LONGI DIA 35
Aweyi Olenda Bakila Nzengo Zambote?
Yeto awonso tuwanananga ye mambu mevavanga vo twabakila mo nzengo. E nzengo tubaka zilenda kututwasila e mfwilu yovo nluta. Zilenda mpe fwasa yovo kumika e kikundi kieto yo Yave. Vekala ye ntangwa divava vo twabaka e nzengo za sola kuna tuzingila, una tulenda vuila e nzimbu muna lungisa e nsatu zeto, kana vo sompa tusompa yovo ve. Avo tubakidi nzengo zambote, tukala ye zingu kiakiese yo yangidika Yave.
1. Aweyi olenda sadila e Bibila mu baka nzengo zambote?
Vitila wabaka e nzengo, lomba lusadisu lwa Yave muna sambu yo vava zaya dina Bibila kivovanga mu kuma kia diambu ozolele bakila nzengo. (Tanga Ngana 2:3-6.) Ezak’e ntangwa, Yave ovananga nsiku miakiá. Ozevo, olemvokela nsiku miami i nzengo zambote olenda baka.
Kansi, adieyi tuvova avo muna Bibila ke muna nsiku ko watoma kiá uvovanga dina ofwete vanga? Zaya wo vo, Yave okwamanana kufila “muna nzila ina ofwete diatila.” (Yesaya 48:17) Mu nkia mpila? Muna lusadisu lwa nkanikinu miandi miasonama muna Bibila. E nkanikinu mia Bibila i ludi kia sina kisonganga ngindu za Nzambi ye una kemonanga. Nkumbu miayingi, avo tutangidi lusansu lumosi muna Bibila, tubakula una Yave kemonanga. Avo tubakwidi una Yave kemonanga, tuzaya e nzengo tulenda baka muna kunyangidika.
2. Nkia mambu ofwete teka yindula vitila wabaka nzengo?
Bibila kivovanga vo: ‘O nlungaladi otoma kebanga konso lutambi.’ (Ngana 14:15) Ediadi disongele vo vitila wabaka e nzengo, ofwete vaula e ntangwa mu toma yindula. Diambote wakiyuvula: ‘Nkia nkanikinu wa Bibila ndenda sadila mu diambu diadi? Avo mbakidi nzengo zazi, e ngindu zame zikala zavuvama? Nga e nzengo zazi mfwilu yovo nluta zitwasa kwa akaka?’ E kiuvu kisundidi o mfunu i kiaki: ‘Nga e nzengo nzolele baka ziyangidika Yave?’—Nsiku 32:29.
Yave una yo nswa wa kutuzayisa edi diambote ye edi diambi. Avo tutomene zaya e nsiku ye nkanikinu miandi yo tatidila mio, tulonga e ntona zeto. E ntona zikutusadisa mu zaya swaswanesa edi diambote ye edi diambi. (Roma 2:14, 15) Avo tutomene longa e ntona zeto, dikutusadisa mu baka nzengo zambote.
ZAYA DIAKA MANKAKA
Tala una nkanikinu mia Bibila ye ntona zeto zilenda kutusadisila mu baka nzengo zambote.
3. Yambula Bibila kiafila
Aweyi nkanikinu mia Bibila milenda kutusadisila vava tubakanga e nzengo? Tala e VIDEO, i bosi, vana e mvutu za yuvu ilende.
-
Nki i nswa wakuyisolela?
-
Ekuma Yave katuvanina nswa wakuyisolela?
-
Yave nki katuvana kilenda kutusadisa mu baka nzengo zambote?
Muna zaya nona kimosi kia nkanikinu a Bibila, tanga Efeso 5:15, 16. I bosi, yika una olenda toma ‘sadila e ntangw’aku’ muna . . .
-
tanganga e Bibila lumbu yawonso.
-
kituka yakala, nkento, se, ngudi yovo mwan’ambote.
-
kalanga muna tukutakanu.
4. Longa ntona zaku kimana zasadisa mu baka nzengo zambote
Avo muna Bibila muna yo nsiku watoma kiá, ke dikalanga diampasi ko mu baka nzengo zambote. Kansi, adieyi tuvova avo muna Bibila ke muna nsiku wasikididi ko? Tala e VIDEO, i bosi, vana e mvutu za yuvu ilende.
-
Nze una omwene muna video, nkia mambu o mpangi ankento kavanga mu longa e ntona zandi yo baka nzengo zayangidika Yave?
Ekuma ke tufwete lombela kwa akaka ko batubakila e nzengo? Tanga Ayibere 5:14, i bosi, vana e mvutu za yuvu eyi:
-
O lomba kwa akaka batubakila e nzengo dilenda kala diambote, kansi nkia diambu konso muntu mu yeto kafwete zaya?
-
Nki kilenda kusadisa mu longa ntona zaku yo baka nzengo zambote?
Nze mapa, e ntona zeto zilenda kutusadisa mu baka nzengo zambote muna zingu
5. Zitisanga ntona za akaka
Wau vo yeto awonso twaswaswana, e nzengo mpe tubakanga zaswaswana. Ozevo, aweyi tulenda songela vo tuzitisanga ntona za wantu ankaka? Yambula twabadika mambu mole malende:
Diambu dia 1: Mpangi mosi ankento ozolanga kuyikusa e bote, osobele e nkutakani. Muna nkutakani yoyo mpangi zamakento betanga sakuba vava bemonanga akento bayikusidi e bote.
Tanga Roma 15:1 ye 1 Korinto 10:23, 24, i bosi, vana e mvutu za yuvu eyi:
-
Landila e sono yayi, nkia nzengo mpangi a nkento ndioyo kafwete baka? Adieyi ovanga avo una yo muntu omwene vo e diambu ongeye ovangidi diambi mun’owu wa ntona zandi?
Diambu dia 2: Mpangi mosi ozeye wo vo Bibila ke kisimanga nua malavu mankolwa ko mu tezo, kansi obakidi nzengo zalembi nua. Obokelo kuna nkinzi yo mona vo mpangi zankaka mu nua bena malavu mankolwa.
Tanga Kimpovi 7:16 ye Roma 14:1, 10, i bosi, vana e mvutu za yuvu eyi:
-
Landila e sono yayi, nkia nzengo mpangi a ayakala ndioyo kafwete baka? Adieyi ovanga avo omwene muntu ovanganga diambu dina kuvanganga ko mu kuma kia ntona zaku?
Adieyi ofwete vanga muna baka nzengo zambote?
1. Samba kwa Yave kimana kasadisa mu zaya dina ofwete vanga.—Yakobo 1:5.
2. Vavulula muna Bibila ye muna nkanda mieto mu zaya nkanikinu ofwete sadila. Olenda mpe mokena ye mpangi zazikuka.
3. Yindula una ukala e ntona zaku ye ntona z’akaka mu kuma kia nzengo zina ozolele baka.
AVO MUNTU UVOVESE VO: “Ongeye una yo nswa wavanga konso dina ozolele. Dina wantu ankaka beyindulanga ke dina mfunu ko.”
-
Ekuma tufwete zitisilanga e ngindu za Nzambi ye za wantu ankaka?
MAMBU MASINA MA LONGI DIADI
Muna baka nzengo zambote, tufwete zaya ngindu za Yave mu kuma kia diambu tuzolele bakila e nzengo ye dina zilenda vanga kwa akaka.
Nkia Mambu Olongokele?
-
Aweyi olenda bakila nzengo ziyangidika Yave?
-
Aweyi olenda longela ntona zaku?
-
Aweyi olenda songela vo ozitisanga ntona za wantu ankaka?
TALA MPE OMA MALENDE
Aweyi olenda bakila nzengo zisiamisa kikundi kiaku yo Nzambi?
“Bak’e Nzengo Ziyangidika Nzambi” (Eyingidilu dia 15 dia Abidi, 2011)
Tala mpila zankaka Yave kekutuvaninanga luludiku.
Tala dina diasadisa muntu mosi mu baka nzengo zampasi.
Adieyi ofwete vanga avo muna Bibila ke muna nsiku watoma kiá ko muna diambu ozolele bakila e nzengo?
“Precisa Sempre Duma Ordem Bíblica?” (Eyingidilu dia 1 dia Desemba, 2003)
Nanga Oyangalela Mpe Malongi Mama
YUVU ITOMA YUVULWANGA
Ameyi Mevangamanga Muna Longi dia Bibila ye Mbangi za Yave?
Muna programa yayi ya ngovo ya longokela isadilwanga kwa Mbangi za Yave, olenda sadila kwaku konso nsekola ya Bibila. Olenda kwaku bokelesa esi nzo aku yawonso yovo akundi aku ana ozolele.
