengel
5. Neemek mucim a mund a bakwaabw
Baat badyaakal bangat mahangadik mashiil-shiilangan. I mushind kaay utudy mwa kuneemek mucim a mund a bakwaabw? Tutal bileejel bibidy eeby:
Bwaal bwa kuuhal: Mwaaneet mwaan-mukaj i mukat kuvwaal mihan, hadyey ukal midimw yindiy eecy hadyey ni balund bindiy. Mushind indiy a kuvwaal oow, utaatacish biin-kweet baan-bakaj ba mu cisumbw cihyaacihy citweetweeley.
Balaay Biin Rom 15:1 ni 1 Biin Korent 10:23, 24, ni isambilaay ha majooj aam:
-
Bilondeshel verseh eey, i diihangadik kaay didy mwiin-kweet mwaan-mukaj oow, mwa kwangat? I biny biwiikal mwa kulong uw mwiikal ni baat bady mucim aababw a mund ulek kulong myand yidy mucim iibuh a mund ukwiitabil bwa kulong?
Bwaal bwiibiidy: Mwiin-kweet mwaan-mulum i mumanyik neey, Bibl kiish mulekesh kun kwa maal, ki yiy uleelek kwiiman, ki hadyobw bamubiikan mu cibil, usaasanganomw Batemw bakwaabw bend ban maal.
Balaay Muleej 7:16 ni Biin Rom 14:1, 10, ni isambilaay ha majooj aam:
-
Bilondeshel verseh eey, i diihangadik kaay didy mwiin-kweet mwaan-mulum oow mwa kwangat? I biny biwudy mwa kulong hawutaatal muut kaahand ulong bwaal budy mucim iibuh a mund ukulekesh bwa kulong?
I myand kaay yidy mwa kukwambulwiish bwa kwangat mahangadik malengel?
1. Lomb Yehow bwa akwambulwiish bwa umanyik cya kulong.—Jak 1:5.
2. Joojolol myand mu Bibl ni mu mikand yiitut bwa kuhet may matam mady mwa kukwambulwiish. Udy mwa Kukaamok cikwaabw dyambulwiish kudy mwiin Krist ukaady mushimat mu myand ya mu spirit.
3. Tal cidy diihangadik diibuh mwa kulongel mucim a mund iibuh ni mucim a mund a baat bakwaabw.
BAAT BAKWAABW BALEELEEB NEEY: “Udy mwa kulong bwaal boos buwudy mukat kulong. Mulaalangobw aamw ki munalaalang byany?”
-
Bwabiny i bilengel kumanyik mudy Mawej wiiyumvw ni mudy baat bakwaabw biiyumvw?
CYA KUKWAAT
Twangangat mahangadik malengel hatumaamanyik mudy Yehow utal bwaal aabw ni tulangil ha mushind udy bilong biitut mwa kwambulwiish baat bakwaabw eecy kwiibalongel bibiih.
Bwa kuvuluk
-
I mushind kaay uwudy mwa kwangat mahangadik masaasangeej Yehow?
-
I mushind kaay uwudy mwa kulongweesh mucim iibuh a mund?
-
I mushind kaay uwudy mwa kuneemek mucim a mund a bakwaabw?
MYAND YIKWAABW YA KUMANYIK
I mushind kaay uwudy mwa kwangat mahangadik mady mwa kukashish bulund bwiibuh ni Mawej?
“Angat Mahangadik Maakaakish Mawej Lutumb” (Cibumb cya Muteetekel 15/4/2011 mu Tshiluba)
Mudy Yehow wiitwaakish mibel mu mishind yishiil-shiilangan.
Tal myand yaakady yambulwiish mwiin-kweet mwaan-mulum bwa kwangat diihangadik dikasakan.
I mushind kaay utudy mwa kwangat mahangadik masaasangeej Yehow ning mu myand yidy Bibl kay muleeb?
You May Also Like
MAJOOJ MADYAAKAL BAAT BIYIHANGUJ
Dilong dya Bibl i Biny?
Het maalabul ku majooj habitaatal program kulong Bibl bya bituh.
