ISAMBILILO 35
Vino Tungaapingula Ningo pa Vintu
Swensi kwene tukakwata vino tulinzile ukupingulapo. Ivingi pa vintu vivyo vingaya ivisuma nanti iviipe nupya vingakuma ucuza witu na Yeova. Wakwe, tungapingulapo kuno tukulonda ukwikala, vino tungaakwata impiya zya kuisakamalilamo, nanti ndi cakuti tulatwala nanti ukutwalwa. Nga tukupingula ningo pa vintu, tungaya nu umi usuma nupya tungaazanzya Yeova.
1. Uzye Baibo ingatwazwa uli ukupingulapo ningo ivya kucita?
Lino mutatala mwapingulapo pali vimwi, mwapepa ukuti Yeova amwazwe ukumanya vino akaelenganya pa vintu vivyo. (Belengini Mapinda 2:3-6.) Umu vintu vimwi Yeova wikako masunde amu kulungatika. Fwandi ukuvwila masunde yayo ali cintu campomvu cino mungapingulapo ukucita.
Uzye lyene mungacita uli ndi cakuti pasi isunde ilya muli Baibo ilya mu kulungatika? Yeova angamutungulula “umu nzila ino mulinzile kupita mwenemo.” (Ezaya 48:17) Angacita uli vivyo? Kwaya ivisinte ivingamutungulula. Ivisinte vya muli Baibo i vyeo vya cumi ivikatwazwa ukumanya vino Leza akaelenganya na vino akayuvwa. Ilingi tukasambilila vino Leza akayuvwa pa vintu vimwi nga twabelenga ilyasi limwi muli Baibo. Nga twamanya vino Yeova akayuvwa, tungapingulapo ivingamuzanzya.
2. I vyani vino mulinzile ukwelenganyapo lino mutatala mwapingula pali vimwi?
Baibo ikati: ‘Uwa mano akawaka imipitile yakwe.’ (Mapinda 14:15) Cii cikupiliula ukuti lino tutatala twapingulapo pali vimwi, tulinzile ukwelenganya pali vino tukulonda ukupingulapo. Lino mukwelenganya pali vino mukulonda ukupingulapo, mwayuzya ukuti: ‘I cisinte ci ica muli Baibo icingangazwa? I vyani ivingalenga inje na melenganyo asuma? Uzye vino namapingulapo vimakuma uli yauze? Ni cicindamisye i cakuti, uzye vingalenga Yeova aye ni nsansa?’—Malango 32:29.
Yeova wakwata insambu zya kutunena iciipe ni cisuma. Nga twamanya ningo masunde yakwe ni visinte, nupya tukuvilondela, tulaya na kampingu musuma. Kampingu witu, uuntu wa mukasi uukatwazwa kumanya ivisuma ni viipe. (Loma 2:14, 15) Nga twasambilizya ningo kampingu witu cingalenga twapingula ningo pa vintu.
LONDELEZYINI NA VYUZE
Sambililini vino kampingu ni visinte vya muli Baibo vingatwazwa ukupingulapo ningo pa vintu.
3. Mwaleka Baibo iyamutungulula
Uzye ivisinte vya muli Baibo vingatutungulula uli lino tukupingulapo pa vintu? Tambini VIDYO, alino mulanzyanye mauzyo atiyalondelelapo.
-
U wila ci usuma uno Yeova watupeela?
-
U mulandu cino uno Yeova watupeelela maka ya kuipingwila pa vintu?
-
I vyani vino watupeela ivikatwazwa ukupingula ningo pa vintu?
Pakuti mumanye icisinte cimwi icaya muli Baibo, belengini Efeso 5:15, 16. Lyene mulanzyanye vino ‘mungaomvya ningo insita’ uku . . .
-
kubelenga Baibo lyonsi.
-
kuya ya iya, aci, avyazi, nanti ana asuma.
-
kuzanwa umu kulongana.
4. Mwasambilizya kampingu winu ukulapingula ningo pa vintu
Ndi cakuti pali isunde ilya muli Baibo ilya mu kulungatika, cingatwangukila ukupingulapo ningo pali vimwi. Nga ndi cakuti kusi isunde ilili lyonsi, tungacita uli? Tambini VIDYO, alino mulanzyanye iuzyo ilyatililondelelapo.
-
Uzye i vyani vino nkazi uwalali muli vidyo iwacita pakuti asambilizye kampingu wakwe nu kupingulapo ivingazanzya Yeova?
U mulandu ci uno tutalinzile ukunena yauze ukutupingwilako pa vintu vino tulinzile ukuipingwila? Belengini Aebele 5:14, alino mulanzyanye mauzyo yaa:
-
Nanti icakuti cinganguka ukunenako yauze ukutupingwila ivya kucita, ivyani vino tulinzile ukupusanya sweineco?
-
I vyani vino tungaomvya ukusambilizya ningo kampingu witu nu kulapingula ningo pa vintu?
Wakwe mapu, kampingu witu akatutungulula umu umi
5. Mwacindika ya kampingu ya yantu yauze
Antu apusanepusane yangapingula ivipusane pa vintu. Tungalanga uli ukuti twacindika ya kampingu ya yanji? Katulande pa vintu viili:
Ica kutandikilapo: Nkazi uwatemwa ukuzwala matolozi wakukila umu cilongano cino ya nkazi aingi yakaelenganya iviipe pa muntu aakazwala matolozi.
Belengini Loma 15:1 na 1 Kolinto 10:23, 24, alino mulanzyanye mauzyo yaa:
-
Ukulingana ni vikomo vii, uzye nkazi angapingulapo uli? Mungacita uli ndi cakuti muli nu muntu wino kampingu wakwe akumunena ukuti atalinzile ukucita ivintu vino mwemo mukacita?
Cakwe ciili: Umwina wamanya ukuti Baibo itaalesya ukumwa uwengwa umukulinga, lelo wasoololapo ukukanamwa uwengwa. Yamwama uku kuliila pamwi kuno wazana aina yakumwa nu wengwa.
Belengini Kasambilizya 7:16 na Loma 14:1, 10, alino mulanzyanye mauzyo yaa:
-
Ukulingana ni vikomo vii, uzye umwina angapingulapo uli? Mungacita uli ndi cakuti mwalola umwi akucita ivintu vino kampingu winu akumunena ukuti mutalinzile ukucita?
I vyani vino mulinzile ukucita pakuti mwapingula ningo pa vintu?
1. Mwalenga Yeova ukuti amwazwe ukumanya ivya kucita.—Yakobo 1:5.
2. Mwalondelezya muli Baibo nu mu mpapulo pakuti muzane ivisinte ivingamwazwa. Munguzyako na Ina Klistu aombela Yeova pa myaka iingi.
3. Mwaelenganya pali vino mwapingulapo na vino vingakuma kampingu inu na ya kampingu ya yantu yauze.
YAMWI YAKALANDA UKUTI: “Wakwata insambu zya kucita vyonsi vino ukulonda ukucita. Vino yauze yangelenganya vitacindama.”
-
U mulandu ci uno tulinzile ukwelenganyizizya pali vino Leza na antu yauze yamauvwa?
VINO TWASAMBILILA
Tukapingulapo ningo ndi cakuti twamanya vino Yeova akayuvwa pa vintu vivyo nu kwelenganya ndi cakuti vino tukucita vilaazwa yauze nanti ukuyasosya.
I vyani vino mwasambilila?
-
Mungapingulapo uli ivya kucita ivingazanzya Yeova?
-
Mungasambilizya uli kampingu winu?
-
Tungalanga uli ukuti twacindika ya kampingu ya yantu yauze?
LONDELEZYINI
Mungapingulapo uli ivya kucita ivingakomya ucuza winu na Leza?
“Mwapingulapo Ivintu Ivikazanzya Leza” (Lupungu Lwa Mulinzi, Epuleo 15, 2011)
Sambililini na vyuze pali vino Yeova akatupandako mano.
Sambililini ivyazwile umonsi umwi ukupingula ningo pa vintu ivitale.
Sambililini na vyuze pali vino mungazanzya Yeova lino mukupingula pali vimwi vino masunde yatalanda umu kulungatika.
“Uzye Lyonsi Mukalondekwa Ukutungululwa na Masunde ya Muli Baibo?” (Lupungu Lwa Mulinzi, Dizemba 1, 2003)
Limwi Mungatemwa Ukulolako na Vii
MAUZYO YANO ANTU YAKAUZYA SANA
Uzye Isambililo Lya Baibo Ali Cani?
Zanini masuko ku mauzyo pali vino tukasambilizya antu Baibo ukwaula ukuyalipilisya.
