LEKSION 35

¿Wiˈix mbäät nnijäˈäwëm pën oy mëdiˈibë ndunäˈänëm?

WINʼIX TI AYUK

Tsojkëp niˈamukë nwinˈijxëm ti ndunäˈänëm mä njukyˈäjtënëˈäjtëm. Extëm mä ntsëënëyäˈänëm, ti nijukyˈatäˈänëm ets pën pëkäˈänëm o kyaj. Per mëdiˈibë ndunäˈänëm mbäät ndukˈoyˈäjtëm o mbäät kyaj, ets mbäät nanduˈun xypyudëjkëm parë oy nˈijtëm mëdë Jyobaa o mbäät kyaj. Pën yëˈë nwinˈijxëm mëdiˈibë oy, ta nëjkx agujk jotkujk nnayjyäˈäwëm ets nanduˈunë Jyobaa.

1. ¿Wiˈix mbäädë Biiblyë mbudëkëty parë xynyijawët ti mdunëp?

Mä ti xykyatunynyëm, amdowë Jyobaa naybyudëkë ets payeˈey mä Biiblyë wiˈix tˈixy mëdiˈibë mdunaampy (käjpxë Proverbios 2:3-6). Näˈäty, mbëkaambyë kuentë ko Jyobaa tyimnigajpxypy ti mbäät xytyuny ets mdukˈoyˈataampy pën mmëmëdoopy.

¿Ets ko Biiblyë tkanigäjpxët pën oy mëdiˈibë mdunaampy? Këdii mmay mdäjy, Jyobaa yëˈë mdukniˈˈixëyanëp mëdiˈibë “nëˈë tuˈu mˈyeˈeyëp” (Isaías 48:17). ¿Wiˈix ttunäˈäny? Mnëˈëmoˈoyan mduˈumoˈoyanëp mët yëˈëgyëjxm ja yˈëwij kyäjpxwijën. Mä Biiblyë myëmiimbyë ëwij käjpxwijën mëdiˈibë mbäät nbawinmäˈäyëm ets nyajniwij nyajnikajëm parë nnijäˈäwëm wiˈixë Dios wyinmay ets wiˈix nyayjyawëty. Ko ngäjpxëm, mbäät nbëjkëmë kuentë wiˈixë Jyobaa tˈixy tuˈugë jotmay. Ets ko njaygyujkëm wiˈix nyayjyawëty ets wiˈix wyinmay, ta ndunäˈänëm mëdiˈibë kyupëkëp.

2. ¿Ti mbäät xywyinmay mä kyajnëm ti xytyuny?

Biiblyë jyënaˈany: ‘Yëˈë wijyjyaˈay mëk ttimyˈixy mä nyaxy tyëkën’ (Proverbios 14:15, TY). Yäˈädë tekstë yëˈë yˈandijpy ko mä kyajnëm tii nduˈunëm, jawyiin mbäät nbawinmäˈäyëm mëdiˈibë oybyëtsëmäämp. Mä jam xywyinmay ti mdunaampy, oy ko mnayajtëwëdët: “¿Mëdiˈibë tekstëts mbäät xypyudëkë? ¿Jotkujkëtsëdaa ok xyajnayjyawëdët? ¿Mbäädëdaa wiink jäˈäy yˈaxëktunyëty o pyudëkëty?”. Per mëdiˈibë mbäät niˈigyë nwinmäˈäyëm, yëˈë pën jotkujkë Jyobaa nyayjyawëdët (Deuteronomio 32:29).

Jyobaa myëdäjtypyë madakën parë xyˈanmäˈäyëm ti mbäät nduˈunëm ets ti kyaj. Ko yajxon njaygyujkëm ja yˈëwij kyäjpxwijën etsë net nguytyuˈunëm, ta oy tyuny ja jot winmäˈäny ets xytyukˈawäˈänëm ti oy ets ti kyaj (Romanʉs 2:14, 15). Pääty pën yajxon nduˈumoˈoyëm ja jot winmäˈäny, yëˈë xypyudëkëyäˈänëm parë nduˈunëm mëdiˈibë oy.

AK NIJAWE NIˈIGYË

Min nˈakˈijxëm nuˈunën jyëjpˈamëty xyajniwij xyajnikajët ja ëwij käjpxwijën mëdiˈibë miimp mä Biiblyë parë xyajˈyeˈeyët ja mjot mwinmäˈäny ko xywyinˈixët ti mdunaampy.

3. Naytyuktuˈumoˈoyëdë Biiblyë

Ko nwinˈijxëm ti ndunäˈänëm, ¿wiˈix xytyuˈumoˈoyëm ja käjpxwijën mëdiˈibë yajpatp mä Biiblyë ko nbawinmäˈäyëm ets nyajniwij nyajnikajëm? Ixtë BIDEO ets nimaytyäˈäktë mëdiˈibë yä yajtëëpy:

BIDEO: Nˈoknaytyuktuˈumoˈoyëm ja käjpxwijën mëdiˈibë yajpatp mä Biiblyë (5:54)

Ko Dios ojts xyajkojëm, ¿ti ojts xynyamoˈoyëm?
¿Tiko Jyobaa ojts xymyoˈoyëm ja madakën parë këˈëm nwinˈijxëm ti ndunäˈänëm?
¿Ti naybyudëkë Jyobaa të xymyoˈoyëm parë yajxon nyajtuˈunëm ja madakën mëdiˈibë nmëdäjtëm?

Min nˈokˈijxëm tuˈugë käjpxwijën mëdiˈibë mbäät nbawinmäˈäyëm ets nyajniwij nyajnikajëm. Käjpxtë Kolosʉ 4:5, ets ta net xynyimaytyäˈäktët wiˈix mbäät yajxon nyajtuˈunëm ja tiempë parë...

... ngäjpxëm bom bomë Biiblyë.
... oy nyajˈyaˈkëm ja uˈunk ënäˈk, oy ngasäädëˈäjtëm o nmëmëdoˈowëm ja tääk teety.
... nëjkxëm reunyonk.

4. Yajˈyeˈey ja mjot mwinmäˈäny parë xytyunët mëdiˈibë oy

Ko Biiblyë ttimynyigajpxy ti oy ets ti kyaj, ta pojën nnijäˈäwëm ti mbäät nduˈunëm. Per ¿pën kyaj mä tnigajpxy? Ixtë BIDEO ets nimaytyäˈäktë mëdiˈibë yä yajtëëpy:

BIDEO: “Mmëdat wäˈäts ja mjot mwinmäˈäny” (5:13)

Extëm të nˈijxëm mä bideo, ¿ti ja nmëguˈukˈäjtëm të ttuny parë të tmëwinmäˈänybyaaty ti Jyobaa kyupëjkypy?

¿Tiko kyaj mbäädë wiink jäˈäy xyˈanmäˈäyëm ti mbäät nduˈunëm? Käjpxtë Hebreos 5:14, TNM ets nimaytyäˈäktë mëdiˈibë yä yajtëëpy:

Kyaj wyiˈixëty ko wiink jäˈäy nyajtëˈëwëm ti mbäät nduˈunëm, ¿per tiko yˈoyëty ets këˈëm nyajˈyeˈeyëm ja jot winmäˈäny parë nwinˈijxëm mëdiˈibë oy?
¿Ti naybyudëkë jaˈäjtp parë nyajˈyeˈeyëm ja jot wyinmäˈäny etsë net nduˈunëm mëdiˈibë oy?

Jot winmäˈäny duˈun tyuny extëm tuˈugë mapë, mbäät xynyëˈëmoˈoy xytyuˈumoˈoyëm mä jukyˈäjtën.

5. Nˈokwingutsëˈkëm wiˈix ja nmëguˈukˈäjtëm wyinmaytyë

Kom wiˈixëm të nyaˈk të nbajtëm, pääty kyaj kyijpxyë ja jot winmäˈäny. ¿Wiˈix mbäät nwingutsëˈkëm ti ja nmëguˈukˈäjtëm tyuundëp ets wyinmääytyëp? Nˈokˈijxëm majtskë ijxpajtën.

Myëduˈuk: Tuˈugë toxytyëjk mëdiˈibë naygyukaˈpëp jantsy kon, nyëjkxy mä wiinkpë tuˈukmujkën, per jam kyaj ja nmëguˈukˈäjtëm tˈoyˈixtë.

Käjpxtë Romanʉs 15:1 etsë 1 Korintʉ 10:23, 24, ets nimaytyäˈäktë mëdiˈibë yä yajtëëpy:

Extëm yä të ngäjpxëm, ¿ti mbäät ja nmëguˈukˈäjtëm ttuny mëdiˈibë naygyukaˈpëp jantsy kon? Ets mijts, ¿ti mdunëp pën ja mmëguˈugë wyinmäˈäny kyaj tnasˈixë ttunët mëdiˈibë mijts mduumpy?

Myëmajtsk: Tuˈugë nmëguˈukˈäjtëm nyijäˈäwëp ko Biiblyë jyënaˈany ko kyaj wyiˈixëty ko jäˈäy waanë yˈuuky, per yëˈë të ja wyinmäˈäny tpëjktaˈaky ko kyaj yˈuugäˈäny. Ta yajwoy kaabyë ets jam tˈixy ko tam niduˈuk nimajtskë nmëguˈukˈäjtëm yˈuuktë.

Käjpxtë Eclesiastés 7:16 etsë Romanʉs 14:1, 10, ets nimaytyäˈäktë mëdiˈibë yä yajtëëpy:

Extëm yä të ngäjpxëm, ¿ti mbäät ttunyë yäˈädë nmëguˈukˈäjtëm? Ets mijts, ¿ti mdunëp pën ja mmëguˈuk jam tii ttuny mëdiˈibë kyaj ja mwinmäˈäny tnasˈixë?

¿Wiˈix mbäät xynyijawë pën oy mëdiˈibë mdunaampy?

1. Amdowë Jyobaa naybyudëkë parë xynyijawët ti mbäät xytyuny (Santya̱ˈa̱gʉ 1:5).

2. Payeˈey mä Biiblyë ets mä ëxpëjkpajn parë xypyäädët ja tekstë mëdiˈibë mnëˈëmoˈoy mduˈumoˈoyëdëp. Mbäät nanduˈun mbudëkëty tuˈugë nmëguˈukˈäjtëm.

3. Winmay wiˈix wyimbëtsëmäˈäny mëdiˈibë mdunaampy, wiˈix ok myajnayjyawëyaˈanyëty ets nanduˈun ja wiink jäˈäy.

NÄÄGË JÄˈÄY JYËNÄˈÄNDË: “Mijts mbäät xytyuny ti mdimytyunaampy. ¡Waˈan tˈixy wiˈixë jäˈäy jyënäˈänäˈändë!”.

¿Per tiko mbäät xymyëjpëjktaˈaky wiˈixë Dios nyayjyawëyaˈanyëty ets ja wiink jäˈäy?

TI TË NJÄJTËM

Mbäät oy wyimbëtsëmy mëdiˈibë ndunäˈänëm ko jawyiin nbayeˈeyëm wiˈixë Jyobaa tˈixy ets ko nwinmäˈäyëm pën ja wiink jäˈäy pudëkëyanëdëp o axëktunanëdëp.