KAPITEL 35
Wosoo koine wij gaur uutsuiken måke?
Wij ale muite uutsuiken måke. Feel måls dat kan oosem leewend un ümgang mit Jehovaa sër dul angåe. Soo as, kan sin wij muite uutsuike woo wij wåne wile, wosoo oos ernäärt krijge urer of wij frijge urer ni. Wen wij gaur uutsuiken måke, oos leewend wart frööliger un wij daue Jehovaa gefale.
1. Wosoo kast duu doir dai Bijbel gaur uutsuiken måke?
Airer as wat uutsuike, beer tau Jehovaa, forlang sijn hülp un dau saie wat dai Bijbel dåroiwer sägt. (Lees Provérbios 2:3 bet 6) In wek daile, Jehovaa giwt ain gans klår geboot. Den, dat best dail wat’s duu måke kast is dës geboot horge.
Åwer, un wen ine Bijbel ni ain klår ordnung is wat dij sägt wat’s duu måke schast? Nog soo, Jehovaa wart dij lenke “upm weeg woo’s duu up gåe must”. (Isaías 48:17) Åwer wosoo? Ine Bijbel sin belërungs wat dij helpe koine. Dës belërungs sin wårhëte wat oos inlëre wat Jehovaa denke däit oiwer wek daile. Mëstümer daue wij ruuterfijne wat God denke däit wen wij ain geschicht ine Bijbel leese. Wen wij forståe wosoo as Jehovaa sich befijne däit, koine wij uutsuiken måke wat em gefale.
2. Woo must duu andenke airer as wat uutsuike?
Ine Bijbel stäit: “Dai forständig denkt gaud airer as dai wat mökt.” (Provérbios 14:15) Dit bedüürt dat airer dat wij wat uutsuike, wij muite dåroiwer grüüwle un andenke an ales wat dårmit besägen hät. Duu kast dij soo fråge: ‘Wat fon wårhëte fone Bijbel daue sich hijr tau passe? Dit uutsuiken giwt mij freere? Wosoo gäit mij uutsuiken der andrer an?’ Un dat oiwerst is: ‘Dit uutsuiken wart Jehovaa fröölig låte?’ (Deuteronômio 32:29)
Jehovaa hät dai recht taum sägen wat richtig un forkërd is. Wen wij Jehovaa sijn belërungs un wårhëte gaud kene un dai horge wile, oos forstand wart gaud inlërt sin. Dai forstand is forståe krijge of air dail richtig urer forkërd is. (Romanos 2:14 un 15) Air forstand wat gaud inlërt is helpt oos gaur uutsuiken måke.
DAU MËR LËRE
Dau saie wosoo dai wårhëte fone Bijbel un oos forstand oos helpe koine gaur uutsuiken måke.
3. Låt dat dai Bijbel dij lenke däit
Wen wij uutsuiken måke, wosoo koine oos dai wårhëte fone Bijbel helpe? Kijkt der VIDEO. Nåheer fortelt oiwer dai frågen hijr uuner:
-
Wotau sin wij frai?
-
Woweegen hät Jehovaa oos fraihët taum uutsuiken geewt?
-
Wat hät Jehovaa oos geewt dat wij dat best uutsuiken måke koine?
Taum ain wårhët saie wat ine Bijbel in stäit, leest Efésios 5:15 un 16. Nåheer fortelt oiwer wosoo kast duu ‘dijn tijd up dai best årt benutse’ taum . . .
-
dai Bijbel jërer dag leese.
-
air beetet kërl urer fruug, papa urer mama, jong urer määke ware.
-
up dai forsamlunge sin t’hoop mit dai gemaind.
4. Dau dijne forstand inlëre taum gaur uutsuiken måke
Wen dai Bijbel gans klår oiwer air dail is, is lichter waite wat wij måke muite. Åwer, un wen dai Bijbel ni gans klår is? Kijkt der VIDEO. Nåheer fortelt oiwer dai fråg hijr uuner:
-
In der video, wosoo hät dai swester eene forstand inlërt taum air uutsuiken måke wat Jehovaa gefült?
Woweegen döre wij ni forlange dat andrer wat uutsuike for oos? Leest Hebreus 5:14. Nåheer fortelt oiwer dai frågen hijr uuner:
-
Wen wij forlange dat andrer wat for oos uutsuike kan lichter låte, åwer wat mut jërer ainsig fon oos waite?
-
Soo as wij in dem video saie häwe, wat kan dij helpe dijne forstand inlëre un gaure uutsuiken måke?
Oos forstand is soo’s ain map, wat oos helpe däit der weeg uutsuike woo wij im leewend up gåe muite
5. Dau dij ankëre an der andrer eene forstand
Dai lüür sin ni oiwerain, dårweegen eer uutsuiken is uk ni oiwerain. Den, wosoo koine wij wijse dat wij oos ankëre an der andrer eene forstand? Denk ais wen soo wat passijre däir:
1: Ain swester wat sich sër gërn uutsmüke däit, trekt hen nå aine gemaind woo feele swesters dat ni gefale däit.
Leest Romanos 15:1, 1 Coríntios 10:23 un 24. Nåheer fortelt oiwer dai frågen hijr uuner:
-
Soo as in dës sprüüch stäit, wat kan sin däit dës swester måke? Wen’s duu t’hoop büst mit aim wat maint is air dail forkërd wat tau dij ni forkërd is, wat däist duu måke?
2: Air braurer wät dat ine Bijbel stäit is ni forkërd wënig drinke, åwer hai söcht sich uut nischt drinke. Aine dag, daue’s em nööge taum in aim braurer sij huus eete. Hai süüt dat dai andrer dår drinke daue.
Leest Eclesiastes 7:16, Romanos 14:1 un 10. Nåheer fortelt oiwer dai frågen hijr uuner:
-
Soo as in dës sprüüch stäit, wat kan sin däit dës braurer måke? Wen’s duu t’hoop büst mit aim wat air dail mökt wat tau dij forkërd is, wat däist duu måke?
Wat kan dij helpe gaur uutsuiken måke?
1. Beer tau Jehovaa un forlang hülp taum gaur uutsuiken måke. (Tiago 1:5)
2. Måk upsuiken ine Bijbel un in oos buiker taum belërungs dårtau fijne. Fortel uk mit wek wat stark im gloobe sin.
3. Dau andenke wosoo as dij uutsuiken dijne forstand un der andrer eene angäit.
WEK DAUE SOO SÄGE: “Dat leewend is mijn, ik måk wat ik wil. Dat gäit kair wat an wat ik måke dau.”
-
Woweegen muite wij oos ankëre soo’s God un dai andrer lüür sich befijne?
WAT HÄWE WIJ HIJR LËRT?
Taum gaur uutsuiken måke, wij muite waite wat Jehovaa dåroiwer denke däit un wosoo oos uutsuiken der andrer angäit.
Denk dij ais nå
-
Wosoo kast duu uutsuiken måke wat Jehovaa gefale?
-
Wosoo kast duu dijne forstand inlëre?
-
Wosoo kast duu wijse dat’s duu dij ankërst an der andrer eene forstand?
TAUM MËR WAITE
Wosoo kast duu uutsuiken måke wat dijne ümgang mit God stärke däit?
“Dau uutsuiken måke wat God ëre daue” (Wat Bekandmökt, 15 april 2011)
Dau mër lëre oiwer wosoo Jehovaa oos formånt.
Dau saie wat aim kërl hulpe hät air uutsuiken måke wat ni licht wäir.
Wat kan man måke wen Jehovaa ni ain klår geboot ine Bijbel giwt?
“Mut dat ümer air lei sin wat ine Bijbel sreewe stäit?” (Wat Bekandmökt, 1 december 2003)
Kan sin dat dit dij uk gefale däit
MËSTE FRÅGEN
Wosoo kan man dai Bijbel lëre mit Jehovaas Tüügen?
Duu kast dijn aigen Bijbel benutse taum dai Bijbel lëre mit Jehovaas Tüügen.Duu kast dijn gans familg urer dijn fründe nööge taum dai Bijbel lëre t’hoop mit dij.
