LISOMU LA 35

Jinsi ju Kuhenga Maamuzi Gasapi

INA

Kila mundu juhenga maamuzi. Maamuzi gatuhenga gawesa kuba na matokeu gasapi au giliaha na gawesa kuathili ukosi gwitu na Yehova. Ku mfanu, pangi tuhitaji kuamu mahali patwitama, kasi jetwihenga, au anatwipunga ndoa. Patuhenga maamuzi gasapi, tukuba na maisha gina laa na tunfulahisha Yehova.

1. Bibilia jiwesa kugujangati bo kuhenga maamuzi gasape?

Kabla jukuhenga uamuzi, salila kuka Yehova gundoba jugujangatya alafu gusungusa maoni gaki Mmbibilia kuhusu lijambu heli. (Soma Methali 2:3-6.) Wakati fulani, Yehova jutupwagi lijambu hususa lukuhenga. Anajibi amuli hususa, lijambu la busala libi kugutii mwongosu ogu.

Namuna bo ana ngakuba amuli hususa Mmbibilia kuhusu lijambu legupaswa kuhenga? Yehova jwagulongua “mwindela jegupaswa kujenda.” (Isaya 48:17) Jinsi bole? Guwesa kupata kanuni ambayu yeyagulongua. Kanuni ya Bibilia ndo kweli yu msingi yeiyekumawasu na hisia ika Mungu. Ku kawaida tuelewa maoni gika Mungu kuhusu lijambu fulani patusoma lisimulizi la Bibilia. Patuelewa jinsi Yehova ejuhisi, tuwesa kuhenga maamuzi gagunfulahisha.

2. Gupaswa kuholale mambu bo kabla jukuhenga uamuze?

Bibilia jipwaga: “Mwelevu juwasali kila hatua.” (Methali 14:15) Heli limaanisha kwamba kabla ju kuhenga uamuzi tupaswa kuholale kumakini mambu gowa gagahusika. Pagusungusa kila lijambu, lilalukya ana: ‘Ibi kanuni bo ya Bibilia yeihusika? Gubi uamuzi bo gogwinetila amani ja akili? Uamuzi gwa gwibya na matokeu bo kwa bandu bange? Lijambu muhimu ngani, bo, uamuzi gongo gwamfulahisha Yehova?’—Kumbukumbu la Tolati 32:29.

Yehova jubi na haki jukutuamuli mambu gasapi na giliaha. Patuelewa sapi shelia na kanuni yaki nukuazimi kuipwata, tuyobalake dhamili jitu. Dhamili ndo uwesu gogubi nkati jitu gukumanya mambu gagafaa na gengekufaa. (Waroma 2:14, 15) Twajiyobalake dhamili jitu, jatujangatia kuhenga maamuzi gasapi.

HEMBA NGANI

Libola jinsi dhamili na kanuni ya Bibilia eiwesa kutujangati kuhenga maamuzi.

3. Pwata mwongozu gwa Bibilia

Kanuni ya Bibilia iwesa kutujangati bo kuhenga maamuze? Langia KIDEU, halafu nndongalya maswali gagapwata.

KIDEU: Ileka Kanuni ya Bibilia Yugulongua (5:54)

Yehova jutupeki zawadi bo jikanzika?
Kwa ndaba jaki Yehova jutupekya uhulu gukujiamulia?
Jutupeki ki ili kutujangati kuhenga maamuzi bola?

Ili gugubona mfanu gwa kanuni ja Bibilia, soma Waefeso 5:15, 16. Halafu nndongalya jinsi eguwesa ‘kutumi sapi kabisa wakati gwaku’ ili . . .

kusoma Bibilia ku ukawaida.
kuba gunndomi, gunhanamundu, gumzazi, gwamwana, au binti bola.
kuhudhuli mikutanu jilikutaniku.

4. Yobalakya dhamili jaku kuhenga maamuzi gasapi

Pakukuba na amuli hususa ja maandiku kuhusu lijambu, ndo laisi kuhenga uamuzi gogufaa. Lakini bo anangakuba amuli hususa? Langia KIDEU, halafu nndongalya liswali lelipwata.

KIDEU: “Dumisha Dhamili Jasapi” (5:13)

Dada mukideu hesi jwajukua hatua bo ili kuyobalake dhamili jaki nukuhenga uamuzi gogunfulahisha Yehova?

Kwa ndaba jaki ngasetupaswa kwaloba bandu bangi atuhengila maamuzi? Soma Waebrania 5:14, halafu nndongalya maswali ganga:

Ingawa pangi kuwesa kuba laisi kwaloba bangi butuhengila uamuzi, tupaswa kuba nuuwesu gukutofautisha kike?
Gabi mambu bo gagawesa kutujangati kuyobalake dhamili jitu nu kuhenga maamuzi gasape?

Dhamili ndo kama lamani jejutulongo kujenga maamuzi mumaisha

5. Jiheshimua dhamili ja bandu bangi

Maamuzi gitu gatofautiana na maamuzi ga bandu bangi. Tuwesa kulangibo kwamba tuheshimu dhamili ja bandu bange? Holalya hali ibeli yeipwata:

Hali ja 1: Dada jojupai kujipamba juhami likutaniku ambalu akadada bingi akwazika pababona bandu akijipamba.

Soma Waroma 15:1 na 1 Wakorintho 10:23, 24, halafu nndongalya maswali ganga:

Kulengana na maandiku haga, dada hoju juwesa kuamu kuhenga kike? Gwihenga ki pagushugulika na mundu ambaju dhamili jaki junkana kuhenga lijambu ambalu dhamili jaku jijetakela?

Hali ja 2: Ndugu ambaju jumanyiki kwamba Bibilia ngasejikana kunywa ugwembi ku kiasi, lakini juamu kukotoka kunywa ugwembi. Ankalibisha mu taflija ambapu jwabona akandugu akunywa ugwembi.

Soma Mhubili 7:16 na Waroma 14:1, 10, halafu nndongalya maswali ganga:

Kulengana na maandiku aga, ndugu hoju juwesa kuamu kuhenga kike? Gwihenga ki ana gumbweni mundu juhenga lijambu ambalu dhamili jaku juguhibalaki kuhenga?