35-ШЕ УРОК
Сай решенийым кузе лукташ?
Мыланна эре решений-влакым лукташ логалеш. Нунын гыч шукышт мемнан илышлан да Иегова дене кыл кучымашлан чот влиятлен кертыт. Мутлан, ме решенийым луктына, кушто илаш, кушто пашам ышташ, мужыраҥаш але уке. Сай решенийна-влак мемнам пиаланым ыштат да Иеговам куандарат.
1. Библий тыланда сай решенийым лукташ кузе полша?
Решенийым лукмо деч ончыч, Иеговалан кумалын, тудын деч полышым йодса да пален налза, мом тиде йодыш шотышто Библийыште возымо. Тыге те Юмын шонымыжым умылен налыда. (Притчи 2:3—6 лудын лекса.) Южо йодыш шотышто Иегова раш ойла, мом ышташ лиеш, а мом ок лий. Тунам сайрак лиеш тудын ойлымыжо почеш ышташ.
Но тендам тургыжландарыше йодыш-влак шотышто Библийыште нимат возымо огыл гын, мом ышташ? Иегова тыланда садак ончыкта, могай корно дене каяш (Исайя 48:17). Тидым Юмо принципше-влак гоч ышта. Библийысе принцип-влак — тиде Юмын шонымыжым умылаш полшышо тӱҥ туныктымаш-влак. Шукыж годым Юмын шонымыжым Библийым лудмына годым пален налына. Кунам ме умылен налына, мом Иегова иктаж-мо шотышто шона, тунам тудлан келшыше решенийым луктын кертына.
2. Решенийым лукмо деч ончыч мом шотыш налман?
Библийыште возымо: «Шекланыше еҥ кажне ошкылым шонен ышта» (Притчи 14:15). Тугеже, решенийым лукмо деч ончыч вашкыде да сайын шоналтыман. Тыгай годым шке деч йодса: «Тиде ситуацийлан могай библийысе принцип-влак келшен толыт? Тыге ыштем гын, чонемлан ласка лиеш мо? Решением весе-влаклан пайдам але эҥгекым конда? Лукмо решением Иеговам куандара мо?» (Второзаконие 32:29).
Иегован праваже уло мыланна ойлаш, мо сай, а мо уда. Юмын закон ден принципше-влак нерген шинчымашым налын да нунын почеш илен, ме шкенан совестьнам туныктена. Совесть — тиде кӧргӧ шижмаш, кудыжо мыланна умылаш полша, ме чын ыштена але уке (Римлян-влаклан 2:14, 15). Туныктымо совесть сай решенийым лукташ полша.
КЕЛГЫНРАК ШЫМЛЕН НАЛЗА
Ончалына, кузе библийысе принцип-влак ден совестьна решенийым лукташ полшат.
3. Тек тендам Библий виктара
Кузе библийысе принцип-влак мыланна сай решенийым лукташ полшат? ВИДЕОРОЛИКЫМ ончалза да вашмутым пуыза:
-
Мо тыгай ойырен налаш эрык?
-
Молан Иегова мыланна ойырен налаш эрыкым пуэн?
-
Ойырен налаш эрыкым сайрак кучылташлан тудо мыланна мом пуэн?
Ончалына ик библийысе принципым. Ефесян-влаклан 5:15, 16 лудын лекса. Вара умылтарыза, кузе те жапым пайдалынрак кучылтын кертыда...
-
кажне кечын Библийым лудашлан;
-
сайрак марий але вате, ача але ава, эрге але ӱдыр лияшлан;
-
вашлиймашыш кошташлан.
4. Совестьдам туныктыза
Библийыште иктаж-мо шотышто раш кӱштымаш уло гын, чын решенийым лукташ йӧсӧ огыл. Но ситуацийда нерген Библийыште нимат возымо огыл гын, кузе лийман? ВИДЕОРОЛИКЫМ ончалза да вашмутым пуыза:
-
Совесть Иеговалан келшыше решенийым лукташ полшыжо манын, ака мом ыштен?
Весе-влакым мемнан олмеш решенийым лукташ молан йодаш огеш кӱл? Еврей-влаклан 5:14 лудын лекса да вашмутым пуыза:
-
Весе-влакым мемнан олмеш решенийым лукташ йодына гын, мом ышташ ме нигунамат она тунем?
-
Совестьдам туныкташ да сай решенийым лукташ тыланда мо полша?
Совестьна навигатор семын мемнам илыш корно дене виктара
5. Весе-влакын совестьыштым пагалыза
Тӱрлӧ еҥ тӱрлӧ решенийым луктеш. Весе-влакын совестьыштым пагалена манын, кузе ончыкташ? Кок ситуацийым ончен лектына.
1 ситуаций. Шкем чиялташ йӧратыше ака тыгай погынымашыш кусна, кушто ака-влак гыч шукышт косметикым кучылташ ок йӧрӧ манын шонат.
Римлян-влаклан 15:1 да 1 Коринфян-влаклан 10:23, 24 лудын лекса да вашмутым пуыза:
-
Нине почеламут-влакым шотыш налын, ака мом ыштен кертеш ыле? Вес еҥын совестьше иктаж-мом ышташ чара, а тендан совестьда тидымак ок чаре гын, могай решенийым луктыда?
2 ситуаций. Библий аракам йӱмӧ деч ок чаре манын, иза пала. Но аракам йӱаш огыл решенийым луктеш. Икана, унала толын, тудо ужеш: вес иза-влак аракам йӱыт.
Экклезиаст 7:16 да Римлян-влаклан 14:1, 10 лудын лекса да вашмутым пуыза:
-
Нине почеламут-влакым шотыш налын, иза мом ыштен кертеш ыле? Совестьда тыланда иктаж-мом ышташ чара, а вес еҥ тидым ышта гын, могай решенийым луктыда?
Кузе сай решенийым лукташ?
1. Решенийым лукташлан Иегова деч полышым йодса (Иаковын 1:5).
2. Библийыште да Библий негызеш публикаций-влакыште тендан ситуацийлан келшен толшо принцип-влакым кычалза. Тыгак опытан христиан-влак дене каҥашен кертыда.
3. Лектыш нерген шонкалыза: кузе лукмо решенийда тендан совестьлан да вес еҥ-влакын совестьыштлан варажым влиятла.
ИКТАЖ-КӦ КАЛАСЕН КЕРТЕШ: «Мом ыштымет шуэш — ыште, тидлан тыйын прават уло. Мом весе-влак шонат, тылат садиктак лийшаш».
-
Молан Юмын да вес еҥ-влакын шижмашыштым шотыш налаш кӱлеш?
ТӰҤ ШОНЫМАШ
Сай решенийым лукташлан Иегован шонымыжым пален налман да шоналтыман: лукмо решением весе-влаклан пайдам але эҥгекым конда.
Ушештарымаш
-
Кузе Иеговалан келшыше решенийым лукташ?
-
Совестьнам туныкташ мо полша?
-
Весе-влакын совестьыштым пагаледа манын, кузе ончыктен кертыда?
ЕШАРТЫШЛАН
Кузе тыланда тыгай решений-влакым лукташ, кудышт Иегова дене йолташ лиймыдам пеҥгыдемдат?
«Юмым чапландарыше решений-влакым лукса» («Орол башне» 15 апрель, 2011 ий)
Шукырак пален налза, кузе Иегова мыланна каҥашым пуа.
Ик рвезылан йӧсӧ решенийым лукташ мо полшен, ончалза.
Библийыште раш кӱштымашым возымо огыл гын, пален налза, кузе Иеговалан келшыше решенийым лукташ.
«Тыланет кажне ситуацийлан келшен толшо библийысе закон кӱлеш мо?» («Орол башне» 1 декабрь, 2003 ий)
Вас также может заинтересовать
ЧӰЧКЫДЫН ПУЭДЫМЕ ЙОДЫШ-ВЛАК
Иегован Таныкше-влакын Библийым шымлыме курсышт кузе эрта?
Иегован Таныкше-влак Библийым шымлыме курсым темлат. Шымлыме годым те шкендан Библийым кучылтын кертыда да шымлымашыш ешдам але йолташда-влакым ӱжын кертыда.
